Jerimaya 5:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ E Ọrovwohwo ẹro wẹn gbe rha mrẹ uyota? wọ teyọ ayen she, ẹkẹvuọvo yọ miavwẹ aye-en. Wọ guọghọ ayen yẹ ayen kuobọ rhẹriẹ-ẹ, ayen ru opharo rayen gan nọ oragha ayen rhọvwe kurhẹriẹ-ẹ.

Jerimaya 5:3 ပူးပေါင်းရင်းမြစ်များ

Jẹnẹsis 19:34

Vwẹ ẹdẹ rivẹ, oro ọkpako da ta kẹ ọ rẹ otete, Nighe, Me vẹ ọsẹ Me ri gbe sherhẹ ason rọ wanre na, jẹ a je vwẹ udi kẹ da vwẹ ason na rhe, rere wọ vẹ ọye je vwerhẹ rhe, rere vwẹ oma rọye uvwiẹ rẹ avwanre vwo je fue.

1 Ivie 13:33

Rẹ imu nana vwọ wan nu Jeroboam ji se kurhẹriẹ nẹ idjerhe ọbrabra rọye-e, ẹkẹvuọvo ọ je vwẹ irherẹn vwo mu phihọ asan ri kpenu na vwẹ ohri rẹ ihwo na; ọ ro jere ọye o vwo muẹ irherẹn vwẹ asan ro kpenu na.

Ivie rẹ Ivẹ 1:13

Ovie na de rhe ji onotu rerha vẹ ituofovwi ujuvẹ gbẹ ihwe ra. Onotu rerha na ro suẹn ituofovwi ujuvẹ gbẹ ihwe na de yenri kpo enu bro ra, o de she iguẹn ivẹ vwẹ aro rẹ Ilaija, ọ da bọrọ nẹ, E ohwo rẹ Ọghẹnẹ, me rẹ wẹ, jẹ arhọ mẹ vẹ arhọ rẹ idibo ujuvẹ gbẹ ihwe nana rho vwẹ ẹro wẹn.

2 Ikun rẹ Ivie 16:9

Kidie ẹro rẹ Ọrovwohwo djuẹ kpenẹ kpenẹ wan akpọ na ejobi, ro vwo dje ẹgba rọye kpahe ihwo rẹ udu rọye fon kpahọ. Wo ru emu ẹkpa vwẹ Ọnana, kẹ etinẹ yanran ku wọ cha mrẹ ofovwi phi.

2 Ikun rẹ Ivie 28:22

Vwẹ ọke rẹ ukpokpogho rọye re o rhe vwo esegbuyota kpahe Ọrovwohwo na-a–Ehaz Ovie nana ọvuọvo na.

Une rẹ Ejiro 51:6

Nighere, wọwẹ re guọnọ uyota ro ne evun rhe; fiki rẹ ọtiọye na gbe yono uvwe aghwanre vwẹ udu mẹ.

Une rẹ Ejiro 51:8

Vwe aghọghọ vẹ ornavwerhe vọn vwẹ evun; jẹn ubeku ru wo vwirhiri jovwo ghọghọ.

Une rẹ Ejiro 55:20

Otu mẹ riẹn obọ rọye kpahe igbeyan rọye, o miovwi ọphọ rọye.

Isẹ 21:29

Oruimwemwu oma vuọ-ọ, ẹkẹvuọvo ohwo rọ fuevun nabọ roro idjerhe rọye te.

Isẹ 22:12

Ẹro rẹ Ọrovwohwo na rhẹrẹ erianriẹn, ẹkẹvuọvo ọ kpara eta rẹ ohwo ro segbuyota-a kuefia.

Isẹ 23:35

Ku wo che kperẹ nẹ, ayen teye ovwẹ, ẹkẹvuọvo me wan oma-a; ayen ghwiẹ vwẹ ẹkẹvuọvo mi nyoro vwẹ oma-a. Ọkevọ me vwọ rhọvwọ re me ra guọnọ udi ọfa.

Isẹ 27:22

Mu ẹkpa phihọ odo wọ vwẹ omodo duvwo vẹ eka kugbe, ughenghẹn na che no oma bẹdẹ-ẹ.

