Jerimaya 51:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ọrovwohwo vwẹ ase rẹ avwanre rhire, mọ, re ghwoghwo vwi Zayọn iruo rẹ Ọrovwohwo Ọghẹnẹ rẹ avwanre na.

Jerimaya 51:10 ပူးပေါင်းရင်းမြစ်များ

Une rẹ Ejiro 118:17

Mi che ghwu-u, ẹkẹvuọvo me cha rhọ, ki mi che gbe ikun re uruemu rẹ Ọrovwohwo na.

Une rẹ Ejiro 37:6

Kọ vwẹ ase wẹn phia kerẹ uvo, iruo esiri wẹn kerẹ uherevie rẹ uvo.

Une rẹ Ejiro 64:9

Etiyin ihwo ejobi ke djẹ oshọ ke ayen che gbe ikun rẹ obọ rẹ Ọghẹnẹ ruru, ayen ki che roro obo ro ru nure.

Une rẹ Ejiro 66:16

Mọ wo nyo, ovwan ejobi re djẹ oshọ rẹ Ọghẹnẹ ki mi gbe obo ro ru kẹ vwẹ.

Une rẹ Ejiro 9:14

rere me vwẹ obọ te otọ gbe ikun rẹ ejiro wẹn, rere vwẹ anurhoro rẹ ọmọtẹ ri Zayọn. Me sa vwọ ghọghọ vwẹ esivwo wẹn.

Aizaya 24:14

Ayen kparẹ urhuru rayen kpenu, ayen so ine rẹ aghọghọ, fiki rẹ ọrhọ rẹ Ọrovwohwo ayen dori vwẹ obuko ọnre.

Aizaya 40:2

Ta ota dẹndẹn kẹ Jerusalẹm, ru wo kperi kẹ tanẹ ofovwi rọye rere, nẹ a vwẹ orukuruku rọye ghovwo, nẹ ọ reyọ osa mie Ọrovwohwo ọhwọhwọ ivẹ fiki rẹ umwemwu rọye.

Aizaya 51:11

i re si nẹ ijọpha re Ọrovwohwo na mrasan rhivwi, ayen Me rhe vẹ ine ẹsuọ vwọ rhe Zayọn, aghọghọ ri bẹdẹ na kọ dia uyovwi rayen, kẹ ayen vwo aghọghọ vẹ omavwerhe, te oja vẹ unuẹfiọn ke dje ghwru.

Jerimaya 50:28

Kerhọn! ayen djẹ vabọ nẹ otọ ri Babilọn, re ghwoghwo ihriẹriọ rẹ Ọrovwohwo Ọghẹnẹ rẹ avwanre na vwi Zayọn, ihriẹriọ fiki rẹ uwevwi rọye.

Jerimaya 50:45

Ọtiọye na gbe nyo iroro rẹ Ọrovwohwo jẹn kpahe Babilọn, vẹ obo ro ruru kpahe otọ rẹ ihwo ri Kaldia na: Omuẹro e che kpono igegede itete rayen yanran, Omuẹro obo re phia kẹ ayen che gbe ogba rẹ igegede rayen unu.