Jerimaya 51:28 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁸ Rhuẹrẹ ẹgborho na kẹ ofovwi ra vwọ suọ, ivie ri Mid kugbe isun rayen vẹ ediachavwẹ rayen, vẹ otọ kotọ rẹ uvie rayen.

Jerimaya 51:28 ပူးပေါင်းရင်းမြစ်များ

Jẹnẹsis 10:2

Emọ ri Jafẹt kẹ ena: Goma, Magog, Madai, Javan, Tubal, Mẹshẹk, Tiras.

1 Ikun rẹ Ivie 1:5

Emọ ri Jafẹt: Gomar, Magọg, Madai, Javan, Tubah Mẹshẹk, kugbe Tiras.

Ẹsta 1:3

vwẹ ukpe rerha rẹ usuon rọye o de chere emu kẹ isun vẹ idibo rọye, ilori rẹ ofovwi ri Pẹsha vi Media vẹ ikpihwo ride vẹ isun rẹ ibrotọ re hẹ otọ rọye na,

Ẹsta 10:2

Irueru rẹ ogangan rọye vẹ ẹgba rọye, vẹ asan rẹ ọrhọ re mu kẹ Modekai, rẹ ovie na mu kẹ, e si ayen phihọ ẹbe rẹ iruo rẹ ivie ri Mid vẹ Pẹsha?

Aizaya 13:17

Nighere, me cha nẹrhẹ ihwo ri Mid vwọ so ayen, ihwo ri se idọnọ gbe emuọvo-o oma rẹ oro je vwerha aye-en.

Aizaya 21:2

A da mrẹ emramre ọtuatua kẹ vwẹ, ogborhugborho re gborho, ọguọghọ ra ghwọrọ. Yanran, E Elam kpo imu, E Media; unuẹfion rọ fẹrẹ ejobi me vwẹ ayen te oba.

Jerimaya 25:14

Kidie irere buebu vẹ ivie ride na cha vwẹ evo rayen ru eviẹn, obo rẹ umwemwu rayen vẹ iruo rẹ abọ rayen epha me cha hwa osa kẹ ayen te.

Jerimaya 25:25

Ivie ri Zimri ejobi, ivie rẹ Elam ejobi, kugbe ivie ri Midia ejobi.

Jerimaya 50:41

Nighe, ihwo evo nẹ obọrhe ọnre cha, ẹgborho rẹ egba vẹ ivie buebu e rọ kpara nẹ ugbo shesheri rẹ akpọ na cha.

Jerimaya 51:11

Nọ edada na! Reyọ ekpọfia na! Ọrovwohwo kpare udu rẹ ivie rẹ Mid nure, fikiridie iroro rọye kpahe Babilọn iroro rẹ oghwọrọ, kidie ọye ihriẹriọ rẹ Ọrovwọhwo na, ihri fiki rẹ uwevwi rọye.

Jerimaya 51:27

Vwẹ aphiana vi vwẹ akpọ na, hwọrọ owanre vwẹ ohri rẹ ẹghorho na; rhuẹrẹ ẹgborho na kẹ ofovwi ra vwọ suọ, se uvie na koko vwọ suọ, Ararat, Mini, vẹ Ashkinaz, vwẹ onotu ọvo mu vwọ suọ ghwe iyesi rhe kerẹ ebaka ri do.

Jerimaya 51:29

Otọ na kpogho chahoma vwẹ odjadja, kidie iroro rẹ Ọrovwohwo jẹn kpahe Babilọn ji mudia, ro vwo ru otọ ri Babilọn ofefe, ohwo cha dia-a.

Daniẹl 6:1

O de je Darios ọ da vwẹ isun ujosan vwo mu, rere e dia evun rẹ uvie na ejobi;

Daniẹl 6:8

Asakiephana, E ovie, gbe ji urhi na re wo rhe phi odẹ wẹn phihọ ẹbe na, rere e vwo jẹ ẹrhẹriẹ, kirobo rẹ urhi rẹ ihwo ri Mid vẹ Pẹsha re sa rhẹriẹ-ẹ epha.

Daniẹl 8:20

Vwọ kpahe egbo na vẹ ighoro ivẹ, ru wọ mrẹre na, enana ivie ri Midia vẹ Pẹsha.

Daniẹl 9:1

Vwẹ ukpe rẹsosuọ ri Dariọs ọmọ rẹ Ahasuẹrus, re vwiẹri vwi Mid rọ rhe re uvie vwẹ ubrakpọ rẹ ihwo ri Kaldia.