Jerimaya 5:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Mavọ mi se vwo ghovwo ovwan? emọ rẹ ovwan sen vwẹ, e re dia eghẹnẹ-ẹ keye ayen vwo duvwu iyori. Me ghẹrẹ ayen evun vọn nu, ayen ki gbe igberadja kẹ ayen tẹrẹ usun kpo uvwevwi rẹ igberadja.

Jerimaya 5:7 ပူးပေါင်းရင်းမြစ်များ

2 Ikun rẹ Ivie 13:9

Ọ dia owẹ re djẹ irherẹn rẹ Ọrovwohwo na, emọ rẹ Erọn, kugbe ihwo ri Livae, wọ da vwẹ irherẹn robọ wẹn ma kerẹ ihwo rẹ etọ efa? Kohwo kohwo rọ reyọ upene rẹ erhuẹn eyẹ egbo ighwrẹ vwo ru oma rọye fon kọ ghwa dia orherẹn rẹ obo re dia edjọ-ọ.

ỌBE RẸ JOB 31:12

kidie ọyena kọ dia erhanre rọ tua ra ro Erivwi, rọ cha torhẹ eyere mẹ to otọ.

Une rẹ Ejiro 50:18

Wọ da mrẹ oji, wọ me vwe ugbeyan muo; wọ veẹ igberadja ke usun

Jerimaya 12:16

Ọke che te, ọ da dianẹ ayen vwẹ erhiọri yono idjerhe re ihwo mẹ, rẹ ayen da vwẹ odẹ mẹ ve ive tanẹ, Obo rẹ Ọrovwohwo epha na, ọtiobo rẹ ayen yono ihwo mẹ vwọ reyọ odẹ ri Baal vwo duvwu iyori na, ke me bọn ayen phihọ uherevie rẹ ihwo mẹ.

Jerimaya 13:27

Me mrẹ egua egbe wẹn nure, igberadja vẹ efian wẹn, ọfarhiẹ vẹ obẹnẹ kugbe igberadja ọbrabra wẹn, Vwẹ enu rẹ igbenu vwẹ aghwa. Ekan kẹ wẹ, E Jerusalẹm! Mavọ okrite ra ke họ wẹ fon?

Jerimaya 16:11

Etiyin wọ ke vuẹ ayen nẹ: Fikiridie esẹ rẹ ovwan sen vwẹ, eriyin Ọrovwohwo tare, ayen de nene edjọ efa ayen da ga ayen, ayen da vwẹ uyovwi kpotọ kẹ ayen, ayen da sen vwẹ, ayen gbe yọnrọn urhi mẹ-ẹ,

Jerimaya 16:20

Ohwo se ru edjọ kẹ oma rọye? E re dia edjọ-ọ!

Jerimaya 2:11

A mrẹ orere ro wene eghẹnẹ rọyẹ dẹvure, owenẹ ayen dia eghẹnẹ-ẹ dede na? Ẹkẹvuọvo ihwo mẹ vwẹ emu ro fi erere-e vwo wene urinrin rayen.

Jerimaya 2:31

Ji te we, E uvwiẹ na, kerhọn rẹ ota rẹ Ọrovwohwo. Mẹvwẹ kẹ aghwa vwọ kẹ Izrẹl, eyẹ otọ ro mu ebri? Kidie ihwo me vwọ ta nẹ, Avwanreọ imuvwiẹ, avwanre gbi bru uwe rhe ofa-a?

Jerimaya 23:10

Kidie otọ na vọnre vẹ igberadja; fiki rẹ ekan otọ na vwo muomahọ, odi rẹ aghwa na ejobi je ya re. Idjerhe rayen omiomiovwi, ẹgba rayen shehọ-ọ.

Jerimaya 3:19

Mi de roro nẹ komavọ mi vwo se phi we phihọ ohri rẹ emọ mẹ, re me vwẹ otọ esiri na kẹ ovwan uku ro me yovwi vwẹ irere na ejobi. Ki mi ji roro nẹ ovwan che se vwe, Ọsẹ mẹ, nẹ ovwan gbi che nene uvwe-e

Jerimaya 3:8

Ọ riẹnre nẹ fiki rẹ igberadja rẹ Izrẹl, ohwo ọfafarhiẹ na, mi vwo si ọbe kẹ nẹ o kpo, dede na oshọ se mu oniọvo ofian rọye na Juda-a, ẹkẹvuọvo ekpuyovwi rọye da je yanran re gbe igberadja.

Jerimaya 7:9

Kẹ we cho uji, dia ozighẹ, we gbe igberadja, duvwu iyori rẹ eku, torhẹ incens ki Baal, we nene eghẹnẹ efa re ovwan riẹnre-e,

Jerimaya 9:1

E manẹ uyovwi mẹ kẹ ame, rẹ ibiẹrọ mẹ da dia ogbugbu rẹ oviẹ? rere me a vie te ason te uvo fiki rẹ irivwi rẹ ọmọtẹ rẹ ihwo mẹ na!

Jerimaya 9:2

E manẹ ke me sa bọn uwevwi ọvo kẹ erhorha vwẹ evun rẹ atọn na, rere me yan jẹ ihwo na vwo, me hẹriẹ oma mẹ nẹ ayen! Kidie ayen ejobi igberadja usun rẹ ihwo re vwọrọn efian.

Uvwerhe 3:42

“Avwanre gbe urhi avwanre ji mukpahọ, yi wo ji vwo ghovwo-o.

