Jerimaya 49:39 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁹ Ẹkẹvuọvo vwẹ ẹdẹ rẹ okuko vwobo me cha rhoma vwẹ erhuvwu rẹ Elam rhivwi rhe, eriyin Ọrovwohwo tare.

Jerimaya 49:39 ပူးပေါင်းရင်းမြစ်များ

ỌBE RẸ JOB 42:10

Ọrovwohwo da rhoma reyọ ughwẹ rẹ Job vwọ kẹ, oke ro vwọ nẹ ẹrhovwo kẹ igbeyan rọye nu; Ọrovwohwo da rhoma vwọ kẹ Job ọhwọhwọ ivẹ nọ uche ro vwori jovwo.

Aizaya 2:2

Ọke che te vwẹ ukuko rẹ ẹdẹ na, re ugbenu rẹ uwevwi rẹ Ọrovwohwo che vwo mudia gogorogo vwẹ usun rẹ igbenu na, ko che kpenu nọ igbenu na; irere na ejobi ki che rhurie ruọ,

Jerimaya 12:15

Mi de yoro ayen nu, me je rhoma nẹ arodọvwẹ rayen ke me reyọ ayen rhe dohwo dukuẹriọ rọye je rhe dohwo dotọ rọye.

Jerimaya 48:47

Dede na me cha reyọ erhuvwu ri Moab rhivwi rhe vwẹ ẹdẹ rẹ okuko na, eriyin Ọrovwohwo tare Ọna hẹ oba rẹ orhiebro rẹ Moab.

Jerimaya 49:38

ke me cha vwẹ ekete mẹ viẹ vwẹ Elam, ke me guọghọ ivie vẹ isun rayen, eriyin Ọrovwohwo tare.

Jerimaya 49:6

Ẹkẹvuọvo ukuko rọye ke me cha rhoma vwẹ erhuvwu rẹ ihwo rẹ Amọn rhivwi rhe ayen, eriyin Ọrovwohwo tare.

Izikiẹl 29:14

ke me rhoma vwẹ efe rẹ Ijipt rhivwi rhe, ke me vwẹ ayen rhivwi kpo otọ ri Patrọs, otọ rẹ ayen nurhe, kẹ etiyin ayen da dia uvie rẹ ayen kpoghono vwẹ akpọ na,

Izikiẹl 38:16

ku wọ cha vwọ so ihwo mẹ Izrẹl, kerẹsiẹ rẹ ẹgho e de rhurhu otọ na. Vwẹ ẹdẹ rọ ka uku na ke me cha reyọ owẹ vwọ so otọ mẹ na, rere ẹgborho na vwọ riẹn vwẹ, vwẹ ọke re me da wan oma wẹ, E Gọg, vwo dje asẹ rẹ ẹfuọn mẹ kẹ ayen mrẹ.

Izikiẹl 39:25

Fiki rẹ ọtiọye na e nẹ Ọrovwohwo Ọghẹnẹ tarẹ: Asakiephana me cha rhoma reyọ ughwẹ ri Jekọp rhivwi rhe, re mi ni arodọvwẹ kẹ uwevwi rẹ Izrẹl ejobi, ke me rioma kpahọ fiki rẹ odẹ ọfuanfon mẹ.

Daniẹl 10:14

Me da rhe rere wo vwo vwo ọhọ rẹ obo rẹ cha phia kẹ ihwo wẹn vwẹ ẹdẹ rọ ka oba na. Kidie emramrẹ na vwonẹ ọ herọ vwọ kẹ ẹdẹ rọ cha vwẹ obaro.

Daniẹl 2:28

ẹkẹvuọvo Ọghẹnẹ ọvo rọ hẹ obo odjuvwu ro se dje otọ rẹ igbunu phia, obo re cha phia vwẹ ẹdẹfa ọye ọ vwọ phia kẹ ovie, Nebukadreza na. Evwerhẹ vẹ emramrẹ re kọn ro owẹ uyovwi vwẹ ọke ru wo vwo shevwerhẹ na kẹ ena.

Hosia 3:5

Ukoko rọye emọ rẹ Izrẹl ki rhivwi rhe rhe guọnọ Ọrovwohwo rẹ Ọghẹnẹ rayen, kugbe Devid rẹ ovie rayen, ayen ki bru Ọrovwohwo rhe vẹ oshọ kugbe ughwẹ rẹ esiri rọye vwẹ ukoko rọye.

Emọs 9:14

Ke Me cha rhoma reyọ ughwẹ rẹ ihwo mẹ Izrẹl rhivwi rhe ayen, irere ri sheri na ka rhoma bọn ayen ka dia ayen; kẹ ayen kọn ogba ri vain, kẹ ayen da udi rọye, kẹ ayen kọn ogba ayen ke re ibi rọye.

Maika 4:1

Rẹ ẹdẹ na de che te vwẹ ukuko rọye ugbenu rẹ uwevwi rẹ Ọrovwohwo na ko che muvi kerẹ ugbenu ro Me kpenu ejobi, ka cha kparo kpenu nọ imigbenu na ejobi; ihwo ki che rhurie ruọ.