Jerimaya 50:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Kidie orere ọvo nẹ obọrhe ọnre rhe rhe vwọ suọ, ọ ro che ru otọ rọye ofefe, ohwo ọvuọvo rha dia-a, te ihwo te eranvwe cha djẹ no.

Jerimaya 50:3 ပူးပေါင်းရင်းမြစ်များ

Jẹnẹsis 6:7

Ọrovwohwo da ta, Mi phoro ohwo te eranwe te obo ri kpono vwẹ otọ na, rẹ ephra ri obenu na, kidie ọ da vwẹ gangan re Me vwọ ma ayen.

Ẹyano 12:12

Kidie me cha wan otọ rẹ Ijipt vrẹn vwẹ ason yena, ke me ghwiẹ emekpako rẹ otọ rẹ Ijipt ejobi hwe te ohwo te eranvwe, ke me vwẹ edjọ rẹ Ijipt ejobi guẹdjọ; Mẹvwẹ Ọrovwohwo na.

Aizaya 41:25

Me kpare ophu rẹ ohwo ọvo nẹ obọhwẹrẹ ọnre rhe, Ọ ghine rhe nure, nẹ evacha rẹ ọnre rhe, ko se odẹ mẹ; ko che chiyi isun na muotọ kerẹ odo, kirobo rọ ọmẹma na chiyi ekpẹn.

Aizaya 45:1

Enẹ Ọrovwohwo tare kẹ ọmọ rọye rọ vwẹ evwri ghworo na Sairọs, re me yọnrọn obọrhe rọye na, re mi phi irere na kua kẹ na re Me ban ivie phihọ keẹ, re mi rhie ẹchẹ phihọ hẹrhẹ rere e je ẹchẹ yena ehuho,

Jerimaya 21:6

Ke me cha teyọ ihwo rẹ orere na, te ihwo vẹ eranvwe, emiavwe rode che hwe ayen.

Jerimaya 50:9

Kidie gbe no, me cha kpara vwọ so Babilọn usun rẹ ẹgborho ride na, ri nẹ orho rẹ obọrhe ọnre na cha, ayen cha hwa phihọ vwo suọ, etiyin e de muo yanran. Edada rayen họhọ ọgbofovwi re yonori ro fiabọ kpo-o.

Jerimaya 51:11

Nọ edada na! Reyọ ekpọfia na! Ọrovwohwo kpare udu rẹ ivie rẹ Mid nure, fikiridie iroro rọye kpahe Babilọn iroro rẹ oghwọrọ, kidie ọye ihriẹriọ rẹ Ọrovwọhwo na, ihri fiki rẹ uwevwi rọye.

Jerimaya 51:48

Kẹsiẹye idjuvwu vẹ akpọ, vẹ obo re hẹ evun rayen ejobi, ke so une rẹ aghogho phihọ uyovwi ri Babilọn, kidie ẹghwọrọ che nẹ obọrhe ọnre cha vwo suọ, etiyin Ọrovwohwo tare.

Jerimaya 51:62

tanẹ, E Ọrovwohwo, wẹ re ta kpahe etinẹ na nẹ wo che bro fia, rere emuọvo vwo je dia, ihwo eyẹ eranvwe, kọ dia ofefe bẹdẹ.

Jerimaya 7:20

Vwẹ ọtiọye na enẹ Ọrovwohwo Ọghẹnẹ na tare: Nighe, mi che ku ivuemiovwo mẹ vẹ ophu mẹ phihọ etinẹ na, phihọ enu rẹ ohwo vẹ eranvwe, phihọ enu rẹ irhe rẹ aghwa vẹ emamọ rẹ otọ na, ọ cha la e se fuo-o.

Jerimaya 9:10

Viẹ wo beroma kẹ igbenu na, je viẹ ovie kẹ odi rẹ aghwa na, kidie aguọghọ ayen ohwo ọvuọvo gbe wan vrẹ-ẹn e gbi nyo oviẹ rẹ uchuru vwọ-ọ, te emephran rẹ obenu kugbe e eravwe rẹ aghwa dje ghwru.

Jerimaya 9:11

Mi che ru Jerusalẹm phihọ erhurhu, mi che ruo phihọ unu rẹ erha mi che ru irere ri Juda phihọ ofefe, ihwo gbe dia-a.

Zẹfanaya 1:3

Mi hwerhe ohwo vẹ eranvwe kufia; mi hwerhe emephran rẹ obenu kufia kugbe eri rẹ abadi na. Me guọghọ ohwo umwemwu fiọtọ kakare, me nyavwẹ ohwo rẹ akpọ kufia nẹ enu rẹ akpọ na, eriyin Ọrovwohwo na tare.