Jerimaya 5:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Eriyin na okpohrokpo che nẹ aghwa rhi ri hwe ayen, ubido che nẹ atọn cha rhe ghwọrọ ayen. Edjẹnẹkpo ra rhẹrẹ irere rayen, ohwo kohwo rọ ro uphephẹ ka sanvwọ ibribro, kidie ọyanchọ rayen buru gangan, eshe rayen rhoro gangan.

Jerimaya 5:6 ပူးပေါင်းရင်းမြစ်များ

2 Ikun rẹ Ivie 36:14

Irherẹn ride na ejobi kugbe ihwo na rhe vwo esegbuyota-a, ayen de nene ẹgua rẹ ẹgborho na, ayen de gbe uwevwi rẹ Ọrovwohwo ro ru fon vwi Jerusalẹm ẹgua.

Ezra 10:10

Etiyin Ẹzra rẹ orherẹn na de mudia ọ da ta kẹ ayen nẹ, Ovwan chọ urhi ovwan rọvwọn eya erhorha, ọ da nẹrhẹ abe rẹ Izrẹl bu phihọ.

Ezra 9:6

tanẹ, E Ọghẹnẹ mẹ, oma vo vwẹ opharo mẹ ke ghwọkpọ ọ gbi ju vwe kpare opharo mẹ ni we-e, Ọghẹnẹ mẹ, orukuruku rẹ avwanre kpare kpenu nọ uyovwi rẹ avwanre, abe rẹ avwanre ma kpenu re te odjuvwu,

ỌBE RẸ JOB 10:16

Me da kpare oma mẹ kpenu, ku wọ vwẹ ovwẹ bẹrẹ ibefi kerẹ okpohrokpo, wọ da rhoma ru iruo rẹ igbunu kpahe ovwẹ;

Une rẹ Ejiro 104:20

Wọwẹ ri ru ebri, ọ me dia ason, ọke rẹ eranvwe rẹ egbo na da rara phia

Une rẹ Ejiro 80:13

Ogbo ro nẹ obo egbo rhe ra zaghọ, obo re yan vwẹ evun rẹ udju ejobi ke cha riọ.

Aizaya 1:23

Isun wẹn ihwo rẹ okpetu ayen igbeyan rẹ iji. ọvuọvo guọnọ udi ẹriọ ayen mia djẹ nene ẹse? Ayen chochọ rẹ emephrorivwi e karohọ oviẹ rẹ ayeukuu.

Aizaya 59:12

Kidie ogbeku rẹ avwanre rhi bu phihọ vwẹ obaro wẹ, umwemwu rẹ avwanre se iseri hwe avwanre, kidie ogbeku rẹ avwanrc vẹ avwanre herọ, avwanre riẹn orukuruku rẹ avwanre:

Jerimaya 14:7

Owenẹ imwemwu re avwanre se oseri hwe avwanre dede, ru emu ọvo fiki rẹ odẹ wẹn E Ọrovwohwo; kidie esiohuko rẹ avwanre buru gangan, avwanre ru umwemwu kpahe owẹ.

Jerimaya 2:15

Ikpohrokpo re kperẹ nene, ayen re kperẹ gangan, Ayen ru otọ rọye ofefe; irere rọye hẹ evun rẹ oghwọrọ ihwo gbe hẹ ayẹ-en.

Jerimaya 2:17

Ọ dia owẹwẹ ọvo ghwa ọnana phihọ uyovwi wẹn re wọ vwọ siẹn Ọrovwohwo Ọghẹnẹ wẹn, ro vwo sun we wan idjerhe na?

Jerimaya 2:19

Orukuruku wẹn cha họnron owẹ, egagọ esiọn wẹn cha ghwọ ku we. Vughe re wọ mrẹ nẹ umwemwu yara kidie wọ siẹn Ọrovwohwo Ọghẹnẹ wẹn, oshọẹdjẹ mẹ rhe we vwẹ evu-un, Ọrovwohwo Ọghẹnẹ rẹ ofovwi re tarọ.

Jerimaya 2:31

Ji te we, E uvwiẹ na, kerhọn rẹ ota rẹ Ọrovwohwo. Mẹvwẹ kẹ aghwa vwọ kẹ Izrẹl, eyẹ otọ ro mu ebri? Kidie ihwo me vwọ ta nẹ, Avwanreọ imuvwiẹ, avwanre gbi bru uwe rhe ofa-a?

Jerimaya 25:38

Ọ ya jẹ emwa rọye vwọ kerẹ okpohrokpo, kidie otọ rayen ghwọrọ kufia fiki rẹ ọlọkọ rẹ Ọrovwohwo na, kugbe fiki rẹ ophu ọtuatua rọye na.

Jerimaya 30:14

Ovwan chọrọ ese rẹ ovwan ẹro; ayen gbe kerhọn rẹ ovwa-an; kidie me vwe ẹghwiẹ rẹ ọvweghrẹ ghwiẹ ovwan, ehwe rẹ ọvweghrẹ ro vwo aruẹdọ-ọ, fikiridie abe rẹ ovwan ọrhuarho, fikiridie imwemwu rẹ ovwan gbori gangan.

Jerimaya 30:15

Die nẹrhẹ omaewan rẹ ovwan da ovwan? ọ davwẹ rẹ ovwan vwo ehworokpo-o. Fikiridie abe rẹ ovwan rhoro, fikiridie umwemwu rẹ ovwan gbori gangan, mẹvwẹ ri ru ovwan imu nana.

