Jerimaya 51:33 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³³ Kidie enẹ Ọrovwohwo rẹ otuofovwi, Ọghẹnẹ rẹ Izrẹl tare; Ọmọtẹ ri Babilọn họhọ utuwevwi re de duvwu eka vwẹ oke re de chiyo nu, dede na vwẹ ọmọke emerha yẹ ọke rẹ orhọ roye kọ cha rhe.

Jerimaya 51:33 ပူးပေါင်းရင်းမြစ်များ

Aizaya 18:5

Tavwe rẹ orhọ ki ri te, rẹ ipho da kpare she nu, rẹ ipho na de hirhe phihọ otiẹ rọ vwanre, kọ vwẹ oda rẹ ivuevun nyavwe iri yoro cha, eghọn re tan rhe ka nyavwe ayen kufia.

Aizaya 21:10

E i re wunyeri vẹ e re afare mẹ, die mi nyo mie Ọrovwohwo rẹ otuofovwi na, Ọghẹnẹ rẹ Izrẹl, mi ghwoghwo kẹ wẹ.

Aizaya 47:1

Wotọ rhe wo rhi tidia iwurhie, E ọmọtobe ri Babilọn, tidia otọ ghevweghe ro vwo ekete-e, E ọmọtẹ ri Kaldia! Kidie e gbi se we ọfa-a nẹ wọ pha pọkọ pọko yoyovwi.

Jerimaya 51:32

ayen reyọ asan ushuame na nure, a vwẹ erhanre torhẹ edaji na nure, Uguegue mu otu rẹ ofovwi na.

Hosia 6:11

Fiki wẹ rhe, E Juda, e bru ẹdẹ rẹ orhọ wo nure. Oke me vwọ vwẹ ughwẹ rẹ ihwo mẹ rhivwi rhe.

Joẹl 3:13

Chọrọ oda rẹ ivuevun phihọ, kidie orhọ na ghwore. Ro evun rọye chiyo, kidie okọ ri vain na vọnre. ikpotọ na vọn mwavwe hwẹ, kidie umwemwu rayen rhoro gangan.

Emọs 1:3

Enẹ Ọrovwohwo na tare. Fiki rẹ ogbeku erha ri Damaskọs, ji kugbe ẹne, Me cha rha unu rẹ ehwe na-a, fikiridie ayen vwẹ akpẹrẹ rẹ utehru vwọ guọghọ Gilead.

Maika 4:12

Ẹkẹvuọvo ayen rha riẹn iroro rẹ Ọrovwohwo-o, ayen je riẹn obo ro roro vwẹ evun rọye-e, ne ọ ghwẹ ayen koko kerẹ eka ra kọnre vwẹ utuwevwi re de wuye.

Maika 4:13

Vrẹn rere wo wuye, E Ọmọtẹ ri Zayọn, kidie mi che ru ighoro wẹn hirhe phihọ utehru ichihotọ wẹn kerẹ ẹrovwo; ku wo che hwe ihwo buebu vworovworo, ka cha vwẹ erere rayen ze kẹ Ọrovwohwo, efe rayen kẹ Ọrovwohwo ro vwo akpọ soso.

Habakọk 3:12

Wẹ re zagha otọ na vwẹ ivuemiovwo wẹn, wọ da vwẹ ọphu wẹn chiyi ẹgborho na muotọ.

Matiu 13:30

We jẹn ayen ivẹ na rho kugbe tavwe. Orhọ de te re, ke me ta kẹ otu ri vuẹ nẹ, Ovwan ka ghwẹ ego na koko, wa gba ayen ẹkuẹko rere a torhẹ ayen; ẹkẹvuọvo irosu mẹ ri chekọ na we gbeje ayen kpo erhu.

Matiu 13:39

Ọvweghrẹ na kẹ idẹbono; orhọ na kẹ oba rẹ akpọ na, ihwo ri vuẹ na kẹ emakashe.