Jerimaya 5:27 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁷ Kerẹ obere rọ vọnre vẹ ephran, uwevwi rayen vọnre vẹ ọphiẹvwẹ; kọye ayen da rhe dia ikpihwo ride ri feri,

Jerimaya 5:27 ပူးပေါင်းရင်းမြစ်များ

ỌBE RẸ JOB 12:6

Itughẹ rẹ igbunegbu herọ vwẹ ufuoma, otu re kpare Ọghẹnẹ ophu ayen herọ vwẹ ofuvwegbe, i ri mu edjọ rayen gbere abọ ayen cha.

Aizaya 3:14

Ọrovwohwo o mu ẹdjọ phihọ eguo re, ọ vẹ ekpako na kugbe isun rẹ ihwo rọye. We re ghwọrọ ogba ri vain na, ekuakua re ivwiogbere na hẹ uwevwi wẹn.

Jerimaya 12:1

Wọwe ọvwata, E Ọrovwohwo, vwẹ ọke mi de guẹ kẹ wẹ; dede na mi ji gu ẹdjọ mẹ kẹ wẹ. Die sorọ o vwo yovwẹ kẹ oruimwemwu? Die nẹrhẹ ihwo ri gbẹ ozighi vwo yovwẹ?

Jerimaya 8:5

Die sorọ rẹ ihwo nana vwo rhivwi kpuko rẹ ayen vwo si phihọ uko bẹdẹ? Ayen churu obọ mu ophiẹvwe kokoroko, ayen rhọvwe kurhẹriẹ-ẹ.

Jerimaya 9:6

Ghwẹ oshenyẹ rhurhu oshenyẹ, ophiẹnvwe rhurhu ophiẹnvwe, ayen rhọvwe riẹn vwẹ-ẹ, eriyin Ọrovwohwo na tare.

Hosia 12:9

Mẹvwẹ hẹ Ọrovwohwo Ọghẹnẹ wẹn, nẹ otọ rẹ Ijipt rhe. Me je cha rhoma vwẹ owẹ kpo utughẹ ra dia, kerẹ ẹdorẹ re bru phihọ otọ vẹrhẹ.

Maika 1:12

Kidie ihwo re dia Marọt ra rua ẹnwan hẹrhẹ erhuvwu rọ cha, kidie emu umwemwu neẹ obọ rẹ Ọrovwohwo rhire rhi te anurhoro ri Jerusalẹm re.

Zẹfanaya 1:9

Vwẹ ẹdẹ yena ki mi hwe kohwo kohwo ro pho wan ugana vrẹn, kugbe ayen otu re ghwẹ ozighi vẹ ọghware vọn uwevwi rẹ onini rọye.

Ẹvwọphia 18:2

O de kperi gangan tanẹ, Osheri, osheri, Babilọn rode na sheri Ọ rhi hirhe phihọ orere rẹ idẹbono, urhuẹn rẹ erhi kerhi ọbrabra, urhuẹn rẹ ọphran kọphran ro tuoma;