Jerimaya 30:24

Ophu ọgangan rẹ Ọrovwohwo na se rhivwi-i bẹsiẹ ro vwo ru iroro rọ jẹre vwẹ udu rọye na gba. Wa cha riẹn ọnana vwẹ ẹdẹ rẹ ukuko na.

Jerimaya 4:7

Okpohrokpo nẹ evun rẹ etu rọye rhe, ọghwọrọ rẹ ẹgborho na yan phiare; ọ yan nẹ asan rọye re rere ọ ru otọ rẹ ovwan phihọ ofefe irere rẹ ovwan ke cha dia erhurhu ohwo gbe dia aye-en.

Jerimaya 49:19

Kirobo rẹ okpohrokpo pho nẹ egbo ri Jọdan cha ro ogba ọgangan rẹ igegede ye, mi che ru ayen ra da djẹ jovwo kpregede, ohwo ro jevwe kọye me cha sanọ nọ re vwẹ enu rọye, Kidie ono re họhọ ovwẹ? Ono ri si ọbe se vwe?

Jerimaya 8:5

Die sorọ rẹ ihwo nana vwo rhivwi kpuko rẹ ayen vwo si phihọ uko bẹdẹ? Ayen churu obọ mu ophiẹvwe kokoroko, ayen rhọvwe kurhẹriẹ-ẹ.

Jerimaya 8:7

Obo re hẹ obenu dede na riẹn ọke roye, ilekuku, emephran-Ọghẹnẹ, vẹ egodi yọnrọn ọke rẹ ẹcha rayen; ye ihwo mẹ je riẹn iji rẹ Ọrovwohwo-o

Uvwerhe 1:5

Ivwighrẹ rọye keye rha ka enu kẹ o re yovwẹ kẹ ivwighrẹ rọye, fikiridie Ọrovwohwo nẹrhẹ ọ re oja fiki rẹ orukuruku obuebu rọye. E mu emọ rọye kpo ighuvwu vwe aro rẹ ivwighrẹ na.

Izikiẹl 16:25

vwẹ oba koba rẹ urhuvwu wọ da bọn asan ro kpenu kẹ oma wẹn ku wọ vwẹ erhuvwu wẹn gbe igberadja, wọ vwẹ oma wẹn ru ẹse kẹ ihwo re wanvrẹn, igberadja kegbe-egbe.

Izikiẹl 22:27

Isun rọye re hẹ uherevie rọye e họhọ ikpohrokpo re ria eranvwe ọkpokpọ, re rhaphiẹ ọbara, ayen ghwọrọ ihwo rere ayen vwo re erere rẹ eku.

Izikiẹl 23:19

Kẹ etiyin ọfanrhiẹn na ke gan phihọ, ra da karohọ ọkiemọ rọye, ro vwo mu ọfanrhiẹn egbe vwẹ obi Ijipt,

Daniẹl 7:4

Ọ rẹsosuọ da họhọ okpohrokpo vẹ ibekpe rẹ ugo. Ọke mi vwo no re a da sanvwẹ ibekpe rọye nu, a da kparọ nẹ otọ e de vwo mudia vwẹ awọ rọye ivẹ kerẹ ohwo; iroro rẹ ohwo kọye a vwọ kẹ.

Daniẹl 7:6

Ọnana vwọ wan nu mi de ni, nighe, ọfa, rọ họhọ edjẹnẹkpo, vẹ ibekpe rẹ ọphran ẹne vwẹ obuko rọye; eranvwe na vẹ uyovwi ẹne, a da vwẹ ogangan rẹ isuesun vwọ kẹ.

Hosia 5:14

Kidie me cha họhọ okpohrokpo kẹ Ifrem, kerẹ ọmọ rẹ okpohrokpo kẹ uwevwi ri Juda. Mẹvwẹ, ekpuyovwi mẹ, me da bẹrẹ nu ke me yanran, Mi che muo yanran, yẹ o vwo ohwo ro se sivwo mie vwe-e.

Habakọk 1:8

Iyesi rayen djẹ onẹ phẹre nọ edjanakpo, i muoshọ nẹ ikpohrokpo rẹ ovwọnvwọn; otu re gua iyesi rayen ra gọlọ hẹ obaro. Uyota, otu re gua iyesi rayen ogboko i nurhe, e rhan kerẹ ugo rọ mrẹ obo ro re fru.

Zẹfanaya 3:3

Inotu rọye re dia evun rọye epha kerẹ ikpohrokpo re guan, iguẹdjọ rọyẹ epha kerẹ ikpohrokpo rẹ ovwọnvwọn ri jẹ emuọvo vwo hẹrhẹ irhiọke-e.

Ukeri 32:14

Nighere, ovwan kọye rhe mu vwẹ ẹdia rẹ esẹ rẹ ovwan na, uvwiẹ rẹ ihwo umwemwu na, rẹ ovwan rhanriẹ ophu rẹ Ọrovwohwo na kpahe Izrẹl!

Ẹvwọphia 13:2

Eranvwe re me mrẹre na da họhọ ubido, awọ rọye da họhọ awọ rẹ okorhi, unu rọye da họhọ unu rẹ okpohrokpo.