Jerimaya 5:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Djẹ kpenẹ kpenẹ wan irhuvwu ri Jerusalẹm, no wo roro te! nabọ guọnọ ọgua rọye se wọ mrẹ ohwo ọvo rọ dia ọsoso ohwo rọ guonọ uyota; ki mi vwo ghovwo.

Jerimaya 5:1 ပူးပေါင်းရင်းမြစ်များ

1 Ivie 19:10

Ọ da ta, A rioma kpahe ovwẹ fiki rẹ Ọrovwohwo, Ọghẹnẹ rẹ otuofovwi na; kidie ihwo rẹ Izrẹl sen ọphọ wẹn, ayen kporo egbada wẹn she, ayen nyavwe emraro wẹn hwe; ko mẹvwẹ, mẹvwẹ ọvo kpoi, ri chekọ; yẹ ayen je guọnọ arhọ mẹ, rẹ ayen hwe.

2 Ikun rẹ Ivie 16:9

Kidie ẹro rẹ Ọrovwohwo djuẹ kpenẹ kpenẹ wan akpọ na ejobi, ro vwo dje ẹgba rọye kpahe ihwo rẹ udu rọye fon kpahọ. Wo ru emu ẹkpa vwẹ Ọnana, kẹ etinẹ yanran ku wọ cha mrẹ ofovwi phi.

Une rẹ Ejiro 12:1

Chuko, Ọrovwohwo; kidie o rhe vwo ohwo esiri ọfa-a; kidie ihwo rẹ uyota ejobi ravwiẹ re nẹ uherevie rẹ emọ rẹ ihwo.

Une rẹ Ejiro 14:2

Ọrovwohwo dia obo odjuvwu de nẹ emọ re ihwo rẹ akpọ, sa sa mrẹ ọvo rọ vwo ẹghwanre, ro nenesi rẹ Ọghẹnẹ.

Une rẹ Ejiro 14:3

Ayen ejobi suosuo ghwru, ayen ejobi miovwi re, o vwo ọvuọvo ro ruẹ emu esiri-i ẹjo, kaka ohwo.

Une rẹ Ejiro 94:16

Ono ri vrẹn nene uvwe vwọ so ihwo umwemwu? Ono ri mudia kẹ vwẹ vwọ so ihwo ebrabra?

Isẹ 20:6

Ihwo buebu vwẹ unu ghwoghwo ọghọ emuo rayen, ẹkẹvuọvo ohwo ro vwo omamọ rẹ esegbuyota kono sa mrẹ?

Isẹ 23:23

Dẹ uyota reyọ, wọ shẹ-ẹ; dẹ aghwanre, kugbe uyono, vẹ ẹruọ.

Isẹ 8:3

Vwẹ ughere vwẹ obaro rẹ orho na ejobi, vwẹ anurhoro vwẹ oma rẹ ẹchẹ etiyin o de bunu,

Solomon 3:2

Ki mi vrẹn rere me ro evun rẹ orere na, Te evun re urhuvwu kugbe ehwarha na; re me guọnọ ohwo rẹ ẹnwẹn mẹ guọnọre na. Me guọnerọ, ẹkẹvuọvo me mrẹrẹ-ẹ.

Aizaya 59:4

O vwo ohwo ọvuọvo ro brorhiẹ rẹ ọsoso-o, o vwo ohwo ọvuọvo ro vwẹ evun esiri kpo ẹdjọ-ọ; ayen vwẹ ẹro so orẹ ofefe, ayen vwọrọn efian, ayen mrevun rẹ ozighl ayen de vwiẹ orukuruku.

Jerimaya 2:29

Die we vwo gu vwe? Ovwan ejobi mukpahe ovwẹ, Eriyin Ọrovwohwo tare.

Jerimaya 44:15

Etiyin ihwo ejobi re riẹnre nẹ eya rayen torhẹ insẹns kẹ edjọ efa, vẹ eya ejobi ri mudia, tẹ ọghwẹgbe rọde na, ihwo ejobi re dia Patros vwẹ otọ rẹ Ijipt, da kpahe kẹ Jerimaya.

