Jerimaya 50:29 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁹ Se esedada vwọ so Babilọn, ayen otu ri siẹ umurhabọ ejobi, muerhọn yariẹ phihọ, wo jẹ ohwo ọvuọvo vabọ-ọ. Hwa osa kẹ kerẹ obo rẹ iruo reyọ epha, ru kẹ kirobo ro ruru kẹ ihwo, kidie ọ vwẹ Ọrovwohwo na jehwẹ miomiovwi, Ọfuanfon Ọvuọvo rẹ Izrẹl na.

Jerimaya 50:29 ပူးပေါင်းရင်းမြစ်များ

Ẹyano 10:3

Etiyin Mosis vẹ Erọn de bru Fero, ayen da ta kẹ, Enẹ Ọrovwohwo tare, Ọghẹnẹ ri Hibru, Mavọ o krite wọ vwọ sen nẹ wọ vwẹ oma kpotọ kẹ vwẹ-e? Jẹn ihwo mẹ kpo, rere ayen ra ga vwẹ.

Aizaya 37:23

Kono wọ vwọ jehwẹ, ono wọ ghwọ ku? Kono wọ kpare urhuru wẹn vwọ so, re wọ vwẹ ẹro ọbrabra wẹn ni? Ọfuanfon Ọvuọvo rẹ Izrẹl na.

Aizaya 47:10

Oma ko fu we vwẹ evun rẹ orukuruku wẹn, wọ da ta, Ohwo ọvuọvo mrẹ vwẹ-ẹ, aghwanre wẹn vẹ erianriẹn wẹn sun we ghwru, wọ da ta vwẹ udu wẹn, Mẹvwẹ, ono ọfa ji te vwe?

Jerimaya 25:14

Kidie irere buebu vẹ ivie ride na cha vwẹ evo rayen ru eviẹn, obo rẹ umwemwu rayen vẹ iruo rẹ abọ rayen epha me cha hwa osa kẹ ayen te.

Jerimaya 48:26

Ruo re idi muo, fikiridie ọ kpare oma kpenu kpahe Ọrovwohwo, ọtiọye Moab cha vwẹ obo rọkpare vwo ghworo oma, ekpuyovwi rọye rhe ka cha vwọ jehwẹ.

Jerimaya 49:16

Oshọẹdjẹ ru wọ soro phiẹn wẹ re, kugbe eheri rẹ udu wẹn, wọwe rọ dia eghogho rẹ oragha, rọ yọnrọn enu rẹ ugbenu na Owenẹ wọ bọn ẹho wẹn kpenu kerẹ ugo dede, mi che si we nẹ etiyin rhiotọ, eriyin Ọrovwohwo tare.

Jerimaya 50:24

Me kpahe ufi kẹ wẹ o de mu we, E Babilọn, ye wọ riẹnre-e; a mrẹ we e de mu we, fikiridie wo nene Ọrovwohwo họnra.

Jerimaya 50:26

Yanrhe vwọ suọ ni kabọ kabọ rhe; rhie erhu rẹ eka roye, ghwẹ koko kerẹ ẹko rẹ eka, ra ghwọrọ tototo; wo jẹn ẹmu ọvuọvo chekọ vwọ-ọ

Jerimaya 50:32

Ọ ro herẹ na cha yẹghrẹ ro de she, ọ rọ kparọ vrẹn rha dia-a, ki mi che koko erhanre phihọ irere rọye, kọ cha guọghọ otu re yareriẹ phihọ ejobi.

Jerimaya 50:9

Kidie gbe no, me cha kpara vwọ so Babilọn usun rẹ ẹgborho ride na, ri nẹ orho rẹ obọrhe ọnre na cha, ayen cha hwa phihọ vwo suọ, etiyin e de muo yanran. Edada rayen họhọ ọgbofovwi re yonori ro fiabọ kpo-o.

Jerimaya 51:24

Me cha reihri ri Babilọn vẹ ihwo ri Kaldia ejobi vwẹ irharo wẹn koko na vwi fiki rẹ umiovwo rẹ ayen ruru vwi Zayọn, eriyin Ọrovwohwo tare.

Jerimaya 51:3

Wo je ọsedada siẹ umurhabọ rọye-e, wo jo mudia vwẹ enu rẹ ewun rẹ utehru rọye-e, Wo sivwẹ imighene rọye-e; ghwọrọ unofovwi rọye ejobi nu.

