Jerimaya 5:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Ayen sa ta vwẹ udu raye-en, E jẹn avwanre djẹ oshọ rẹ Ọrovwohwo rẹ Ọghẹnẹ rẹ avwanre, rọ rho osio vwẹ ọke rọye, osio rẹ oghwe vẹ osio rẹ ọkeuvo, ọ da yọnrọn kẹ avwanre ẹdẹ ro bru kẹ orhọ.

Jerimaya 5:24 ပူးပေါင်းရင်းမြစ်များ

Jẹnẹsis 8:22

Ọke rẹ akpọ na dia krite na, ọke ekankọn kugbe ọke orhọ ekpae kugbe oheri, ọkeuvo kugbe ohwahwa, uvo kugbe ason se re bẹdẹ-ẹ.

1 Ivie 17:1

Asakiephana Ilaija ohwo ri Tish, vwi Gilead, da ta kẹ Ehab, kirobo rẹ Ọrovwohwo Ọghẹnẹ rẹ Izrẹl herọ na, ri mi mudia vwẹ obaro rọye na, asan mrẹ irho eyẹ osio vwẹ ikpe nana-a, jokpa nẹ ota mẹ.

ỌBE RẸ JOB 29:23

Ayen ke hẹrhẹ ovwẹ kerẹsiẹ ra hẹrhẹ osio; ayen de rhie unu rayen phihọ hẹrhẹ osio rẹ ọkeuvo.

ỌBE RẸ JOB 38:37

Ono sa vwẹ aghwanre rọye keri eghọ na? Eyẹ kono sa gẹrẹ ọkọkọ rẹ ame rẹ odjuvwu na?

ỌBE RẸ JOB 5:10

ọye re rhọ osio phihọ akpọ na ọye re vwẹ ame ku aghwa na,

Une rẹ Ejiro 147:8

Ọ vwẹ egho rhurhu obo odjuvwu na, ọ rhuẹrẹ osio phihọ k ẹ otọ na, ọ da nẹhrẹ odi djẹ nẹ imigbenu na rhe.

Une rẹ Ejiro 65:9

Wẹ ri nẹ akpọ na wọ me vwẹ ame ruọrhuọ, wẹ re nẹrhẹ oyovwi emu gangan; urhie rẹ Ọghẹnẹ vọnre vẹ ame; wọwẹ re ghwẹ eka rayen phihọ, kidie ọtiọye wọ rhuẹrẹ phihọ.

Aizaya 64:7

O gbi vwo ohwo ọvuọvo ro se odẹ wẹ-ẹn, ro kpogho oma nẹ ọye gbanọ owẹ ba oma-a, kidie wo si opharo wẹn nu kẹ avwanre, wo de si avwanre ra ro obọ rẹ orukuruku rẹ avwanre.

Jerimaya 10:13

Ọke ro de do ame ro obo odjivwu na ki kpogho, ọye je nẹrhẹ evwru muẹ nẹ abọ ọvo rẹ akpọ re te oba. Ọ ma agbrara fiki rẹ osio, ọye reyọ odju nẹ uwevwi rọye rhe.

Jerimaya 14:22

O vwo ẹdjọ ọvo vwẹ usun rẹ edjọ rẹ efian na rọ sa rhọ osio phihọ otọ na? eyẹ kẹ odjuvwu na sa rhọ eghwẹghwẹ? O dia wọwẹ E Ọrovwohwo Ọghẹnẹ rẹ avwanrẹ na-a? Ma vwẹ ẹro so owẹ, kidie wẹ ri ru imu nana ejobi.

Jerimaya 2:19

Orukuruku wẹn cha họnron owẹ, egagọ esiọn wẹn cha ghwọ ku we. Vughe re wọ mrẹ nẹ umwemwu yara kidie wọ siẹn Ọrovwohwo Ọghẹnẹ wẹn, oshọẹdjẹ mẹ rhe we vwẹ evu-un, Ọrovwohwo Ọghẹnẹ rẹ ofovwi re tarọ.

Jerimaya 3:3

Ọtiọye na a vwo da eghwẹghwẹ rẹ osio na ji yẹ osio rẹ owanre je rhọ-ọ, yu wo vwo oka rẹ ọfarhiẹ vwẹ arhare oma sa vo ovwa-an.

