Jerimaya 49:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Didi osuigegede se mudia vwẹ obaro mẹ? Fiki rẹ ọtiọye na gbe nyo iroro rẹ Ọrovwohwo je kpahe Idọm vẹ obo rọ vwẹ evun vwọ kpahe ihwo ri Teman: Imigegede itete na dede e ji che kpono ayen yanran; omuẹro nẹ ogba rayen vẹ urhiẹvwe rayen che gbe ayen unu.

Jerimaya 49:20 ပူးပေါင်းရင်းမြစ်များ

Une rẹ Ejiro 33:11

Umẹ rẹ Ọrovwohwo na mudia bẹdẹ, iroro re udu rọye herọ nẹ edje ra ro edje.

Isẹ 19:21

Iroro buebu re dia udu rẹ ohwo, ẹkẹvuọvo ọ rẹ Ọrovwohwo guọnọre ri se muẹdia.

Jerimaya 37:10

Kidie owenẹ ovwan se hwe otu rẹ ofovwi rẹ ihwo ri Kaldia na soso re họnre ovwan na, rẹ ihwo re woma ọvo de chekọ, vwẹ dohwo dutughẹ rẹ ayen epha, ayen de vrẹn ayen cha vwẹ erhanre torhe orere nana.

Jerimaya 49:13

Kidiẹ me vwẹ oma mẹ duvwuiyori nure, ẹriyin Ọrovwohwo tare, nẹ Bozra che hirhe phihọ emuọshọ, ohare ofefe kugbe ekan; irere rọye ejobi ke cha dia ifefe rhiri bẹdẹ.

Jerimaya 49:7

Vwọ kpahe Idọm: Enẹ Ọrovwohwo rẹ otuofovwi na tare: Aghwanre gbe hẹ Tẹman? Iroroejẹ ghwru nẹ obọ rẹ obuiroro re? Aghwanre rayen ravwiẹnre?

Jerimaya 50:45

Ọtiọye na gbe nyo iroro rẹ Ọrovwohwo jẹn kpahe Babilọn, vẹ obo ro ruru kpahe otọ rẹ ihwo ri Kaldia na: Omuẹro e che kpono igegede itete rayen yanran, Omuẹro obo re phia kẹ ayen che gbe ogba rẹ igegede rayen unu.

Emọs 1:12

Vwẹ ọtiọye na ki mi che phi erhanre phihọ Teman, kọ cha torhẹ ogba ọgangan ri Bozra.

Zekaraya 4:6

Etiyin ọ da ta kẹ vwẹ, Ọnana ota rẹ Ọrovwohwo ta kẹ Zerubabẹl: Ọdia ẹgba-a, yẹrẹ oganga-an, ẹkẹvuọvo Erhi Mẹ, Ọrovwohwo rẹ otuofovwi tarọ.

Iruo rẹ Iyinkọn na 4:28

de ru kemu kemu rẹ obọ wẹn kugbe iroro wẹn jẹ phihọ otọ rhahae rhe.

Ẹfesọs 1:11

Vwẹ evun rọye, kirobo rẹ iroro rẹ ohwo ro ru emu na ejobi gba epha kirobo rẹ iroro rẹ ọhọre rọye epha.