Jerimaya 5:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Nyo ọnana, E ẹkpa ighenghẹn ri vwo ẹro, ye mrorẹ-ẹ ri vwo erhọn yi nyo ẹme-e na.

Jerimaya 5:21 ပူးပေါင်းရင်းမြစ်များ

Une rẹ Ejiro 94:8

Ọ ro wẹ, E ọ ro me ghẹn vwẹ usun re ihwo na! Ẹkpa na, ọkevọ wa vwọ ghwanre?

Isẹ 17:16

Die ẹkpa vwọ naghoma vwẹ igho yọnrọn obọ rọ guọnọ aghwanre dẹ, yo vwo iroro-o.

Aizaya 27:11

Ọke rẹ eghọn rọye da ya ki vwirhẹ; eya ke cha vwẹ ayen mu erhanre. Kidie enana ihwo re mrẹ emu vughe-e. Vwẹ ọtiọye na ọ rọ ma ayen gbe re ehrọre raye-en. ọ rọ mama ayen gbe vwẹ ẹro esiri ni aye-en.

Aizaya 43:8

Reyọ ihwo ri rhuẹro, dede na yi vwo ẹro, ri dierhọn, dede na yi Vwo erhọn.

Aizaya 44:18

Ayen riẹnre-c, eyẹ ayen vughe-e, kidie o rhurhu ẹro rayen, o gbi jẹn ayen mrorẹ-ẹ, o rhurhu udu rayen, o gbi jẹn ayen riẹn otọ rọye-e.

Jerimaya 10:8

Ayen pha djidji gheghẹ, Uyono ra mrẹ nẹ oma rayen rhe gbe vrẹn urhe-e.

Jerimaya 4:22

Kidie ihwo mẹ ẹkpa, ayen riẹn vwẹ-ẹ; ayen emọ igheghẹ, ayen vwo erianriẹ-ẹn. Ayen riẹn obo re ruẹ umwemwu gangan, ẹkẹvuọvo ayen riẹn ọresiri ruẹ-ẹ.

Jerimaya 5:20

Ghwoghwo ọnana vwẹ uwevwi ri Jekọp, ghwoghwo vwi Juda.

Jerimaya 5:4

Etiyin me da ta, Enana wọ de mrẹ na igbere, ayen vwo iroro-o, kidie ayen riẹn idjerhe rẹ Ọrovwohwo na-a, ayen riẹn urhi rẹ Ọghẹnẹ raye-en.

Jerimaya 6:10

Kono me vuẹ ono me je kpokpa kẹ, rere ayen vwo nyo? Nighe, erhọn rayen rhurhuru, ayen sa kerhọ-ọn nighe, ota rẹ Ọrovwohwo kọ họhọ ehwẹjẹ kẹ ayen, oma rọye vwerha aye-en.

Jerimaya 7:13

Fiki rẹ obo rẹ ovwan vwo ru imu nana, vwẹ asakiephana, eriyin Ọrovwohwo na tare, ọke mi vwo dje ovwan ẹtẹta kẹ wa kerhọ-ọn, mi vwo se ovwan we nyori-i,

Jerimaya 8:7

Obo re hẹ obenu dede na riẹn ọke roye, ilekuku, emephran-Ọghẹnẹ, vẹ egodi yọnrọn ọke rẹ ẹcha rayen; ye ihwo mẹ je riẹn iji rẹ Ọrovwohwo-o

Izikiẹl 12:2

Ọmọ rẹ ohwo, wọ dia uherevie rẹ uwevwi ro muẹkpahe ihwo, ri vwo ẹro re vwọ mrorẹ, ẹkẹvuọvo ye mrorẹ-ẹ, ri vwo erhọn ri vwo nyo ẹme, yi nyo-o;

Hosia 7:11

Ifiem pha kerẹ ilekuku gheghẹn, djidji o se Ijipt, o kpo Asiria.

Zekaraya 7:11

Ẹkẹvuọvo ayen kerhọ-ọn ayen de si igabọn te ohọre, rhurhu erhọn rayen re ayen je nyo.

Iyẹnrẹ Esiri ri Mak 4:12

re emrẹ ayen mrẹ yẹ ayen se vughe-e, enyo ayen nyo, yẹ ayen sa riẹn otọ rọye-e; ayen de rhe kurhẹriẹ e de rhe vwo ghovwo ayen.

Iyẹnrẹ Esiri ri Mak 8:18

Ovwan vwo ẹro, ovwan mrẹ orẹ-ẹ? Ovwan vwo erhọn, ovwan nyo ẹme-e? Owan karọphihọ-ọ?

Iyẹnrẹ Esiri ri Jọn 12:40

Orhurhu ẹro rayen o de ru udu rayen gan, ayen da vwẹ ẹro rayen mrẹ orẹ ayen da vwẹ udu rẹ ayen vughe, ayen de kurhẹriẹ e de sivwi ayen.

Iruo rẹ Iyinkọn na 28:26

Yanran bru ihwo nana, re wọ ta, Ovwan che ghine nyo yọ cha rọ ovwa-an, ovwan cha mrẹ orẹ yu we che vughe-e.

Ọbe ri Pọl si rhe Ihwo ri Rom 1:20

Nẹ ẹtuọhọ rẹ akpo na rhe ugboma rọye re jẹmrẹ na, kọye hẹ, ogangan rẹ ọrho rọye ri bẹdẹ na, a mrẹrẹ vughe vwẹ oma rẹ emu rọ mare. Vwẹ ọtiọye na ayen gbe mrẹ asa gun phihọ-ọ;

Ọbe ri Pọl si rhe Ihwo ri Rom 11:8

kirobo re siro, Ọghẹnẹ da kẹ ayen erhi ri rhurhu, ẹro rere ayen jẹ orẹ ẹmrẹ erhọn rere ayen jẹ ẹme enyo rhiri rhi te nonẹ na.

Urhi Rivẹ 29:3

edavwini ride na rẹ ẹro rẹ ovwan mrẹre na, eka vẹ imu igbunu ride yena;

Urhi Rivẹ 29:4

ẹkẹvuọvo rhi te nonẹ na Ọrovwohwo je kẹ ovwan iroro re vwo vughe-e, eyẹ ibiẹro ra vwọ mrẹ-ẹ, eyẹ erhọn re vwo nyo-o.

Urhi Rivẹ 32:6

Kenẹ wọ hwa osa kẹ Ọrovwohwo, ovwan ihwo ughẹghẹn ri jẹ iroro evwo na! Ọ dia ọsẹ rẹ ovwan o ruẹ, rọ ma ovwan, rọ ma ovwan nu rọ da vwẹ ovwan mudia!