Jerimaya 50:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Vwẹ ẹdẹ yena vẹ ọke yena, eriyin Ọrovwohwo tare, a cha guọnọ orukuruku vwẹ Izrẹl, a gbe mrẹ vwọ-ọ, kugbe umwemwu vwi Juda a gbe rnrẹ ọvuọvo vwọ-ọ, kidie umuku ri mi che jovwo mi che vwo ghovwo ayen.

Jerimaya 50:20 ပူးပေါင်းရင်းမြစ်များ

Une rẹ Ejiro 103:12

Kirobo rẹ obaro ọnre sheri te kẹ obuko ọnre na, ọtiọye o ji si ogbeku re avwanre nu sheri te kẹ avwanre.

Une rẹ Ejiro 17:3

Ọ da dianẹ wọ guọnọ otọ rẹ udu mẹ, wọ da vwẹriẹ asan mẹ vwẹ ason, wọ da davwe ovwẹ ni, wọ cha mrẹ umwemwu vwẹ obọ mẹ-ẹ unu mẹ shariẹ ughwru-u.

Une rẹ Ejiro 85:3

Wọwẹ ri se ivuemiovwo ejobi reyọ wọwẹ ri rhẹriẹ nẹ ophu ọtuatua wẹn.

Aizaya 1:9

Odiane kẹ Ọrovwohwo rẹ ofovwi je imi ihwo ẹvo vwo kẹ avwanre vwonẹ, mane kẹ avwanre a dia kerẹ Sodọm, ke avwanre a họhọ Gomora.

Aizaya 10:21

Umuku che rhivwi, umuku ri Jekọp, bru Ọghẹnẹ rẹ ọgba na.

Aizaya 33:24

O gbi vwo ohwo re orere na ọvuọvo rọ sa tanẹ, Me mwọga-a, ihwo re dia Etiyin ka vwe orukuruku rayen ghovwo ayen

Aizaya 43:25

Mẹvwẹ, Mẹvwẹ Ọye ri vwi fiki mẹ phoro orukuruku wẹ nu, Me gbe karohọ imwemwu wẹ-ẹ.

Aizaya 44:22

Mi hwerhe orukuruku wẹn kerẹ ikoro, umwemwu wẹn kerẹ evwru, rhivwi rhe, kidie me tan wẹ nure.

Jerimaya 31:34

Ohwo rhe se yọnọ ọrivẹ eyẹ omoni rọye ọfa-a, nẹ, Riẹn Ọrovwohwo na, kidie ayen ejobi cha riẹn vwẹ, nẹ otete rayen re te ọrode rayen, eriyin Ọrovwohwo tare, kidie me cha vwẹ orukuruku rayen vrẹn ayen, me gbe cha karohọ umwemwu rayen ọfa-a.

Jerimaya 33:15

Vwẹ ẹdẹ yena kugbe ọke yena ki mi che ru re Oghọn rẹ ọvwata vwo yoro phia kẹ Devid, kọ bru orhiẹn rẹ esiri vẹ ọ rẹ ọvwata vwẹ otọ na.

Jerimaya 33:8

Ke me cha hworhẹ ayen nẹ abe rẹ umwemwu rẹ ayen ru kpahe ovwẹ na, ke me vwẹ abe rayen vẹ omẹriọ rayen ghovwo ayen.

Jerimaya 44:14

Vwe etiyin na ọvuọvo re umuku ri chekọ vwi Juda na re rhe dia otọ rẹ Ijipt na rọ sa vabọ eyẹ kọ rhọ eyẹ ki rhivwi kpo otọ ri Juda herọ-ọ, re ayen guọnọ rhivwi ra dia na, kidie ayen che se rhivwi-i, jokpa rẹ isoghoro evo.

Jerimaya 50:4

Vwẹ ẹdẹ yena vẹ ọke yena eriyin Ọrovwohwo tare, ihwo rẹ Izrẹl vẹ ihwo ri Juda che kuoma gbe, ayen cha, jẹ ayen viẹ; ayen cha guọnọ Ọrovwohwo Ọghẹnẹ rayen na.

