Jerimaya 50:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Hwa phihọ yariẹ Babilọn, ovwan si omurhabo ejobi wa sa, wa dobọjẹ-ẹ, kidie o ru umwemwu kpahe Ọrovwohwo.

Jerimaya 50:14 ပူးပေါင်းရင်းမြစ်များ

2 Samuẹl 10:9

Ọke ri Joab rhe vwọ mrẹ nẹ ofovwi na ganre kọye vwẹ obaro vẹ obuko, ọ da jẹn ihwo rẹ Izrẹl ẹvo rọ sanọre, ọ da vwẹ ayen tẹrẹ edje hirhe aro ku ihwo ri Siria;

Une rẹ Ejiro 51:4

Wọwẹ ọvo, mi ru imwemwu kpahe, mi ru obo re brare vwẹ obaro wẹn, wọ vwọ re ase vwẹ ẹdjọeguo wẹn rere wọ vwọ je abe ẹriọ vwẹ orhiebro.

Aizaya 13:4

Kerhọn, edo mu vwẹ enu rẹ igbenu na kerẹ edo rẹ urogho! Kerhọn, edo rẹ uvie ọ rẹ ẹgborho ri bi koko! Ọrovwohwo rẹ otuofovwi ro biẹ otuofovwi koko ri kpo ofovwi.

Aizaya 5:28

ibige rayen pha dandan, imirhabọ rayen ejobi gba phihọ, ichuku awọ rẹ iyesi rayen pha gangan kerẹ utehru, adjugẹn rayen kerẹ adjugẹn rẹ odju.

Jerimaya 46:9

Yan obaro E Iyesi mu ophu, E ekpẹrẹ! Jẹn egbofovwi na yan phia, ihwo rẹ Ẹtiopia vẹ Put re yọnrọn ekpọfia, ihwo ri Lud, re riẹn umurhabọ sa.

Jerimaya 49:14

Mi nyo ikun nẹ obọ rẹ Ọrovwohwo rhẹ, e ji ikọn ro ohri rẹ ẹgborho na nurẹ. Ghwẹ oma koko ru wa yanrhe rhe vwọ suọ, We vrẹn kpo ofovwi!

Jerimaya 49:35

Enẹ Ọrovwohwo rẹ otuofovwi na tare: Nighe, mi che vwirhi umurhabọ rẹ Elam, egbe rẹ ogangan rọye;

Jerimaya 50:11

Owenẹ wọ ghọghọ, owenẹ oma vwerhe owẹ, E ọ ro gborho ukuẹriọ mẹ owenẹ wo vwo urhurhu kerẹ ọmọ rẹ erhuẹn rọ ria odi, rọ djẹ eya kerẹ esi ọshare,

Jerimaya 50:29

Se esedada vwọ so Babilọn, ayen otu ri siẹ umurhabọ ejobi, muerhọn yariẹ phihọ, wo jẹ ohwo ọvuọvo vabọ-ọ. Hwa osa kẹ kerẹ obo rẹ iruo reyọ epha, ru kẹ kirobo ro ruru kẹ ihwo, kidie ọ vwẹ Ọrovwohwo na jehwẹ miomiovwi, Ọfuanfon Ọvuọvo rẹ Izrẹl na.

Jerimaya 50:42

Ayen yọnrọn umurhabọ vẹ ubiri, Ayen ihwo ọkon, inẹ aruẹdọ-ọ Edo rayen họhọ ohonre rẹ abadi, ayen gua vwẹ enu rẹ iyesi, ayen rhuẹrẹ oma phihọ kerẹ ohwo ro kpo ofovwi vwọ so owẹ. E ọmọtẹ ri Babilọn!

Jerimaya 50:7

Otu re mrẹ ayen ejobi da guọghọ ayen, ivwighrẹ rayen da tanẹ, Ma re abe-e, kidie ayen ru umwemwu kpahe Ọrovwohwo, ẹdia rẹ esẹ rayen na.

Jerimaya 50:9

Kidie gbe no, me cha kpara vwọ so Babilọn usun rẹ ẹgborho ride na, ri nẹ orho rẹ obọrhe ọnre na cha, ayen cha hwa phihọ vwo suọ, etiyin e de muo yanran. Edada rayen họhọ ọgbofovwi re yonori ro fiabọ kpo-o.

Jerimaya 51:2

Ki mi che ji otu re fa kpo Babilọn, ayen ke cha fa, ayen che ruo phihọ ofefe, ọke re ayen da cha vwọ suọ nẹ abọ kabo rhe vwẹ ẹdẹ rẹ ukpokpogho.

Jerimaya 51:27

Vwẹ aphiana vi vwẹ akpọ na, hwọrọ owanre vwẹ ohri rẹ ẹghorho na; rhuẹrẹ ẹgborho na kẹ ofovwi ra vwọ suọ, se uvie na koko vwọ suọ, Ararat, Mini, vẹ Ashkinaz, vwẹ onotu ọvo mu vwọ suọ ghwe iyesi rhe kerẹ ebaka ri do.

Jerimaya 51:3

Wo je ọsedada siẹ umurhabọ rọye-e, wo jo mudia vwẹ enu rẹ ewun rẹ utehru rọye-e, Wo sivwẹ imighene rọye-e; ghwọrọ unofovwi rọye ejobi nu.

Habakọk 2:17

Emu ozighi re ru ki Lẹbanọn ko che shenyẹ wẹn; ẹghwọrọ rẹ eranvwe na kọ cha djẹ uguegue mu we, fiki rẹ ọbara rẹ ihwo kugbe ozighi re gbe vwẹ otọ na, ke irere kugbe ihwo re dia evun rẹ ayen.

Habakọk 2:8

Fikiridie wo gborho ẹgborho buebu, umuku rẹ ihwo ri chekọ ki che gborho uwe, fiki rẹ ọbara rẹ ihwo kugbe ozighi wo gbe vwẹ otọ na, ru wọ gbe vwẹ irere kugbe ihwo re dia evun rayen.

Ẹvwọphia 17:5

e de si odẹ rẹ igbunu tamuo arhare; Babilọn rode na, oni rẹ igberadja kugbe omaetuo rẹ akpọ na.

1 Samuẹl 17:20

Devid de vrẹn vwẹ irhiọke ride, o da yan jẹ igodẹ rọye vwo kẹ osun, ọ da reyọ ọko na, ọ da yanran, kirobo ri Jesse ji urhi kẹ, o de rhi te asan erhọn na vwẹ ọke rẹ ayen ra vwọ karedje rẹ ofovwi, ayen ra va iraghwo.