Jerimaya 50:34 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁴ Ọ rọ tan ayen hirhe na ogba ọgangan, Ọrovwọhwo rẹ otuofovwi na ọye odẹ rọye. O che mie ayen unu vwo gun, rere ọ vwọ mrasan kẹ akpo na omerovwo, ẹkẹvuọvo ọdjorho kọye dia kẹ ihwo ri Babilọn.

Jerimaya 50:34 ပူးပေါင်းရင်းမြစ်များ

2 Ikun rẹ Ivie 6:39

Gbe nyo vwẹ obo odjuvwu vwẹ asan re wọ dia na ẹrhovwo rayen kugbe orẹ rayen, re wo bru kẹ ayen rere wo vwo ghovwo ihwo wẹn ri ru umwemwu kpahe owẹ.

ỌBE RẸ JOB 19:25

Kidie me riẹnre nẹ Ọ rọ tavwẹ hirhe herọ nẹ o che mudia enu rẹ akpọ na vwẹ ukuko rọye,

Une rẹ Ejiro 35:1

Sivwi oseghe. E Ọrovwohwo, wọ vẹ ihwo ri nene uvwe sivwi oseghe; họnre ihwo ri nene uvwe họnra!

Une rẹ Ejiro 43:1

Brorhiẹ mẹ, E Ọghẹnẹ, rere wọ chochọ mẹ kpahe ihwo umwemwu; biko sivwi uvwe nẹ obọ re ihwo re phiẹn vwe kugbe ihwo ebrabra.

Ẹyano 6:6

Fiki rẹ ọtiọye na gba ta kẹ ihwo rẹ Izrẹl, “Mẹvwẹ Ọrovwohwo na, mi che si we nẹ otọ rẹ oja rẹ ihwo rẹ Ijipti, ki mi che si we nẹ ọviẹn rayen, ke me tan wẹ nu obọ rẹ ayen.

Isẹ 22:23

kidie Ọrovwohwo che mie ayen unu vwo guẹ, o mi rhi miovwi ayen ihwo ri miovwi akpọ rayen.

Isẹ 23:11

kidie Ọtan rayen pha gangan; ọ cha cha oja rayen vwẹ obọ wẹn.

Aizaya 41:14

Wọ djẹ oshọ-ọ, we ri Jekọp re ohori, ovwan ihwo rẹ Izrẹl! Me sa cha we uko, eriyin Ọrovwohwo tare, Ọtan wẹn ọye Ọfuanfon Ọvuọvo rẹ Izrẹl na.

Aizaya 43:14

Enẹ Ọrovwohwo tare, Ọtan wẹn, Ọfuanfon Ọvuọvo rẹ Izrẹl na. Fiki wẹn Mi vwo ji ikọn kpo Babilọn ve vwirhi egbẹ rẹ itehru rayen, unuebo rẹ ihwo ri Kaldia cha rhoma hirhe phiyọ ovie.

Aizaya 44:6

Enẹ Ọrovwohwo tare nẹ, Ovie rẹ Izrẹl vẹ Ọtan rọye Ọrovwohwo rẹ otuofovwi na: Mẹvwẹ ọ rẹ ẹsosuọ Mẹvwẹ ọ rọ ka oba Ọghẹnẹ ọfa gbe herọ vrẹn vwẹ-ẹ.

Aizaya 47:4

Ọtan rẹ avwanre–Ọrovwohwo re otuofovwi na he odẹ rọye– ọye Ọfuanfon Ovuọvo re Izrẹl na

Aizaya 49:25

Uyota, enẹ Ọrovwohwo tare vwevwe rẹ ighuvwu rẹ ọgba na a je cha reyọ ayen, emuọre rẹ odiphri na e ji che sivwo mie, kidie ihwo ri nene uwe ghwo ki mi nene ayen ghwọ, ki mi sivwi emọ wẹn.

Aizaya 51:22

E nẹ Ọrovwohwo wẹn tare, Ọrovwohwo na, Ọghẹnẹ wẹn ro mie we unu vwo guẹ kẹ ihwo rọye: Nighere, Me reyọ udjokpo rẹ egele mie we obọ; udjokpo rẹ ophu Mẹ wọ gbe cha da ọfa-a,

Aizaya 54:5

Kidie Oma rọ ma wẹ ọye ọshare wẹn, Ọrovwohwo rẹ otuofovwi na ọye odẹ rọye; Ọfuanfon Ọvuọvo rẹ Izrẹl na ọye Ọtan wẹn Ọghẹnẹ rẹ akpọ ejobi ọye e se.

