Jerimaya 51:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Wẹ ọye umomo vẹ ekuakua rẹ ofovwi mẹ wẹ me vwọ guọghọ ẹgborho na ibribro; wẹ me vwọ ghwọrọ uvie

Jerimaya 51:20 ပူးပေါင်းရင်းမြစ်များ

Aizaya 10:15

Kẹ ushurhe yan eyan kẹ ọro vwo she urhe, eye isara rhe mu oma kpenu kẹ oro yọnherọ? Kerẹ ẹsiẹ rẹ ophiaphiẹ da fa ohwo rọ yọnherọ, eyẹ kerẹ ẹsiẹ rẹ ọkpọ da rhoma mu ohwo rọ yọnherọ nẹ otọ!

Aizaya 10:5

E, Asiria, ophiaphien rẹ ophu mẹ, ọkpọ rẹ omẹdja mẹ!

Aizaya 13:5

Ayen re nẹ ogboko cha, nẹ oba rẹ odjuvwu cha, Ọrovwohwo vẹ ekuakua rẹ ophu rọye, re ọ rhe vwọ ghwọrọ akpọ ejobi.

Aizaya 37:26

Wo ji nyo-o, obo ri mi rori rhabae rhe? Nẹ ọke rẹ awanre rhe me vwọ vwanvwọn phihọ otọ obo re cha phia vwẹ ọke nana, nẹ wa gba ogba riariẹ irere rẹ ovwan ri che kporo hirhe phihọ erhurhu,

Aizaya 45:1

Enẹ Ọrovwohwo tare kẹ ọmọ rọye rọ vwẹ evwri ghworo na Sairọs, re me yọnrọn obọrhe rọye na, re mi phi irere na kua kẹ na re Me ban ivie phihọ keẹ, re mi rhie ẹchẹ phihọ hẹrhẹ rere e je ẹchẹ yena ehuho,

Aizaya 8:9

Je oma ghwọrọ ovwan ihwo na, re oma rhọ ovwan, kerhọn, ovwan ihwo rẹ irere oshesheri; chobiẹ re oma ghwọrọ ovwan; wa chobiẹ re oma ghwọrọ ovwan.

Jerimaya 25:11

Otọ nana soso na che hirhe phihọ umiovwo kọ dia ofefe, irere nana cha ga ovie ri Babilọn ikpe ujorha gbẹ ihwe.

Jerimaya 25:9

gbe nighe, mi che se uvwiẹ rẹ obọhwẹre ọnre cha, eriyin Ọrovwohwo tare, kugbe Nebukadreza ovie ri Babilọn, odibo mẹ na, me ghwẹ ayen rhe vwọ họnre otọ nana vẹ ihwo re dia, je kpahe irere nana re yarierẹ na; me cha ghwọrọ ayen tọtọtọ, mi de ru ayen imuosho vẹ unuẹfiọn, kugbe ihwo ra hwe bẹdẹ.

Jerimaya 50:23

Mavọ umomo rẹ akpọ na soso e vwo bro phihọ otọ guọghọ! Mavọ Babilọn rhi vwo hirhe phihọ emuoshọ vwẹ ohri rẹ ẹgborho na?

Izikiẹl 21:11

Ọtiọye na e de siobọ nẹ ọlọkọ na rere a nabọ rie, rere o vwo je a yọnre; a nọrọ e de rie, rere e phio phihọ obọ re ohwe-ihwo.

Izikiẹl 21:31

Ke me kpare ophu mẹ ku we, ki mi phopho erhanre rẹ ophu mẹ ku we; ki mi phi we phihọ obọ rẹ ihwo ri siaro, re riẹn ona rẹ ẹghwọrọ.

Maika 4:12

Ẹkẹvuọvo ayen rha riẹn iroro rẹ Ọrovwohwo-o, ayen je riẹn obo ro roro vwẹ evun rọye-e, ne ọ ghwẹ ayen koko kerẹ eka ra kọnre vwẹ utuwevwi re de wuye.

Maika 4:13

Vrẹn rere wo wuye, E Ọmọtẹ ri Zayọn, kidie mi che ru ighoro wẹn hirhe phihọ utehru ichihotọ wẹn kerẹ ẹrovwo; ku wo che hwe ihwo buebu vworovworo, ka cha vwẹ erere rayen ze kẹ Ọrovwohwo, efe rayen kẹ Ọrovwohwo ro vwo akpọ soso.

Nahum 2:1

Otu re guọghọ na bru we rhire. Se ihwo rhe re hwa hẹrhẹ; rhere idjerhe na; chobiẹ amwa wẹn; Rhanre oma vi.

Zekaraya 10:4

Oma rayen oragha rẹ ubienyẹ che nu rhe, oma rayen ichivwo rẹ utughẹ che nu rhe, oma rayen umurhabọ rẹ ofovwi che nẹ cha, oma rayen osun kosun che nẹ cha.

Matiu 22:7

Ẹkẹvuọvo ivun de miovwi ovie na; o de ji usun rẹ ofovwi rọye nẹ i re hwe izighẹ na, rere ayen torhẹ orere rayen na.