Jerimaya 5:22

Wa djẹ oshọ me-e? eriyin Ọrovwohwo na tare ovwan rha phariẹ vwẹ obaro mẹ-ẹ? Me vwẹ ubu na jẹn ugbwru kẹ abadi ugbere ri bẹdẹ ro jẹ sa wan vrẹn; owenẹ abadi na họnre dede, ayen sa shariẹ-ẹ, owenẹ omimi na kpare ayen sa wan vrẹ-ẹn.

Jerimaya 50:5

Ayen cha nọ ekpẹn rẹ idjerhe ra wan kpo Zayọn, vẹ opharo re hirhe kuo tanẹ, Wa mọ re kuoma gbe Ọrovwohwo vwẹ ọphọ ẹriọ ri bẹdẹ ro je ẹro ẹchọrọ bẹdẹ.

Hosia 3:5

Ukoko rọye emọ rẹ Izrẹl ki rhivwi rhe rhe guọnọ Ọrovwohwo rẹ Ọghẹnẹ rayen, kugbe Devid rẹ ovie rayen, ayen ki bru Ọrovwohwo rhe vẹ oshọ kugbe ughwẹ rẹ esiri rọye vwẹ ukoko rọye.

Hosia 6:1

Amọ, re rhivwi bru Ọrovwohwo kidie ọ bẹrẹ avwanre nure ko sivwi avwanre; O bru ora phihọ avwanre rere ọ rha gban.

Joẹl 2:23

Ghọghọ, E emọ ri Zayọn, re oma vwerhe owẹ vwẹ evun rẹ Ọrovwohwo, Ọghẹnẹ wẹn; kidie ọ rhọ osio rẹ ẹsosuọ kẹ wẹ ro vwo mu we ẹro, ọ rhọ osio buebu phihọ otọ kẹ wẹ, rẹ osio rẹsosuọ rẹ osio rẹ ure, kirobo ri jovwo.

Emọs 4:7

Me da vwi fiki rẹ ovwan da osio ji yo chekọ emeranvwe erha re vwo te orhọ; osio mi bru rhọ vwẹ orere ọvo, yo che te orere ro chekọ-ọ; osio rhọ phihọ eghwa ọvo, yẹ eghwa rẹ osio rhọ phihọ-ọ vwioro,

Zekaraya 10:1

Nọ ekpẹn rẹ osio mie Ọrovwohwo vwẹ ọke-evwru, mie Ọrovwohwo rọ ru ogiribo vẹ egho rọ vwẹ eghwẹghwẹ re osio kẹ ihwo, rọ nẹrhẹ ẹbe djẹ vwẹ udju ri kohwo kohwo,

Matiu 5:45

ke se ovwan emọ rẹ ọsẹ rọ hẹ ọbo odjuvwu, kidie uvo rọye muẹ ọbo vẹ ogbori, osio rọye hwe ọvwata vẹ oruimwemwu.

Iruo rẹ Iyinkọn na 14:17

dede na o ji vwo ọkeọvo ro vwo jẹ iseri rẹ oma rọye ẹvwophia-a, kidie o ru emu esiri kẹ ovwan ọ da rhọ osio nẹ odjuvwu kugbe omamọ rẹ evwru vẹ ọke rẹ ivuevu rere ovwan vwo emuọre vẹ aghọghọ.

Urhi Rivẹ 28:12

Ọrovwohwo ko rhie ẹchẹ rẹ ughwẹ rẹ odjuvwu na kẹ ovwan, kọ rhọ osio phihọ otọ rẹ ovwan vwẹ ọke rọye o mi ji bruba kẹ iruo rẹ abọ rẹ ovwan; ovwan ki momo kẹ ẹgborho buebu, ẹkẹvuọvo ovwan che momo mie ohwo-o.

Jems 5:7

Imoni mẹ, ovwan gba vwẹ erhiori hẹrhẹ, bẹsiẹ rẹ Ọrovwohwo cha vwọ rhe. Nighe ọghwẹrẹ vwẹ erhiori hẹrhẹ emamọ rọ kọnre, bẹsiẹ rẹ osio ke rhe rhọ, re emamọ na cha vwọ ghwo.

Ẹvwọphia 11:6

Ayen vwo ogangan ra vwọ kanre obenu na gbe, rere osio vwo jẹ rhọ vwẹ ẹdẹ rẹ aroẹmrẹ rayen, ayen ji vwo ogangan ra vwọ rhẹriẹ ame phihọ ọbara, rẹ ayen vwọ vwẹ ọtiekọ kọtiekọ hwe akpọ na, phẹrephẹre kirobo rẹ ayen guọnọre.