Jerimaya 5:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Owenẹ ayen tanẹ, kirobo rẹ Ọrovwohwo herọ na yẹ ayen duvwu iyori rẹ efian.

Jerimaya 5:2 ပူးပေါင်းရင်းမြစ်များ

Aizaya 48:1

Nyo Ọnana, E uwevwi ri Jekọp, ra vwe odẹ re Izrẹl se, ri nẹ agada ri Juda rhe, re vwẹ odẹ rẹ Ọrovwohwo duvwu iyori, re rhọvwe odẹ rẹ Ọghẹnẹ re Izrẹl, ẹkẹvuọvo o dia uyota vẹ ọsoso-o.

Jerimaya 4:2

Wo de duvwu iyori, kirobo rẹ Ọrovwohwo herọ na, vwẹ evun rẹ uyota, vẹ ọsoso kugbe ọvwata, irere na ejobi ki vwo ebruba vwẹ oma rọyen, vwẹ oma rọye kọye ayen de vwo urinrin.

Jerimaya 44:26

Fiki rẹ ọtiọye na we gbe nyo ota rẹ Ọrovwohwo na, ovwan Juda ejobi re dia otọ rẹ Ijipt na: Nighe, Me vwẹ odẹ mẹ rode na duvwu iyori nure, eriyin Ọrovwohwo tare, nẹ unu rẹ ohwo ri Juda ọvuọvo rọ dia otọ rẹ Ijipt na gbi se odẹ mẹ ọfa-a, nẹ, Kirobo rẹ Ọrovwohwo Ọghẹnẹ na vwọ herọ na.

Jerimaya 7:9

Kẹ we cho uji, dia ozighẹ, we gbe igberadja, duvwu iyori rẹ eku, torhẹ incens ki Baal, we nene eghẹnẹ efa re ovwan riẹnre-e,

Jerimaya 9:2

E manẹ ke me sa bọn uwevwi ọvo kẹ erhorha vwẹ evun rẹ atọn na, rere me yan jẹ ihwo na vwo, me hẹriẹ oma mẹ nẹ ayen! Kidie ayen ejobi igberadja usun rẹ ihwo re vwọrọn efian.

Hosia 10:4

Eta diodi ayen ta, kugbe ive ifefe ayen vwọ re ọphọ; ọtiọye orhiebro da va nẹ otọ rhe kerẹ areba vwẹ uvwre re ẹkuẹbe.

Hosia 4:15

Owene wo gbe igberadja, E Izrẹl, wo ji Juda reabe-e, Wọ vwẹriẹ Gilgal re, eyẹ wọ kpọ enu rẹ Betave-en, wo duvwu iyori nẹ, Kirobo rẹ Ọrovwohwo herọ na.

Livitikọs 19:12

Ovwan vwẹ odẹ mẹ duvwu iyori rẹ efia-an, re e vwo miovwo odẹ rẹ Ọghẹnẹ re ovwa-an. Mẹvwẹ Ọrovwohwo na.

Zẹfanaya 1:5

Otu ri diguẹ phihọ ọkpọ rẹ uwevwi vwọ kẹ otu rẹ obenu, otu ri diguẹ ayen mie duvwe iyori kẹ Ọrovwohwo ye ayen je vwẹ ode ri Milkọn duvwẹ Iyori.

Malakae 3:5

Ki mi che si kẹre owẹ vwẹ orhiebro; ke me cha dia oseri rẹ okpakpa kpahe ebuepha na, kugbe igberadja na, kugbe otu ri duvwu iyori rẹ ogbarogba na, vẹ otu re ghwa otu re durhie iruo ria na, vẹ otu ri kpokpo eme-phrorivwi vẹ eyauku, otu ri gerẹ erhorha phihọ akakọ, ri jẹ oshọ mẹ ẹdjẹ na; eriyin Ọrovwohwo rẹ otuofovwi na tare.

1 Timoti 1:10

vwọ kẹ evwọfanrhiẹ, vwọ kẹ ọshare rọ rọvwọ ọshare, vwọ kẹ otu ri mu ihwo shẹ, evwọrọn efian, vwọ kẹ otu ri se oseri rẹ eku, kugbe oghẹre rẹ emu ehrahra efa ri she phiho omamọ rẹ uyono-o,

2 Timoti 3:5

ri muẹ ofian rẹ ẹga haroma ẹkẹvuọvo yẹ ayen sian ogangan rọ herọ. Kẹnoma kẹ ihwo ọtiọye na.

Taitọs 1:16

Ayen vwẹ oma nẹ nẹ ayen riẹn Ọghẹnẹ; ẹkẹvuọvo ayen wan evun rẹ iruo rayen siọn, iruo rayen tuoma, ayen kpare oma kpenu, ayen ki rhe gbobọnyẹ iruo esiri ejobi.