Jerimaya 51:49

Fiki rẹ ihwo rẹ Izrẹl re hweri na Babilọn se she, vwọ kẹ Babilọn o she kẹ ehwe rẹ akpọ na ejobi.

Jerimaya 51:56

Kidie oghwọrọ bruro rhire, rhe enu ri Babilọn, e mu egba ofovwi rọye e vwirhi umurhabọ rayen ibribro, kidie Ọrovwohwo ọye Ọghẹnẹ rẹ ọ hwa osa, o ghine cha hwa osa.

Uvwerhe 1:9

Ijẹfuọn rọye hẹ eshamwa rọye; O se roro ughwu rọye-e, vwẹ ọtiọye na eshe rọye che muoshọ, O gbi vwọ ọbruche-e. E Ọrovwohwo gbe ni oma ẹlaghọ mẹ, kidie ivwighrẹ na phi kparobọ re!

Uvwerhe 3:64

Hwa osa ke ayen, E Ọrovwohwo, kirobo rẹ iruo rẹ abọ rayen epha.

Daniẹl 11:36

Ovie na kọ che ru obo ri jere, ko che brọrho o mi rhe mu oma rọye kpenu nọ edjọ kedjọ, kọ cha ta ota rẹ ọdẹ kpahe Ọghẹnẹ ro vwo eghẹnẹ ejobi na. O che yovwo bẹsiẹ rẹ ophu na vwọ gba; fikiridie obo ra jẹ iroro rọye kpahe otọ kẹ jovwo na cha phia.

Daniẹl 4:37

Asakiephana Mẹvwẹ, Nebukadneza de jiri ji mu ọghọ kẹ Ovie rẹ odjuvwu kidie iruo rọye ejobi shephihọ, idjerhe rọye uyota, ihwo re yan mu oma kpenu ejobi kọ sa vwẹ ayen kpotọ.

Daniẹl 5:23

ẹkẹvuọvo wo de mu oma kpenu Ọrovwohwo ro vwo odjuvwu na; ekuakua rẹ uwevwi rọye a ghwa ayen rhe obaro wẹn, te owẹ, te ehọnvwọre wẹn, eya vẹ ense wẹn da vwẹ ayen da udi; wo de ji jiri eghẹnẹ rẹ idọnọ efuanfon vẹ oro, ẹrovwo, utehru, urhe vẹ oragha rẹ mrorẹ-ẹ, i ji nyo ẹme-e e ji vwo eriariẹ-ẹn, ẹkẹvuọvo Ọghẹnẹ rẹ arhọ wẹn hẹ obọ rọye; rẹ idjerhe wẹn ejobi rheri, wọ je vwẹ ọghọ kẹ-ẹ.

Ọbe rẹ Ọmraro Ọbadaya Obadaya 1:15

Kidie ẹdẹ rẹ Ọrovwohwo na si kẹre ẹgborho na ejobi re. Kirobo wo ruru, ọtiọye e ji che ru kẹ wẹ, uruemu wẹn cha rhọma she hwe uyovwi wẹn.

2 Tẹsalonaika 1:6

rẹ Ọghẹnẹ vwo roro nẹ o fori rere ọ vwẹ oja re ayen otu ri gbe oja kẹ ovwan ria na,

2 Tẹsalonaika 2:4

ro muẹ oma kpenu ro muẹ kpahe koghẹre koghẹre rẹ ẹdjọ eyẹ obo ra gọ ejobi, ukuko rọye ọ da rhe vẹn phihọ agbara vwẹ evun rẹ uwevwi rẹ Ọghẹnẹ, ro ghwoghwo nẹ ekpuyovwi rọye hẹ Ọghẹnẹ.

Ẹvwọphia 16:6

Kidie ihwo sun ọbara rẹ ihwo efuanfon kugbe emraro na te otọ, wọ da vwẹ ọbara kẹ ayen da. Ọye hẹ ute rayen!

Ẹvwọphia 18:6

Ru kẹ kirobo rẹ okpuyovwi rọye ru kẹ ihwo efa, hwa osa kpahe kẹ fiki robo ro ruru; uko rọ je vọn na jẹ ọtiọye ọhwọhwivẹ kẹ.