Jerimaya 5:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Etiyin me da ta, Enana wọ de mrẹ na igbere, ayen vwo iroro-o, kidie ayen riẹn idjerhe rẹ Ọrovwohwo na-a, ayen riẹn urhi rẹ Ọghẹnẹ raye-en.

Jerimaya 5:4 ပူးပေါင်းရင်းမြစ်များ

Aizaya 27:11

Ọke rẹ eghọn rọye da ya ki vwirhẹ; eya ke cha vwẹ ayen mu erhanre. Kidie enana ihwo re mrẹ emu vughe-e. Vwẹ ọtiọye na ọ rọ ma ayen gbe re ehrọre raye-en. ọ rọ mama ayen gbe vwẹ ẹro esiri ni aye-en.

Aizaya 29:12

Ọke ra da rha reyọ ọbe na kẹ ohwo ro se se-e, tanẹ, Se ọbe nana, o da ta, Mi se se-e.

Jerimaya 10:8

Ayen pha djidji gheghẹ, Uyono ra mrẹ nẹ oma rayen rhe gbe vrẹn urhe-e.

Jerimaya 4:22

Kidie ihwo mẹ ẹkpa, ayen riẹn vwẹ-ẹ; ayen emọ igheghẹ, ayen vwo erianriẹ-ẹn. Ayen riẹn obo re ruẹ umwemwu gangan, ẹkẹvuọvo ayen riẹn ọresiri ruẹ-ẹ.

Jerimaya 7:8

Nighe, ovwan vwẹ ẹro so eta ifefe ri fi emuọvo-o.

Jerimaya 8:7

Obo re hẹ obenu dede na riẹn ọke roye, ilekuku, emephran-Ọghẹnẹ, vẹ egodi yọnrọn ọke rẹ ẹcha rayen; ye ihwo mẹ je riẹn iji rẹ Ọrovwohwo-o

Jerimaya 9:3

Ayen kpirhi ẹrẹnvwe rayen kerẹ umurhabọ; efian ọ dia uyota-a ọye ma rho vwẹ otọ na, kidie ayen nẹ umwemwu ra ro umwemwu, ye ayen riẹn vwẹ-ẹ, eriyin Ọrovwohwo na tare.

Hosia 4:6

A guọghọ ihwo mẹ fiki rẹ jẹriẹn fikiridie wọ sen erianriẹn, Me sen we nẹ wọ gbe dia orherẹn mẹ-ẹ. Ọtiobo rẹ urhi rẹ Ọghẹnẹ wẹn vwọ chọro owẹ ẹro na, emọ wẹn ke je chọro ovwẹ ẹro rhe.

Matiu 11:5

orhuẹro mrẹ orẹ, okpolo yanre, ehonvwoti e sivwi ayen, idierhọ nyo ẹme, irivwi vrẹre, iyẹnrẹ esiri na eghwoghwiro kẹ igbere.