Jerimaya 50:44 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴⁴ Nighe, kirobo rẹ okpohrokpo nẹ oghwaghwo ri Jọdan cha vwọ so ogba rẹ igegede ye, mi che ru ayen re djẹ jovwo kpregede, ohwo ro jevwe kọye mi vwo mu vwẹ enu rọye. Kidie kono họho ovwẹ? Ono che si ọbe se vwe? Didi osuigegede se mudia vwẹ obaro mẹ?

Jerimaya 50:44 ပူးပေါင်းရင်းမြစ်များ

Une rẹ Ejiro 89:6

Kidie kono obenu na re vwo dje we Ọrovwohwo? Ono vwe ohri re ihwo re obo odjuvwu na re họhọ Ọrovwohwo,

Une rẹ Ejiro 89:8

E Ọrovwohwo Ọghẹnẹ re otuofovwi, Ono re goma kere owẹ, E Ọrovwohwo, vẹ esegbuyota wẹn rọ riariẹ owẹ wan?

Ẹyano 15:11

Ono re họhọ owẹ, E Ọrovwohwo, vwẹ ohri rẹ eghẹnẹ na ejobi? Ono re họhọ owẹ, vwẹ ọrho vẹ ẹfuọn, ro muoshọ vwẹ iruo rẹ urinrin, ro ruẹ emu rẹ igbunu?

Aizaya 40:18

Kono ghwrara wo vwo dje Ọghẹnẹ, eyẹ ki didi emu re họherọ?

Aizaya 40:25

Kono wo vwo dje vwe, re me họhọ? eriyin Ọfuanfon Ọvuọvo na tare.

Aizaya 41:25

Me kpare ophu rẹ ohwo ọvo nẹ obọhwẹrẹ ọnre rhe, Ọ ghine rhe nure, nẹ evacha rẹ ọnre rhe, ko se odẹ mẹ; ko che chiyi isun na muotọ kerẹ odo, kirobo rọ ọmẹma na chiyi ekpẹn.

Aizaya 43:10

Ovwan iseri mẹ, eriyin Ọrovwohwo tare, kugbe odibo mẹ re me jẹreyọ na, wo vwọ riẹn vwo se vwẹ gbuyota wọ vwọ mrẹ vughe nẹ Mẹvwẹ ọye Tavwe Me ke herọ ya je ma eghẹnẹ vuọvo-o, eye ọfa ra je cha ma vwe ọbuko mẹ herọ-ọ.

Aizaya 46:11

se ọmọphran rọ djoma nẹ obaro ọnre rhe, ọvwiroro mẹ nẹ orere rọ he ogboko rhe. Me ta nure, Mi ji se ruo gba, Me je iroro nure, ki Mi ruo.

Aizaya 46:9

Karophihọ imu rẹ awanre, kidie Mẹvwẹ Ọghẹnẹ, o gbi vwo ọfa-a, Mẹvwẹ Ọghẹnẹ, ọfa rọ họhọ ovwẹ gbe herọ-ọ,

Aizaya 48:14

Ghwẹ oma koko, ovwan ejobi, re we nyo! Ono vwẹ usun rayen ri dje imu nana? Ọrovwohwo na guọnọ, o che ru obo ro rori na gba vwẹ oma ri Babilọn, igbabọ rọye cha riẹn kpahe ihwo ri Kaldia.

Jerimaya 12:5

“Ọ da dianẹ wọ vẹ ihwo vwẹ awọ djẹ onẹ oma da rhọ wẹ, komavọ wọ ru nene iyesi vwavwẹ oma Wọ da he otọ ofuefu wo de she teye otọ komavọ wo ru vwẹ oghwaghwo ri Jọdan?

Jerimaya 25:38

Ọ ya jẹ emwa rọye vwọ kerẹ okpohrokpo, kidie otọ rayen ghwọrọ kufia fiki rẹ ọlọkọ rẹ Ọrovwohwo na, kugbe fiki rẹ ophu ọtuatua rọye na.

Jerimaya 30:21

Ovie rayen kọ dia ohwo ro nẹ ohri rayen rhe, uherevie rayen osun rayen nurhe. Mi sio kẹro oma, ko si kẹrẹ ovwẹ, kidie ono sa vwẹ ọhọrobọ rọye si kẹrẹ ovwẹ? eriyin Ọrovwohwo tare.

Jerimaya 50:15

Bunu yariẹ phihọ abọ rhọrọ re, edaji rọye she nure, igbẹhẹ rọye she ghwotọ. Kidie ọnana ihriẹriọ rẹ Ọrovwohwo, vwọ re ihri kẹ kirobo ro ruru.

Zekaraya 11:3

Kerhọn, re ọmaebere rẹ isuigegede na, kidie a ghwọrọ urinrin rayen re! Kerhọn, rẹ ekpere rẹ ikpohrokpo na, kidie oghwaghwo ri Jọdan ghwọrọ totọ re!

Ukeri 16:5

etiyin ọ da ta kẹ Korah vẹ ukoko rọye ejobi, Vwẹ irhiọke Ọrovwohwo na che dje ohwo rọ dia ọrọye kugbe ohwo rọ fonro, ko che si ohwo yena kẹrẹ oma; ohwo rọ jẹreyọ, kọye o si kẹrẹ oma.