Jerimaya 49:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Nighe, me cha vwẹ oshọ ẹdjẹ vwo rhe we, eriyin Ọrovwohwo Ọghẹnẹ rẹ otuofovwi na tare, nẹ obọ rẹ otu re yariẹ owẹ phihọ ejobi, ka cha djẹ wẹ phia, dohwo dasa ro vwo gbe, o gbi vwo ohwo ro se koko isoghoro na-a.

Jerimaya 49:5 ပူးပေါင်းရင်းမြစ်များ

Ivie rẹ Ivẹ 19:7

Nighe, mi che phi erhi phihọ oma, ko che nyo usi rẹ ofovwi ko che rhivwi kpo otọ robọ rọye, ke me cha nẹrhẹ o ghwu ughwu rẹ ọlọkọ vwẹ otọ robọ rọye.

ỌBE RẸ JOB 15:21

Edo rẹ imuoshọ vẹ erhọn rọye; vwẹ oyovwe rọye oghwọrọ na de che brora.

Isẹ 28:1

Orumwemwu de djẹ yẹ ohwo ọvuọvo vwọ tua-a, ẹkẹvuọvo udu rẹ ọvwata epha kokoroko kerẹ okpohrokpo.

Aizaya 16:3

Gba jẹn iroro, ru ọsoso; gbe ru ophie wẹn kerẹ ason vwẹ ọke rẹ ọnre dẹ vi gun; si ihwo ra djẹ kufia nu, wọ vwẹ ighuvwu riodọvwe-e;

Jerimaya 15:8

Mi ru eyauku rayen rhi bu phihọ, vrẹn ubu rẹ abadi. Mi rhi mu kpahe iniemọ rẹ ighene na ọghwọrọ vwẹ ọnre viri me vwẹ omaẹghwọrọ vẹ uguegue ri she teyọ ayen kpregede.

Jerimaya 16:16

Nighe, mi ji ikọn re se ihwiyeri buebu, eriyin Ọrovwohwo tare, ihwiyeri na ki che mu ayen, ukuko rọye ki mi ji re se irhuẹ rhe, kẹ ayen cha bẹrẹ ibefi nẹ ugbenu ọvo re te ugbenu rivẹ, ji te ẹgbogho rẹ eragha na.

Jerimaya 20:4

Kidie enẹ Ọrovwohwo tare, Nighe, mi che ru we vwọ dia imuọshọ kẹ omobọ wẹn ji kugbe igbeyan wẹn ejobi. Ọlọkọ rẹ ivwighrẹ rayen che gere ayen she yi wo di ni ughe. Ki mi phi Juda ejobi phihọ obọ rẹ ọvie ri Babilọn, ọ cha ghwa ayen kpọ imu kpo Babilọn, ọ da vwe ọlọkọ hwe ayen.

Jerimaya 46:5

Die jabọ me vwọ mrẹ? ofu dje ayen ayen de rhivwi kpuko. E hwe egbofovwi rayen totọ, ayen da djẹ okpokpakpa, ayen gbi ni uko-o. Oshọ vwẹ asan ejobi: eriyin Ọrovwohwo na tare.

Jerimaya 49:29

Itughẹ rayen vẹ ekru rẹ igegede rayen na, emwa rẹ anurhoro vẹ ekuakua rayen ejobi kamel rayen ejobi e che mu ayen jẹn ayen vwo, ihwo ki che kperi kẹ ayen: Oshẹọdjẹ kọ dia vwẹ asan ejobi!

Jerimaya 6:25

Wa yan kpo evun rẹ aghwa na rẹ, wa je yan vwẹ idjerhe na-a, kidie ọvweghrẹ na yọnrọn ọlọkọ vwẹ obọ oshọ herọ vwi kabọ kabọ.

Uvwerhe 4:15

Wan nẹ etiyin! Ovwan re pha gbegbe na! ihwo ki kperẹ kẹ ayen; wan nẹ etiyin! Wan nẹ etiyin! We dje obọ te-e! Ayen de rhi hirhe phihọ ovwisunsun vẹ osoghoro; ihwo ke ta vwẹ ohri rẹ ẹgborho na, Ayen vẹ avwanre gbe dia kugbe ọfa-a.

Emọs 4:3

Ke che kpono ovwan wan iphrophro na, dohwo duphrophro rọye re cha wan, Ovwan ke cha wan mu na vrẹn Ke ovwan cha yan phiọnphiọn gun kpo aro. Ke phio ovwan kpo Harmọn Ọrovwohwo na tarọ.

Joshua 2:9

ọ da ta kẹ ihwo na, Me riẹnre nẹ Ọrovwohwo na phi otọ na phihọ ovwan obọ nure, nẹ oshọ ro ovwan ko di muẹ avwanre kpakpa, ihwo rẹ orere na wranre kakare.