Jerimaya 51:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Nighere me vwọ so wẹ, E ugbenu rọ ghwọrọ na, eriyin Ọrovwohwo tare, rọ ghwọrọ akpo soso na; me cha riẹn obọ mẹ kpahe owẹ, mi de ghorie uwe nẹ ẹgbogho na rheotọ, mi de ru uwe ugbenu ra torhẹre.

Jerimaya 51:25 ပူးပေါင်းရင်းမြစ်များ

Jẹnẹsis 11:4

Ayen da rha ta, Yanrhe, e jẹn avwanre bọn orere kẹ oma rẹ avwanre, ra bọn uwevwi rẹ enu phihọ ro kpenu odjuvwu, re avwanre re odẹ kẹ oma rẹ avwanre, ọ rha dia eriyin avwanre ke cha hra vwẹ enu rẹ akpọ na ejobi.

Une rẹ Ejiro 138:7

Owenẹ me yan vwẹ uherevie rẹ ukpokpogho, wọwẹ re sẹro rẹ arhọ mẹ; wọwẹ rẹ riẹn obọ wẹn hẹrhẹ ivuemiovwo rẹ ivwighrẹ, obọrhe wẹn de sivwi vwe.

Aizaya 13:2

Vwẹ enu rẹ ugbenu phrẹphrẹphrẹ na dje ọka, kperi phia wọ ta kẹ ayen, kpogho obọ kẹ ayen re ro anurhoro rẹ ikpihwo na.

Jerimaya 25:12

Siẹ rẹ ikpe ujorha gbẹ ihwe na da gba nure, ki mi ru ovie ri Babilọn vẹ orere yena djadja, otọ rẹ ihwo ri Kaldia na, fiki rẹ orukuruku rayen, eriyin Ọrovwohwo tare, ki mi ru ayen ofefe bẹdẹ bẹdẹ.

Jerimaya 25:9

gbe nighe, mi che se uvwiẹ rẹ obọhwẹre ọnre cha, eriyin Ọrovwohwo tare, kugbe Nebukadreza ovie ri Babilọn, odibo mẹ na, me ghwẹ ayen rhe vwọ họnre otọ nana vẹ ihwo re dia, je kpahe irere nana re yarierẹ na; me cha ghwọrọ ayen tọtọtọ, mi de ru ayen imuosho vẹ unuẹfiọn, kugbe ihwo ra hwe bẹdẹ.

Jerimaya 50:25

Ọrovwohwo rhie uwevwi rẹ ekuakua re ofovwi rọye re, ọ da ghwẹ ekuakua rẹ ophu rọye phihọ otafe, kidie Ọrovwohwo Ọghẹnẹ rẹ otuofovwi na vwẹ iruo ro ruẹ vwẹ otọ rẹ ihwo ri Kaldia na.

Jerimaya 50:31

Nighe, me vwọ so owẹ, E ọ ro herẹ na, Ọrovwohwo Ọghẹnẹ rẹ otuofovwi na tare, kidie ẹdẹ wẹn rhire, ọke ri mi che vwo hwe we.

Jerimaya 51:53

Owenẹ Babilọn yeri kpenu te odjuvwu, owenẹ ọ gba ogba ọgangan kpenu yariẹ oma, dede ẹghwọrọ che nẹ obọ mẹ bro ra, eriyin Ọrovwohwo tare.

Jerimaya 51:58

Enẹ Ọrovwohwo rẹ otuofovwi tare. Igbẹhẹ rode ri Babilọn na e che kporo te otọ riẹriẹriẹ inurhoro rọye ri kpenu na cha tua vwẹ erhanre. Ihwo na wian kufia, omẹrhọ rẹ ẹghorho na kọ rẹ erhanre.

Jerimaya 51:7

Babilọn uko rẹ oro vwẹ obọ rẹ Ọrovwohwo jovwo, o da nẹrhẹ idi mu akpọ na ejobi; ẹgborho na da da wain rọye, ọtiọye na ẹgborho na da mwo orhuẹ.

Daniẹl 4:30

etiyin ovie na da ta, Onana dia Babilọn rọde na, re me vwẹ ẹgba vẹ ogangan mẹ bọn rọ dia ighẹn rẹ ovie vwọ kẹ urinrin vẹ ọrho mẹ?

Zekaraya 4:7

Die wọ epha, E ugbenu rode na? Wo che hirhe phihọ asan ro she-aton vwẹ obaro rẹ Zerubabẹl, kọ cha vwẹ oragha rọ hẹ obenu na vwẹ ohri rẹ edo nẹ Ẹserọphẹ; ẹserọphẹ kẹ.

2 Pita 3:10

Ẹkẹvuọvo ẹdẹ rẹ Ọrovwohwo na cha kerẹ oji, etiyin idjuvwu na ke cha wanvrẹn vẹ edo rode, ekuakua re herọ, ke cha wran vwẹ evun rẹ erhanre, te akpọ na kugbe iruo re herọ ke cha torhẹ kufia.

Ẹvwọphia 8:8

Amakashe rivẹ de rhi hworo owanre rọye, orọvwọ ọvo kerẹ ugbenu rẹ erhanre, rọ la jojojo de ghwie she phihọ abadi na;