Jerimaya 50:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Ọtiọye na, enẹ Ọrovwohwo rẹ otuofovwu na tare, Ọghẹnẹ rẹ Izrẹl na: Nighe, me ra vwẹ ehwe kẹ ovie ri Babilọn vẹ otọ rọye, kirobo ri mi hwe ovie rẹ Asiria na.

Jerimaya 50:18 ပူးပေါင်းရင်းမြစ်များ

Aizaya 10:12

Ọke rẹ Ọrovwohwo de ru iruo rọye ejobi vwẹ Ugbenu ri Zayọn kugbe Jerusalẹm nu, ko che hwe Asiria vẹ eyan ofefe rọye kugbe eheri ọbrabra rọye.

Jerimaya 27:7

Irere na ejobi cha ga vẹ ọmọshare rọye kugbe ovwrọmọ rọye, rhiri bẹsie rẹ ọke rẹ ọ rọye vwọ te; etiyin ẹgborho buebu vẹ ivie ride ki vwo ru ọviẹn.

Jerimaya 46:10

Ẹdẹ yena ẹdẹ rẹ Ọrovwohwo Ọghẹnẹ rẹ otuofovwi, ẹdẹ rẹ ihriẹriọ rọ vwọ reihri rẹ ivwighrẹ rọye. Ọlọkọ cha ghwọrọ rọ da bẹn tunu, rọ da da ọbara rayen vọn evun. Kidie Ọrovwohwo Ọghẹnẹ rẹ otuofovwi ze izobo vwẹ orere rẹ obọrhe ọnre rọ kẹrẹ urhie ri Yufretis.

Nahum 3:18

Isuigodẹ wẹn ra vwerhẹ, E Ovie rẹ Asiria, ehọnvwọre we re gọ ovwerhẹ. Ihwo wẹn hra nene enu rẹ igbenu o rhe vwo ohwo ro se ayen koko-o.

Nahum 3:7

Ihwo re mrẹ we ejobi ki che sioma reyọ tanẹ, A ghwọrẹ Ninivẹ kufia; kono ri muomahọ kẹ? ki tivọ a da mrẹ obruche vwọ kẹ?

Habakọk 2:8

Fikiridie wo gborho ẹgborho buebu, umuku rẹ ihwo ri chekọ ki che gborho uwe, fiki rẹ ọbara rẹ ihwo kugbe ozighi wo gbe vwẹ otọ na, ru wọ gbe vwẹ irere kugbe ihwo re dia evun rayen.

Urhi Rivẹ 32:41

ọ da dianẹ Me nọ ọlọkọ mẹ ro lo na, rẹ obọ mẹ da yọnrọn orhiebro, ki mi che ru ivwighrẹ mẹ keri, ke Me cha hwa osa kẹ iri mu kpahe ovwẹ.