Jerimaya 49:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Ọtiọye na ighene rọye che she vwẹ ohwarha rọye, ihwo rẹ ofovwi rọye ejobi ka cha guọghọ ayen vwẹ ẹdẹ yena, Ọrovwohwo rẹ otuofovwi na re tarọ.

Jerimaya 49:26 ပူးပေါင်းရင်းမြစ်များ

Jerimaya 11:22

ọtiọye na enẹ Ọrovwohwo rẹ otuofovwi na tare, Mi che hwe ayen; imighene na che ghwu ughwu rẹ ọlọkọ; owẹvwe che hwe emeshare vẹ emete rayen ghwu;

Jerimaya 50:30

Vwẹ ọtioye na imighene rọye che she vwẹ ọsuere rọye, ihwo rẹ ofovwi ejobi cha ghwọrọ vwẹ ẹdẹ yena, eriyin Ọrovwohwo na tare.

Jerimaya 9:21

Kidie ughwu te evakpo rẹ avwanre re, ọ rọ ighẹn rẹ avwanre re, o re bru emọ na nẹ irhuvwu rẹ avwanre, imighene na nẹ ọguan na.

Uvwerhe 2:21

Vwẹ evun rẹ iwurhie rẹ irhuvwu na ighene vẹ emare de gbule; emetẹ mẹ kugbe emeshare mẹ de ghwu ughwu rẹ ọlọkọ, wo hwe ayen vwẹ ẹdẹ rẹ ophu wẹn, ihwehwe ro vwo arodọvwẹ-ẹ.

Izikiẹl 27:27

Efe wẹn, ekuakua wẹn, oghwaeki wẹn, eguokọ wẹn imueghuvwu wẹn, idiudio wẹn, ineki re ekuakua wẹn, kugbe ihwo rẹ ofovwi wẹn re hẹ evun wẹn ejobi, kugbe otu wẹn ejobi re hẹ uherevie wẹn, de divwi vwẹ uherevie rẹ abadi vwẹ ẹdẹ rẹ oghwọrọ wẹn na.

Emọs 4:10

Mi ji ọtiekọ rhe ohri rẹ ovwan kerẹ obo ri mi ru Ijipt Me da vwẹ ọlọkọ hwe imighene rẹ ovwan; Mi de mu iyesi rẹ ovwan reyọ, mi de ru ọnrhe rẹ erhọn rẹ ovwan gbo hwe ovwan; yẹ ovwan ji hirhe bru vwẹ rhe-e, Ọrovwohwo na tarọ.