Jerimaya 50:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Izrẹl kerẹ ogegede ra rhẹrẹ rẹ ikpohrokpo vwọ tua. Ẹsosuọ ovie rẹ Asiria re rerọ, vwẹ asakiephana kẹ Nebukadreza ovie ri Babilọn kẹ ọye rha gbẹrhiẹn ibeku rọye.

Jerimaya 50:17 ပူးပေါင်းရင်းမြစ်များ

Ivie rẹ Ivẹ 15:19

Pul ovie rẹ Asiria da rhe họnre otọ na; Menahẹm da kẹ Pul talẹnt rẹ idọnọ uriori, ọ vwẹ ọnana phoraro kẹ rere ọ cha uko vwọ yọnrọn ẹgba rẹ uvie rọye.

Ivie rẹ Ivẹ 15:29

Vwẹ ọke ri Peka ovie rẹ Izrẹl vwo suẹn, ọye Tigiatpileza ovie rẹ Asiria rhe vwọ kua Ijọn, vẹ Abel-bet-maka, vi Janoa, vi Kedẹsh, vi Hazo, vi Giliad, kugbe Galili vẹ otọ ri Naftali ejobi; o de mu ihwo na ighuvwu kpo Asiria.

Ivie rẹ Ivẹ 24:1

Vwẹ ọke rọye Nebukadreza ovie ri Babilọn vwọ phia, Jehoyakin da dia odibo rọye ikpe erha; o de phren oma, ọ da vwẹ ẹghwọ vwọ suọ.

Ivie rẹ Ivẹ 24:10

Ọke yena idibo ri Nebukadreza ovie ri Babilọn vwọ rhe Jerusalẹm, ayen da yariẹ orere na phihọ.

Ivie rẹ Ivẹ 25:1

Vwẹ ukpe rirhiri rẹ ẹriọ rọye, vwẹ emeravwe rihwe, vwẹ ẹdẹ rihwe rẹ emeranvwe na, Nebukadreza ovie ri Babilọn vẹ ituofovwi rọye ejobi rhe vwọ họnrọn Jerusalẹm, ọ da vwẹ ituofovwi yariẹ phihọ, ayen da gba ogba rẹ ofovwi yariẹ phihọ.

2 Ikun rẹ Ivie 28:20

Etiyin Tilgatpilneza ovie rẹ Asiria da rhe họnrọ, o de gbe osọnọ kẹ re ọ rha vwẹ ogangan kẹ-ẹ.

2 Ikun rẹ Ivie 33:11

Fiki rẹ ọtiọye na Ọrovwohwo da reyọ inotu rẹ unuofovwi rẹ Asiria ri vwo phi ayen, o mu Manasse a da vwẹ oghọre sa a da ghwẹ igoni rẹ ẹrovwo phihọ abọ e de muo kpo Babilọn.

Aizaya 15:9

Kidie ame ri Dibọn na vọnre vẹ ọbara; ye me je cha vwẹ ọfa rọ rhonọ ọna kẹ Dibọn, okpohrokpo vwọ kẹ ihwo ri Moab re djẹre, vwọ kẹ umuku rẹ ihwo ri chekọ vwẹ otọ na.

Aizaya 47:6

Ivun re ihwo Mẹ miovwo uvwe, Mi gbe ọriuku Mẹ ẹgua; Mi de phi ayen phihọ owẹ obọ, wo nẹ arodọvwẹ kẹ aye-en, wo de mu urhekpe ọhọhọhọ nye emare.

Jerimaya 10:25

Ku ophu wẹn ku ẹgborho ri ju we ẹriẹn kugbe ihwo ri se ode wẹ-en, kidie ayen mu Jekọp rọn, ayen murọ rọn ayen guọgherọ te otọ ayen ru ẹdia rọye phihọ ofefe.

Jerimaya 2:15

Ikpohrokpo re kperẹ nene, ayen re kperẹ gangan, Ayen ru otọ rọye ofefe; irere rọye hẹ evun rẹ oghwọrọ ihwo gbe hẹ ayẹ-en.