Izikiẹl 22:11

Ọvo gbe aye rẹ ọrivẹ rọye ẹgua, ọfa rọvwọ oniọvo rẹ aye rọye, ọfa ghwa rọvwọ oniọvo rọye, ọmọtẹ rẹ ọsẹ rọye

Hosia 11:8

Mavọ mi se vwo siobọ nu we, E Ifrem! Mavọ mi se vwo sibọ nu we, E Izrẹl! Mavọ mi se ru we kerẹ Admah! Mavọ mi se ru we kerẹ Zeboim! Udu mẹ djẹgo, ehrọre mẹ kọ rhua phihọ .

Hosia 13:6

Ẹkẹvuọvo rẹ evun vwọ vọn ayen nu, oma ko mu ayen, udu rayen da kpare kpenu. Ọye me da chọrọ ayen ẹro.

Hosia 4:2

Iyori eduvwo, efian, ozighẹ, uji vẹ ọfarhiẹ egbe, ayen miovwo urhi ejobi, ozighẹ vwọ kpahe ozighẹ.

Hosia 7:4

Ayen ejobi igberadja re kpae, ayen họhọ enyerhanre rọ tuabọ gidi gidi, rẹ ohwo rọ kakemu rha hra erhanre na tavwe rọ ke kake-e.

Livitikọs 20:10

Ohwo de nene aye rẹ ọrivẹ rọye bru ehware, te ọshare na te aye na ke hwe ayen.

Emọs 8:14

Ihwo re vwẹ Ashima ri Sameria duvwu iyori, tanẹ, Kirobo rẹ ẹdjọ wẹn herọ na, E Dan, ji kugbe obo rẹ idjerhe ri Bẹẹrsheba herọ na, ayen che she, ayen gbi vrẹn ọfa-a.

Zẹfanaya 1:5

Otu ri diguẹ phihọ ọkpọ rẹ uwevwi vwọ kẹ otu rẹ obenu, otu ri diguẹ ayen mie duvwe iyori kẹ Ọrovwohwo ye ayen je vwẹ ode ri Milkọn duvwẹ Iyori.

Malakae 3:5

Ki mi che si kẹre owẹ vwẹ orhiebro; ke me cha dia oseri rẹ okpakpa kpahe ebuepha na, kugbe igberadja na, kugbe otu ri duvwu iyori rẹ ogbarogba na, vẹ otu re ghwa otu re durhie iruo ria na, vẹ otu ri kpokpo eme-phrorivwi vẹ eyauku, otu ri gerẹ erhorha phihọ akakọ, ri jẹ oshọ mẹ ẹdjẹ na; eriyin Ọrovwohwo rẹ otuofovwi na tare.

1 Kọrẹnt 6:9

Ovwan rha riẹn nẹ ihwo umwemwu cha sa reuku rẹ uvie rẹ Ọghẹnẹ na-a? Wo jẹ a phiẹn wẹ-ẹn; ọvwọfanrhiẹ, eyẹ ọgedjọ, eyẹ o gbe igberadja, eyẹ ọshare ro duẹ ọshare,

1 Kọrẹnt 8:4

Kọye, vwọ kẹ ẹriọ rẹ emu ra vwọ gọ iye na, avwanre riẹnre nẹ ẹdjọ dia emuọvo vwẹ akpọ na-a, yẹ Ọghẹnẹ ọfa herọ-ọ jokpa rẹ ọvuọvo na.

Galesha 4:8

Rhabae rẹ ovwan je riẹn Ọghẹnẹ-ẹ ovwan kẹ eviẹn rẹ ẹdjọ;

Urhi Rivẹ 32:15

Ẹkẹvuọvo oma ro Jeshurun, ọ da sare; oma rẹ ovwan da rho phihọ, oma da ghwọrọ ovwan; ọ da sen Ọghẹnẹ rọ maro, ọ da vwẹ Oragha rẹ esivwo rọye jehwẹ

Urhi Rivẹ 32:21

Ayen nẹrhẹ Me rioma kpahe obo rọ dia ọghẹnẹ-ẹ ayen vwẹ ẹdjọ rayen kpare ovwẹ ophu, Eriyin na ke Me kpare ayen ẹnwẹn vwọ rioma kpahe otu re dia ihwo-o; Me vwẹ ẹgborho oghẹghẹ vwọ kpare ayen ophu.

Hibru 13:4

E jẹn emu ọghọ kẹ orọvwe vwẹ ohri rẹ ovwan ejobi, e jẹn e gbe ehwa rẹ orọvwe na ẹgua-a; kidie Ọghẹnẹ cha vwẹ ọvwọfanrhiẹ kugbe otu ri gbe igberadja guẹdjọ.

Jems 4:4

Ovwan igberadja rẹ eya na, ovwan rha riẹn nẹ ugbeyan rẹ vwo mu ekuakua rẹ akpọ na, ọvweghrẹ vwẹ obaro rẹ Ọghẹnẹ? Fiki rẹ eriyin na, kohwo kohwo ro mu ugbeyan rẹ akpọ na, yọ vwẹ oma ru ọvweghrẹ rẹ Ọghẹnẹ.

Joshua 23:7

nẹ wa vẹ ẹgborho ri chekọ vwẹ ohri rẹ ovwan na gbe ọguagua kugbe-e, eyẹ we se odẹ rẹ edjọ raye-en, we se ayen duvwe-e, eye wọ ga aye-en, eye we diguẹ kẹ aye-en,