Jerimaya 51:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ E ovwan re dia orhọma rẹ ame buebu, ri feri na, oba rẹ ovwan tere, ufi rẹ arhọ rẹ ovwan vwrẹre

Jerimaya 51:13 ပူးပေါင်းရင်းမြစ်များ

Jẹnẹsis 6:13

Ọghẹnẹ da ta ki Noa, Me guọnọre ne Me guọghọ emu ejobi nẹ akpọ na, kidie akpọ na vọnre vẹ ozighi fiki rẹ ayen, nighe, Me guọghọ ayen vẹ akpọ na.

Une rẹ Ejiro 137:1

Vwẹ oma rẹ urhie ri Babilọn, etiyin me mudia ma da viẹ, vwẹ ọke ma da karohọ Zayọn.

Aizaya 43:14

Enẹ Ọrovwohwo tare, Ọtan wẹn, Ọfuanfon Ọvuọvo rẹ Izrẹl na. Fiki wẹn Mi vwo ji ikọn kpo Babilọn ve vwirhi egbẹ rẹ itehru rayen, unuebo rẹ ihwo ri Kaldia cha rhoma hirhe phiyọ ovie.

Aizaya 45:3

Ki Mi vwẹ efe re ebri na kẹ wẹ kugbe obo ra ghwẹ koko vwẹ odjahọ ejobi rere wọ vwọ riẹn nẹ Mẹvwẹ ọye, Ọrovwohwo na, Ọghẹnẹ rẹ Izrẹl, ro mu odẹ wẹn se we.

Aizaya 57:17

Fiki rẹ orukuruku rẹ ubiupho rẹ imu rẹ ihwo efa ọye ivun vwo miovwo uvwe, Me da ghwiẹ, Mi si opharo nu kẹ ivun de miovwo uvwe, ẹkẹvuọvo o jiji siẹ hẹ obuko vwẹ idjerhe re udu rọye.

Jerimaya 17:11

Obo rẹ ọhohowa rhọghọ nẹ ọ sa aye-en na, eriyin ohwo rọ wa idjerhe umwemwu fe epha, vwẹ uherevie rẹ ẹdẹ rọye kẹ ayen yan jovwo, oba rọye ọ me rhe dia ẹkpa.

Jerimaya 50:27

Hwe irhuẹn rọye ejobi, jẹn ayen yanran bru ọrohwe. Ekan kẹ ayen, kidie ẹdẹ rayen rhire, ọke rẹ ehwe rayen.

Jerimaya 50:31

Nighe, me vwọ so owẹ, E ọ ro herẹ na, Ọrovwohwo Ọghẹnẹ rẹ otuofovwi na tare, kidie ẹdẹ wẹn rhire, ọke ri mi che vwo hwe we.

Jerimaya 50:37

Ọlọkọ vwẹ enu rẹ iyesi vẹ ekpẹrẹ rọye, vẹ enu rẹ otuofovwi erhorha re hẹ uherevie rọye, rere ayen vwọ hirhe oma phihọ eya! Ọlọkọ vwe enu re efe rọye ejobi, rere a vwọ kua ayen fiotọ!

Jerimaya 51:36

Ọtiọye na enẹ Ọrovwohwo tare; Nighe, mi mie we unu vwo gu me reihri kẹ wẹ ki mi che se abadi rọye kpọ mi de ru ogbugbu rọye ya,

Uvwerhe 4:18

Ihwo kẹ tọn ẹro vi ichiyi rẹ avwanre o gbi jẹ avwanre sa yan vwẹ evun rẹ irhuvwu rẹ avwanre-e. Oba rẹ avwanre sikẹre re e kere ẹdẹ rẹ avwanre mu nure, kidie oba rẹ avwanre tere.

Daniẹl 5:26

Ọna kọye otọ rẹ ota na. MẸNẸ, Ọghẹnẹ kerẹ ẹdẹ rẹ uvie wẹn o de vwo te oba;

Emọs 8:2

Ọ ke ta, Emọs, die wọ mrẹre? Me da ta, obere re emamọ rẹ ọkeuvo. Etiyin Ọrovwohwo da ta kẹ vwẹ, Oba na teri kẹ ihwo mẹ Izrẹl nure, Me gbe rha cha wanvrẹn aye-en.

1 Pita 4:7

Oba rẹ emu na ejobi si kẹre re; fiki rẹ ọtiọye na gbe ru dọe re ẹro hiẹ wẹ vwẹ ọke wọ da nẹ ẹrhovwo.

2 Pita 2:3

Fiki rẹ urhuru kugbe ọphiẹvwe rayen ke cha vwẹ ovwan chueki; nẹ awanre rhe ọye obruhwe rayen vwọ hẹ otọ, o vwo ovwerhẹ vwẹ ọke rẹ ẹghwọrọ raye-en.

Ẹvwọphia 17:1

Amakashe ọvo vwẹ usun rẹ emakashe ighwrẹ na ri mu idjokpo ighwrẹ na da rhe ọ da ta kẹ vwẹ, Yanrhe, re me vwẹ orhiẹn re bruhwe igberadja ro tidia enu rẹ ame buebu na nẹ wẹ,

Ẹvwọphia 17:15

Ọ da ta kẹ vwẹ, Ame na re wọ mrẹre na, vwẹ asan rẹ igberadja na tidia na, ayen hẹ ihwo kugbe urogho kugbe ẹgborho kugbe ephẹrẹ.

Ẹvwọphia 18:19

Ayen da ghwẹ ekpẹn ku iyovwi rayen, rẹ ayen vwọ viẹ muomahọ, kperẹ nẹ Eghwo, eghwo, wẹ orere rode na asan rẹ ihwo ri vwo ekọ vwẹ abadi da wan oma rọye fe! Vwẹ unọke ọvuọvo na a ghwọerọ kufia.