Jerimaya 21:7

Ukuko rọye, eriyin Ọrovwohwo tare, mi che phi Zẹdikaya ovie ri Juda tẹ idibo rọye, vẹ ihwo rẹ orere nana rẹ emiavwe vẹ ọlọkọ kugbe owẹvwe hwe chekọ phihọ obọ ri Nẹbukadreza ovie ri Babilọn ji phihọ obọ rẹ ivwighrẹ rayen, phihọ obọ rẹ ihwo re guọnọ arhọ rayen. Ọ cha vwẹ arọ rẹ ọlọkọ nyavwẹ ayen, o che mu ayen ẹro-o, o ji jẹn ayen vwo-o, ọ je rẹ ehrọre raye-en.

Jerimaya 4:7

Okpohrokpo nẹ evun rẹ etu rọye rhe, ọghwọrọ rẹ ẹgborho na yan phiare; ọ yan nẹ asan rọye re rere ọ ru otọ rẹ ovwan phihọ ofefe irere rẹ ovwan ke cha dia erhurhu ohwo gbe dia aye-en.

Jerimaya 49:19

Kirobo rẹ okpohrokpo pho nẹ egbo ri Jọdan cha ro ogba ọgangan rẹ igegede ye, mi che ru ayen ra da djẹ jovwo kpregede, ohwo ro jevwe kọye me cha sanọ nọ re vwẹ enu rọye, Kidie ono re họhọ ovwẹ? Ono ri si ọbe se vwe?

Jerimaya 5:17

Ayen cha re orhọ wẹn vẹ emuọre wẹn, ayen cha re emeshare wẹn vẹ emetẹ wẹn, ayen cha re igegede wẹn vẹ ichuru wẹn; ayen cha re vain wẹn vẹ owe wẹn; irere ra gba ogba phihọ ru wọ vwẹ ẹro so na, ayen cha vwẹ ọlọkọ ghwọrọ ayen.

Jerimaya 5:6

Eriyin na okpohrokpo che nẹ aghwa rhi ri hwe ayen, ubido che nẹ atọn cha rhe ghwọrọ ayen. Edjẹnẹkpo ra rhẹrẹ irere rayen, ohwo kohwo rọ ro uphephẹ ka sanvwọ ibribro, kidie ọyanchọ rayen buru gangan, eshe rayen rhoro gangan.

Jerimaya 50:6

Ihwo mẹ rhe dia kerẹ igegede ri ghwruru, isuigegede rayen sun ayen ghwru, ayen ku ayen rhẹriẹ vwẹ enu rẹ igbenu, nẹ ugbenu ride kpo ugbenu otete ayen yan ra, ogba rayen chọrọ ayen ero.

Jerimaya 51:38

Ayen che koko kperi kerẹ ikpohrokpo; ayen cha guan kerẹ emo rẹ ikpohrokpo.

Jerimaya 52:1

Zedikaya da dia ẹgbukpe uje gbẹ ọvo ọkpako te ro ke rhe dia ovie, ọ da re uvie ikpe uhwọvo vwi Jerusalẹm. Odẹ rẹ oni rọye da dia Hamuta ọmọtẹ ri Jerimaya ri Libna

Izikiẹl 34:12

Kirobo rẹ osuigegede guọnọ igegede evo re hrabọ phia na, ọtiọye me cha guọnọ igegede mẹ phia, ki mi sivwi ayen nẹ asan ejobi rẹ ayen hrabọ ra rhe vwẹ ẹdẹ rẹ enu de bi hwi kugbe ẹdẹ rẹ egho de mu kpoi.

Daniẹl 6:24

Etiyin ovie na de ji urhi nẹ, a reyọ esharẹ na ri gbeje Daniẹl na rhe e de mu ayen phihọ ẹmwa rẹ ikpohrokpo na–-te ayen te emọ rayen, te eya rayen; tavwe re ayen ki rhi she te otọ re ẹmwa na ikpokrokpọ na de fru ayen i de vwirhi ibeku rayen ibribro.

Joẹl 3:2

ke me ghwẹ ẹgborho na ejobi koko ke me vwẹ ayen rhe iyara ri Jehoshafat, kẹ etiyin me da vwẹ ayen gu ẹdjọ, fiki rẹ ihwo mẹ kugbe ireuku mẹ Izrẹl, fikiridie ayen hra ayen nene ẹgborho na ejobi. Ayen da ghare otọ mẹ reyọ.

1 Pita 2:25

Kidie ovwan ghwrẹ jovwo kerẹ igegede, ẹkẹvuọvo asakiephana ovwan rhivwi bru Osuigegede kugbe Ọrhẹrotọ rẹ ẹnwẹn rẹ ovwan re.