Aizaya 26:11

E Ọrovwohwo, a kpare obọ wẹn kpenu, ẹkẹvuọvo ayen sa mrẹ-ẹ. Gbe jẹn ayen mrẹ ọdavwẹ wo vwo kẹ ihwo wẹn, rere oma vo ayen. gbe jẹn erhanre rẹ ivwighrẹ wẹn torhẹ ayen

Aizaya 42:25

Etiyin o de ku ọtotorhe rẹ ophu rọye kuo kugbe ẹgba rẹ ofovwi rọye, ọ da vwe erhanre riarie phihọ, ẹkẹvuọvo yo riẹnre-e, ọ torhẹre, ẹkẹvuọvo ayen se roro mrẹ-ẹ.

Aizaya 48:4

Fikiridie Me rlenre nẹ wo vwo udu, ohọre wẹn irien rẹ utehru arhanre wẹn kẹ ẹronvwo,

Aizaya 9:13

Ihwo na rhivwi bru ọ rọ ghwiẹ aye-en eyẹ vwọ guọnọ Ọrovwohwo rẹ otuofovwi na-a.

Jerimaya 15:7

Me vwẹ ọfa fa ayen nure vwẹ ughere rẹ otọ na, Me vwẹ emu ru ayen, me ghwọrọ ihwo mẹ nure; ayen kurhẹriẹ nẹ idjerhe raye-en.

Jerimaya 17:23

Dede na ayen kerhọ-ọn ayen je vwẹ erhọn rẹ ayen kpo otọ-ọ, ẹkẹvuọvo ayen de ru udu rayen gan rere ayen vwo mrasan je nyo rere ayen vwo reyọ uyono.

Jerimaya 19:15

Enẹ Ọrovwohwo rẹ otuofovwi, Ọghẹnẹ rẹ Izrẹl, tare, Nighe, me herọ ghwa umiovwo cha orere nana kugbe irere rọye ejobi umiovwo ri mi ghwoghwo kpahọ ejobi, fikiridie ayen gan udu phihọ, ayen rhọvwe nyo eta mẹ-ẹ.

Jerimaya 2:30

Mi hwe emọ rẹ ovwan dede na, yẹn ayen vwiro ku obọ rhẹriẹ-ẹ, Ọlọkọ rẹ obọ wẹn hwe emraro wẹn kerẹ okpohrokpo rọ chẹghẹ emu.

Jerimaya 3:3

Ọtiọye na a vwo da eghwẹghwẹ rẹ osio na ji yẹ osio rẹ owanre je rhọ-ọ, yu wo vwo oka rẹ ọfarhiẹ vwẹ arhare oma sa vo ovwa-an.

Jerimaya 32:19

rọ rhoro vwẹ ẹghwanre vẹ ẹgba kugbe uruemu; rẹ ẹro rọye rhie phihọ kẹ idjerhe rẹ ihwo ejobi, ọ rọ je hwa osa kẹ ohwo kohwo kirobo rẹ idjerhe rọye vẹ emamo rẹ iruo rọye epha;

Jerimaya 35:13

Enẹ Ọrovwohwo rẹ otuofovwi, Ọghẹnẹ rẹ Izrẹl na tare: Yanran ra ta kẹ eshare ri Juda vẹ ihwo re dia Jerusalẹm, Wa reyọ uyono re wa kerhọn rẹ eta mẹ? Eriyin Ọrovwohwo tare.

Jerimaya 44:10

Ayen je vwẹ oma rayen kpoto rhi te nonẹ na-a, ayen je djẹ osho-o, ayen je yan phihọ evun rẹ urhi vẹ iji ri mi phihọ obaro rẹ ovwan vẹ obaro rẹ esẹ rẹ ovwan na-a.

Jerimaya 7:26

dede na ayen kerhọn mẹ-ẹ, ayen je vwẹ erhọn kpotọ-ọ, ẹkẹvuọvo ayen vẹ udu kpohro, ayen ru miovwi nọ esẹ rayen.

Jerimaya 7:28

Wọ me ta kẹ ayen nẹ, Ọnana orere rọ kerhọn rẹ urhuru rẹ Ọrovwohwo Ọghẹnẹ raye-en, ayen reyọ ẹghwọ kuo rọye-e, uyota ghwuru kpimẹ e bruro nẹ ẹbẹrunu rayen.