Jerimaya 8:6

Me nabọ vwẹ oma kpoto kerhọn, ẹkẹvuọvo ota rayen ji shephihọ-ọ ọ rọ kurhẹriẹ nẹ orukuruku rọye herọ-ọ, yẹ ọ tanẹ, Die mi ruru? Dohwo didjerhe rọye vwo gbe, kerẹsiẹ rẹ iyesi da vwẹ uyovwi hẹrhẹ ofovwi.

Jerimaya 9:2

E manẹ ke me sa bọn uwevwi ọvo kẹ erhorha vwẹ evun rẹ atọn na, rere me yan jẹ ihwo na vwo, me hẹriẹ oma mẹ nẹ ayen! Kidie ayen ejobi igberadja usun rẹ ihwo re vwọrọn efian.

Jerimaya 9:7

Ọtiọye na enẹ Ọrovwohwo rẹ otuofovwi na tare. Nighe, me cha fa ayen re me davwe ayen, kẹ ọvọ mi rhe ru, vwi fiki rẹ ihwo mẹ

Izikiẹl 22:30

Me da guọnọ ohwo vwẹ ohri rẹ ayen rere ọ bọn igbẹhẹ na rọ mudia vwẹ asan guọghọre rọ hẹ obaro mẹ vwẹ otọ na, rere mi vwo jẹ ẹguọghọ; ẹkẹvuọvo a mrẹ ọvuọvo-o.

Izikiẹl 9:9

Etiyin ọ da ta kẹ vwẹ, abe rẹ uwevwi rẹ Izrẹl vi Juda rhoro gangan, otọ na vọnre vẹ ọbara, orere na da rha vọn vẹ orhiẹn rẹ eku, kidie ayen ta, Ọrovwohwo siẹn otọ na, Ọrovwohwo gbe mrẹ-ẹ.

Daniẹl 12:4

Ẹkẹvuọvo wẹ, Daniẹl, rhurhu eta na, ko ọbe na gbe, bẹsiẹ rẹ ọke rẹ oba na vwo te. Ihwo buebu cha djẹ rhe djẹ kpo, erianriẹn che bu phihọ.

Joẹl 2:9

Aye pho muẹ orere na, ayen dje vwẹ enu rẹ igbẹhẹ na; ayen yere kpo evun rẹ iwevwi ayen wan evakpo rua uwevwi kerẹ oji.

Emọs 8:12

Ayen che ghoro nẹ abadi re te abadi, nẹ obọhwẹre ọnre kpọ obaro ọnrc, ayen ke djẹ rhe djẹ kpo, rhe guọnọ ota rẹ Ọrovwohwo na, ẹkẹvuọvo jẹ ayen cha mrẹ-ẹ.

Zekaraya 2:4

ọ da ta kẹ, Djẹ, ra vuẹ emeghene yena, A cha dia Jerusalẹm kerẹ ẹko ri jẹ igbẹhẹ evwo, fiki rẹ otu rẹ ihwo vẹ uchuru re herọ.

Iyẹnrẹ Esiri ri Luk 14:21

Ọtiọye na odibo na da rhe rhe nẹ iyẹnrẹ kẹ onini rọye. Etiyin ọ ro vwo uwevwi na da vwẹ ivuemiovwo ta kẹ odibo rọye, yanran jọphẹre ro irhuvwu na kugbe idjerhe rẹ orere na, ru wo se ivwiogbere, ikruabọ kugbe irhuẹro kugbe ikpono.

2 Tẹsalonaika 2:10

Vwẹ uvun umwemwu vẹ ophiẹvwẹ rẹ ayen otu re ghwọrọ kuẹfia, fikiridie ayen senre ayen guọnọ uyota na-a e de rhe sivwi ayen rhọ.