Uvwerhe 4:22

Ehwẹ rẹ orukuruku rẹ ovwan, E ọmọtẹ ri Zayọn ọ gbare, o gbi che je ovwan vwo vwẹ imu ọfa-a ẹkẹvuọvo orukuruku wẹn E ọmọtẹ rẹ Idọm, ko hwe ko che rhie imwemwu wẹn phihọ.

Izikiẹl 18:22

A gbe sa karohọ ogbeku rọye ọvuọvo ro ruru-u, kidie fiki rẹ ọvwata rọ ruru na kọ rhọ.

Maika 7:19

Ọ je rhoma re ehrọre rẹ avwanre, o che chiyi orukuruku rẹ avwanre muotọ. We re cha kpare imwemwu rẹ avwanre ejobi phihọ evun rẹ abadi.

Zẹfanaya 3:12

Kidie ki mi che ji ihwo evo vwẹ uherevie rẹ ovwan ihwo dẹndẹn re vwẹ oma kpotọ. Ayen ke cha djẹ sioma nu vwẹ ọde rẹ Ọrovwohwo na,

Zekaraya 3:9

Kidie gbe nighere, vwẹ enu rẹ oragha mi vwo mu vwẹ obaro ri Joshua na, vwe enu rẹ oragha ọvuọvo rọ vwẹ epharo ighwrẹ na, Me cha tọn odẹ rọye phihọ, Ọrovwohwo rẹ otuofovwi na tarọ, ki mi si abe rẹ otọ na no ẹdọke ọvo.

Ukeri 23:21

Ọ mrẹ umiovwo ọvuọvo vwẹ oma ri Jekọpu-u; eyẹ ọ mrẹ ukpokpogho ọvuọvo vwẹ Izrẹl na-a Ọrovwohwo rẹ Ọghẹnẹ rayen vẹ ayen herọ, edo rẹ ovie ọvo ọ hẹ uherevie rayen.

Iruo rẹ Iyinkọn na 3:19

Ovwan gbe kurhẹriẹ rere ephoro imwemwu rẹ ovwan nu, rere omamọ rẹ eyere rẹ arhọ na vwo nẹ obọ rẹ Ọrovwohwo na bru ovwan rhe.

Iruo rẹ Iyinkọn na 3:26

Ọke rẹ Ọghẹnẹ vwọ kpare odibo rọye na vrẹn nu, o de ke jo bro ovwan rhe, ọ da kẹ ovwan ebruphihọ rere ovwan ohwo ọvuọvo vwo kurhẹriẹ nẹ imwemwu rẹ ovwan.

Ọbe ri Pọl si rhe Ihwo ri Rom 11:6

Ẹkẹvuọvo ọ da dia ọ rẹ ẹserọphẹ, yọ gbe dia ifiki rẹ iruo ọfa-a; ọ da dia eriyin manẹ ẹserọphẹ gbe hẹ ẹserọphẹ-ẹ.

Ọbe ri Pọl si rhe Ihwo ri Rom 5:16

Ẹserọphẹ yena rha họhọ oja rẹ umwemwu rẹ ohwo ọvo yena-a. Kidie orhiẹ re bruru fiki rẹ umwemwu rẹ ohwo ọvo yena ọye hẹ obruhwe, ẹkẹvuọvo ẹserọphẹ ro nene urhi ẹchọ obuebu yena da vwẹ ase-ẹriọ rhe.

Ọbe ri Pọl si rhe Ihwo ri Rom 6:13

Ovwan rha vwẹ oma rẹ ovwan ru iruo rẹ umwemwu-u, ẹkẹvuọvo ovwan ru oma rẹ ovwan fuanfon kẹ Ọghẹnẹ kerẹ ihwo ri vrẹn nẹ ughwu kpo arhọ nure, re ovwan rha vwẹ ekuakua rẹ oma rẹ ovwan ru iruo rẹ ọvwata kẹ Ọghẹnẹ.

2 Pita 3:15

Gbe kere odiri rẹ Ọrovwavwanre vwọ hẹ esivwo. Ọtiọye rhe oniọvo rẹ avwanre ọghaghare ji si rhe ovwan kirobo rẹ aghwanre ra vwọ kẹ epha,