Jerimaya 51:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Vwẹ aphiana tan kpahe igbẹhẹ ri Babilọn; jẹn ohẹrhẹ na gan vwẹ erhẹrotọ mu, jẹn ihwo hwa phihọ. Kidie Ọrovwohwo jẹ iroro na ọye ji ruo obo rọ tare kpahe ihwo ri Babilọn.

Jerimaya 51:12 ပူးပေါင်းရင်းမြစ်များ

Isẹ 21:30

O vwo aghwanre-e, o vwo ẹruọ-ọ, o vwo iroro-o o se ru emuọvo kpahe Ọrovwohwo-o.

Aizaya 11:12

Kọ kpare aphiana kpenu kẹ irere na, ko si ihwo rẹ Izrẹl ra djẹ kufia koko, ihwo ri Juda re hrare ko bi koko nẹ igogo ẹne rẹ akpọ na rhe.

Aizaya 13:2

Vwẹ enu rẹ ugbenu phrẹphrẹphrẹ na dje ọka, kperi phia wọ ta kẹ ayen, kpogho obọ kẹ ayen re ro anurhoro rẹ ikpihwo na.

Jerimaya 23:20

Ophu rẹ Ọrovwohwo se rhivwi-i bẹsiẹ ro vwo brorhiẹ rẹ imu re hẹ udu rọye re nu. Vwẹ ẹdẹ rẹ okuko na wa cha riẹn phephe.

Jerimaya 4:28

Fiki rẹ ọnana akpọ na ki che muomahọ, obenu ko che bi, kidie me ta nure, me jẹn iroro nure, mi che dogho obọ-ọ mi ji kurhẹriẹ-ẹ.

Jerimaya 50:2

Djẹ phia vwẹ ohri rẹ ẹgborho na wo ghwoghwo, vwẹ aphiana tan wo ghwoghwo, wo sionẹ-ẹ, re wo tanẹ: A reyọ Babilọn nure, oma vo Bẹl nure, ofu dje Mẹrodak nure. A vwẹ ema rọye jehwẹ, ofu dje edjọ rọye.

Jerimaya 50:25

Ọrovwohwo rhie uwevwi rẹ ekuakua re ofovwi rọye re, ọ da ghwẹ ekuakua rẹ ophu rọye phihọ otafe, kidie Ọrovwohwo Ọghẹnẹ rẹ otuofovwi na vwẹ iruo ro ruẹ vwẹ otọ rẹ ihwo ri Kaldia na.

Jerimaya 51:11

Nọ edada na! Reyọ ekpọfia na! Ọrovwohwo kpare udu rẹ ivie rẹ Mid nure, fikiridie iroro rọye kpahe Babilọn iroro rẹ oghwọrọ, kidie ọye ihriẹriọ rẹ Ọrovwọhwo na, ihri fiki rẹ uwevwi rọye.

Jerimaya 51:27

Vwẹ aphiana vi vwẹ akpọ na, hwọrọ owanre vwẹ ohri rẹ ẹghorho na; rhuẹrẹ ẹgborho na kẹ ofovwi ra vwọ suọ, se uvie na koko vwọ suọ, Ararat, Mini, vẹ Ashkinaz, vwẹ onotu ọvo mu vwọ suọ ghwe iyesi rhe kerẹ ebaka ri do.

Jerimaya 51:29

Otọ na kpogho chahoma vwẹ odjadja, kidie iroro rẹ Ọrovwohwo jẹn kpahe Babilọn ji mudia, ro vwo ru otọ ri Babilọn ofefe, ohwo cha dia-a.

Uvwerhe 2:17

Ọrovwohwo ru obo ro rori ọ vwẹ oshọ rọ djle mu ayen na vwo ru iruo re; kirobo rọ guọnọre nẹ ọdia rhabae rhe, ọ ghwọre ọ rha re ehrọre-e; Ọ nẹrhẹ ivwighrẹ na mrẹ wẹ ghọghọ, O de ru ẹgba rẹ ivwighrẹ wẹn na rho phihọ.

Joẹl 3:2

ke me ghwẹ ẹgborho na ejobi koko ke me vwẹ ayen rhe iyara ri Jehoshafat, kẹ etiyin me da vwẹ ayen gu ẹdjọ, fiki rẹ ihwo mẹ kugbe ireuku mẹ Izrẹl, fikiridie ayen hra ayen nene ẹgborho na ejobi. Ayen da ghare otọ mẹ reyọ.

Nahum 2:1

Otu re guọghọ na bru we rhire. Se ihwo rhe re hwa hẹrhẹ; rhere idjerhe na; chobiẹ amwa wẹn; Rhanre oma vi.

Joshua 8:14

Ọke rẹ ovie rẹ Ai vwo mrẹ ọnana te ọye te ihwo rọye ejobi, ihwo rẹ orere na, de bru okpakpa rhe vwẹ irhiọke ride kpo obo ọghwrọrọ rọ kpo obo Araba ra vwẹ ofovwi so Izrẹl; ẹkẹvuọvo ọ rha riẹn nẹ a hwa phihọ hẹrhẹ vwẹ obuko rẹ orere na-a.