Jerimaya 50:32 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³² Ọ ro herẹ na cha yẹghrẹ ro de she, ọ rọ kparọ vrẹn rha dia-a, ki mi che koko erhanre phihọ irere rọye, kọ cha guọghọ otu re yareriẹ phihọ ejobi.

Jerimaya 50:32 ပူးပေါင်းရင်းမြစ်များ

Une rẹ Ejiro 119:78

Jẹn ohwo ogbarogba mrẹ ophọphọvwe, fikiridie ayen vwẹ abe bru ọgọdọ riariẹ ovwẹ; vwọ kẹ vwẹ, mi roro iroro kpahe iji wẹn

Isẹ 16:18

Eheri re karo kẹ ẹghwọrọ, oma ephuo me rha karo kẹ eshe.

Isẹ 18:12

Tavwe rẹ ẹghwọrọ ke rhe yẹ udu miovwi nure, ẹkẹvuọvo omevwokpotọ re karo kẹ ọghọ.

Jerimaya 21:14

Obo rẹ omamọ rẹ iruo rẹ ovwan teri mi che ru ovwan dja te, eriyin Ọrovwohwo tare, Mi che koko erhanre phihọ aghwa rọye, kọ cha torhẹ emu rọ yarierẹ phihọ ejobi.

Jerimaya 49:27

Kimi che koko erhanre phihọ igbẹhẹ ri Damaskọs, ko cha guọghọ ogba rẹ ovie Bẹnhadad.

Jerimaya 51:26

E rhe mie we olalọ ọvuọvo vwọ bọn ubienyẹ-ẹ kugbe olalọ ọvuọvo re vwo ru uchivwo-o, ẹkẹvuọvo ẹghwọrọ kufia ri bẹdẹ wọ cha dia, eriyin Ọrovwohwo tare.

Jerimaya 51:64

re wo ta, Enẹ Babilọn che divwi, o gbi vrẹn ọfa-a, fiki rẹ umiovwo ri mi che muẹ nyẹ na. Ọtiọna eta ri Jerimaya bare.

Daniẹl 5:20

Ẹkẹvuọvo ọke rọ rhi vwo mu udu rọye kpenu rẹ erhi rọye rhe vwọ gan, ko herẹ e de sio nẹ ekete rẹ uvie rọye e de mie urinrin rọye;

Emọs 1:10

Vwẹ ọtiọye na ki mi che phi erhanre phihọ igbẹhẹ ri Taya, kọ torhẹ egba ọgangan rọye.

Emọs 1:12

Vwẹ ọtiọye na ki mi che phi erhanre phihọ Teman, kọ cha torhẹ ogba ọgangan ri Bozra.

Emọs 1:14

Vwẹ ọtiọye na ki mi che koko erhanre phihọ igbẹhẹ ri Rabah, kọ tọrhẹ ogba ọgangan rọye, re unuebo vwẹ ẹdẹ rẹ ofovwi, vẹ ọgbogho vwẹ ẹdẹ rẹ ogiribo;

Emọs 1:4

Vwe ọtiọye na mi che phi erhanre phihọ uwevwi ri Haziẹl. kọ cha torhẹ ogba ọgangan ri Bẹnhadad.

Emọs 1:7

Vwẹ ọtiọye na ke Me vwẹ erhanre torhẹ igbẹhẹ ri Gaza, kọ torhẹ ogba ọgangan rọye.

Emọs 2:2

Vwẹ ọtiọye na ki mi che phi erhanre phihọ Moab, kọ torhẹ ogba ọgangan ri Keriọt, Moab ko ghwu vwẹ uherevie re unuebo, vwẹ evun rẹ ekpere vẹ umri rẹ owanre,

Emọs 2:5

Fiki rẹ ọtiọye na ki mi phi erhanre phihọ Juda, kọ torhẹ ogba ọgangan ri Jerusalẹm.

Emọs 5:2

O sheri, o rhe vwo evrẹn ọfa-a, we ọmọtobẹ rẹ Izrẹl, a serọ vwẹ otọ obọ rọye, o gbi vwo ohwo rọ kparọ vrẹ-ẹn

Urhi Rivẹ 32:22

Kidie ophu mẹ koko erhanre phihọ nure, ọ cha torhẹ ọ rọ hẹ evun re obo Erivwi. ọ cha ghwọrọ akpọ vẹ ebuo rọye ejobi, ko phi erhanre phihọ uchivwo rẹ igbenu ejobi.

Ẹvwọphia 18:8

ọtiọye etiekọ rọye cha rhe ẹdẹvo, emiavwe kugbe omaemuohọ kugbe owẹvwe, ka vwẹ erhanre torhẹ; kidie Ọrovwohwo Ọghẹnẹ ro bruhwe na ọgba o ruẹ.