Jerimaya 5:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Yan wan urhiẹ ri vain rọye re wọ guọghọ, ẹkẹvuọvo wo ghwe furhie re-e, kpare eghọn rọye no, kidie ayen dia e re Ọrovwohwo-o.

Jerimaya 5:10 ပူးပေါင်းရင်းမြစ်များ

2 Ikun rẹ Ivie 12:4

Ọ da reyọ irere ri Juda ra gba ogba phihọ rhiri re te Jerusalẹm.

2 Ikun rẹ Ivie 36:17

Fiki rẹ ọtiọye na ọ da reyọ ovie ri Kaldia rhe vwọ so ayen, rọ vwẹ oda nyavwe imighene rayen hwe vwẹ evun rẹ ẹshẹ rayen, o rhe nẹ arodọvwẹ kẹ imighene na-a emeshare eyẹ emetobẹ, ekpako eyẹ emare; o de phi ayen ejobi phihọ obọ rọye.

Jerimaya 2:21

Omamọ rẹ urhe ri vain me vwọ kọn wẹ, omamọ rẹ ubi ọsoso. Die sorọ wo vwo jẹ ubi ẹmọ ru wo vwo hirhe phihọ vain rẹ ochibẹ.

Jerimaya 25:9

gbe nighe, mi che se uvwiẹ rẹ obọhwẹre ọnre cha, eriyin Ọrovwohwo tare, kugbe Nebukadreza ovie ri Babilọn, odibo mẹ na, me ghwẹ ayen rhe vwọ họnre otọ nana vẹ ihwo re dia, je kpahe irere nana re yarierẹ na; me cha ghwọrọ ayen tọtọtọ, mi de ru ayen imuosho vẹ unuẹfiọn, kugbe ihwo ra hwe bẹdẹ.

Jerimaya 30:11

Kidie mi nene uwe dia vwo sivwi uwe, eriyin Ọrovwohwo tare, mi che guẹ irere na ejobi ẹdjọ ohri rẹ ihwo re me hra ovwan ra na, ẹkẹvuọvo mi che ghwọrọ ovwa-an re-e. Me cha ghwọ umuchẹghwọ ku ovwan O vwo obo re sorọ ri mi vwo je ovwan ehwe-e.

Jerimaya 39:8

Ihwo ri Kaldia na da torhẹ uwevwi rẹ ovie na vẹ uwevwi rẹ ihwo na, ayen da ghwọrọ igbẹhẹ ri Jerusalẹm totọ.

Jerimaya 4:27

Kidie enẹ Ọrovwohwo na tare, Otọ na soso cha dia ofefe, ẹkẹvuọvo me cha guọghọ totọ-ọ.

Jerimaya 46:28

Wọ djẹ oshọ-ọ, E Jekọp odibo mẹ, eriyin Ọrovwohwo tare, kidie me vẹ owẹ herọ. Mi che furhie ẹgborho na ejobi re me cha djẹ ovwan ra na, ẹkẹvuọvo mi che furhie ovwa-an, ẹfa me cha fa wẹ mi che je ovwan vwo riẹrieriẹ-ẹ.

Jerimaya 5:11

Fikiridie uwevwi rẹ Izrẹl kugbe uwevwi ri Juda gbe ọfarhiẹ rhurhu vwe miomiovwi, eriyin Ọrovwohwo tare.

Jerimaya 5:18

Dede na vwẹ ẹdẹ yena, eriyin Ọrovwohwo tare, mi ghwe che furhie ovwa-an.

Jerimaya 5:9

Mi gbi hwe ayen vwi fiki rẹ imu nana-a eriyin Ọrovwohwo tare; me gbe re ihri kẹ oma mẹ kpahe orere ọtiọnana?

Izikiẹl 12:16

Ẹkẹvuọvo ki mi che ruo rere emerha rayen vwọ djẹ vabọ nẹ obọ rẹ ọlọkọ na, nẹ owẹvwe vẹ emiavwe, rere ayen vwọ fan ẹgua rayen vwẹ ohri rẹ ẹgborho rẹ ayen ra na, rere ayen vwọ riẹn nẹ mẹvwẹ hẹ Ọrovwohwo na.

Izikiẹl 14:17

Eyẹ Me da ghwẹ ọlọkọ kpahe otọ yena, tanẹ, Jẹn ọlọkọ wan otọ na vrẹn, ri mi de bru ohwo eyẹ eranvwe nẹ otọ na,

Hosia 1:9

Ọrovwohwo da ta, se odẹ rọye Ọdia-ihwo-mẹ-ẹ, fikiridie ovwan dia ihwo mẹ-ẹ, Me je dia Ọghẹnẹ wẹ-en.

Emọs 9:8

Nighere, ẹro rẹ Ọrovwohwo Ọghẹnẹ ọ he enu rẹ uvie rẹ umwemwu, ki mi hwe nẹ otọ na; ji mi che hwe uwevwi ri Jekọp ejobi-i, eriyin Ọrovwohwo na tare.

Matiu 22:7

Ẹkẹvuọvo ivun de miovwi ovie na; o de ji usun rẹ ofovwi rọye nẹ i re hwe izighẹ na, rere ayen torhẹ orere rayen na.