Jerimaya 8:5

Die sorọ rẹ ihwo nana vwo rhivwi kpuko rẹ ayen vwo si phihọ uko bẹdẹ? Ayen churu obọ mu ophiẹvwe kokoroko, ayen rhọvwe kurhẹriẹ-ẹ.

Izikiẹl 2:4

Ihwo na nyo ẹme-e, vẹ udu gangan kpoi. Mi ji we bru ayen ra; ku wọ ta kẹ ayen, Enẹ Ọrovwohwo Ọghẹnẹ tare.

Izikiẹl 24:13

Ekagha rọye na ọye ọfanrhiẹn vẹ igberadja wẹn. Me hworhẹ owẹ yu wọ rhọvwe fon nẹ inuhu wẹ-ẹn, wọ gbe cha fon ọfa-a bẹsiẹ me cha vwọ kpa ophu mẹ ku we nu.

Daniẹl 9:13

Kirobo re siro phiho urhi ri Mosis, ukpokpogho nana ejobi bru avwanre rhe, rhi te ọke na avwanre ji re yovwunu je siẹn ọgbẹvwẹ kẹ Ọrovwohwo Ọghẹnẹ ra avwanre-e, rẹ avwanre da rhẹriẹ nẹ orukuruku rẹ avwanre, vwọ nabọ kerhọn rẹ uyota wẹ-ẹn.

Livitikọs 26:23

Enana da phia kẹ ovwan nu rẹ ovwan gbi rhe rhivwi bru vwe rhe-e, wa da rha cho irhi mẹ,

Emọs 4:10

Mi ji ọtiekọ rhe ohri rẹ ovwan kerẹ obo ri mi ru Ijipt Me da vwẹ ọlọkọ hwe imighene rẹ ovwan; Mi de mu iyesi rẹ ovwan reyọ, mi de ru ọnrhe rẹ erhọn rẹ ovwan gbo hwe ovwan; yẹ ovwan ji hirhe bru vwẹ rhe-e, Ọrovwohwo na tarọ.

Emọs 4:11

Me guọghọ ovwan ẹvo, kerẹ ẹsie re Ọghẹnẹ vwọ guọghọ Sodọm vi Gomorah, wa da họhọ imwerhanre re kpare she nẹ erhanre, yu we ji rhivwi bru vwẹ rhe-e, Ọrovwohwo na tarọ.

Emọs 4:6

Me vwẹ ako efuanfon tuetue kẹ ovwan vwẹ irere rẹ ovwan ejobi kugbe ọkarovwẹ re emuọre vwẹ ẹdia rẹ ovwan ejobi, yu we ji se rhivwi bru vwẹ rhe-e, Ọrovwohwo na tarọ.

Emọs 4:8

Etiyin Irere ive yẹrẹ erha mi suo-suo kpo orere ọvo ra da ame, jo mu ayen unu-u; dede na yi we rhivwi bru vwẹ rhe-e, Ọrovwohwo na tarọ.

Emọs 4:9

Me da vwẹ ophan vẹ akprẹn rhe idju rẹ ovwan, re idju vẹ egbo rẹ ovwan da dia ofefẹ; te irhe ri fig rẹ ovwan te irhe re oliv rẹ ovwan ebaka ghwọrọ ayen re; ji we ji rhivwi bru vwe rhe-e Ọrovwohwo na tarọ

Zẹfanaya 3:7

Me da ta, uyota kọ djẹ oshọ mẹ kọ cha reyọ obo re dje kẹ emu ejobi ri mi dje kẹ o gbi ni ayen kuerofia-a. Jẹ urhuru rẹ emu umwemwu rayen ji sie ayen phihọ ke rhoma miovwẹ phihọ.

Ọbe ri Pọl si rhe Ihwo ri Rom 2:2

Avwanre riẹnre nẹ orhiẹ rẹ Ọghẹnẹ ọ hẹ enu rẹ otu ri ruẹ oghẹre rẹ emu ọtiọye na.

Hibru 12:9

Ọfa, ọsẹ rẹ aruakpọ na ghwọ kuẹ avwanre avwanre mi mu ọghọ kẹ ayen. Kẹ avwanre rhe se mu ọghọ kẹ Ọsẹ ro vwo irhi ejobi re wa rhọ-ọ?