Jerimaya 10:16

Ọ ro vwo ẹkẹn vwi Jekọp sa họhọ enana-a fikiridie ọye ma imu ejobi, Izrẹl kẹ orua rẹ Ukuẹriọ rọye, Ọrovwohwo rẹ otuofovwi na ọye odẹ rọyẹ.

Jerimaya 15:21

Mi sivwi uwe nẹ obọ rẹ oriumwemwu na, mi ji sivwi uwe nẹ ugodo rẹ ihwo ogbarogba na.

Jerimaya 30:20

Emọ rayen na ke cha dia obo re ayen epha vwẹ awanre, ukoko rayen ko mudia vwẹ obaro mẹ, otu re nyẹ ayen muotọ ejobi mi che ru ayen ghwaghwa.

Jerimaya 31:11

Kidie Ọrovwohwo tan Jekọp nure, ọ je tan nẹ abọ rẹ ọ rọ gan nọ.

Jerimaya 31:35

Enẹ Ọrovwohwo na tare, ọ rọ ma ọnre ra vwọ mrorẹ vwẹ uvo, ọ da gbẹn idjerhe kẹ emeranvwe vẹ isiọ re dia urhukpẹ kẹ ason. Ọ rọ kpare ame rẹ urhie rọ da sẹghẹ; Ọrovwohwo rẹ otuofovwi ọye hẹ odẹ rọye.

Jerimaya 32:18

Wẹ ro dje ẹguọnọ ro jẹrhẹriẹ kẹ uriori kpahe uriori ẹkẹvuọvo wọ hwa osa rẹ abe rẹ esemọ vwọ kẹ emọ rayẹn, E Ọghẹnẹ rode ro vwo ẹgba rẹ odẹ rọye hẹ Ọrovwohwo rẹ otuofovwi,

Jerimaya 48:15

Ọghwọrọ ri Moab vẹ irere rọye rhe nure, imighene esiri rọye na ayen yanran kpo ehwe, eriyin Ovie na tare, ọ rẹ odẹ rọye Ọrovwohwo rẹ otuofovwi na.

Jerimaya 51:19

Ọ dia etiọna ẹkẹn ri Jekọp họhọre-e, kidie ọye re ma imu ejobi, Izrẹl je orua rẹ ukuẹriọ rọye; Ọrovwohwo rẹ otuofovwi ọye odẹ rọye.

Jerimaya 51:36

Ọtiọye na enẹ Ọrovwohwo tare; Nighe, mi mie we unu vwo gu me reihri kẹ wẹ ki mi che se abadi rọye kpọ mi de ru ogbugbu rọye ya,

Uvwerhe 3:58

Wọ da chọ ochọ mẹ, E Ọrovwohwo, wọ da tan arhọ mẹ hirhe.

Joẹl 2:11

Ọrovwohwo na da kpare urhuru rọye kẹ unuofovwi na, kidie otu rọye pha buebu gbidi; ọ rọ ta ota na pha gangan. Kidie ẹdẹ rẹ Ọrovwohwo na pha rhuarho o mu oshọ gangan; kono ri se dede?

Maika 4:10

Gbune ye wọ guan, E ọmọtẹ ri Zayọn kerẹ aye rọ chuẹ uvwiẹ, kidie Asakiephana ku wo che vrẹn nẹ orere na evun rẹ ogo kọye wọ cha ra dia ku wo che kpo Babilọn. Kẹ oboyi e de che sivwi uwe reyọ, etiyin Ọrovwohwo da cha tan wẹ reyọ nẹ obọ rẹ ivwighrẹ wẹn.

Maika 7:9

Ki mi chiri ophu rẹ Ọrovwohwo na fikiridie mi ru umwemwu kpahọ, bẹsiẹ ro vwo mie vwẹ unu vwo gu ro de brorhiẹ kẹ vwẹ. kọ vwẹ ovwẹ kpo asan rẹ urhukpẹ epha; ke me mrẹ esivwo rọye vughe.

Ẹvwọphia 18:8

ọtiọye etiekọ rọye cha rhe ẹdẹvo, emiavwe kugbe omaemuohọ kugbe owẹvwe, ka vwẹ erhanre torhẹ; kidie Ọrovwohwo Ọghẹnẹ ro bruhwe na ọgba o ruẹ.