Jerimaya 49:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Kirobo rẹ okpohrokpo pho nẹ egbo ri Jọdan cha ro ogba ọgangan rẹ igegede ye, mi che ru ayen ra da djẹ jovwo kpregede, ohwo ro jevwe kọye me cha sanọ nọ re vwẹ enu rọye, Kidie ono re họhọ ovwẹ? Ono ri si ọbe se vwe?

Jerimaya 49:19 ပူးပေါင်းရင်းမြစ်များ

1 Ikun rẹ Ivie 12:15

Enana ihwo re shariẹ Jọdan vrẹn vwẹ emeranvwe rẹ ẹsosuọ, ọke rọ vwọ vọn ro otọ, ọ da nẹrhẹ ihwo re dia iyara na ejobi kua yanran kpo obaro ọnre vẹ obuko ọnre.

2 Ikun rẹ Ivie 20:6

Ọ da ta, E Ọrovwohwo, Ọghẹnẹ rẹ esẹ rẹ avwanre, ọ dia owẹ Ọghẹnẹ rọ hẹ obo odjuvwu-u? Ọ dia owẹ ri suẹn vwẹ enu rẹ ẹgborho na ejobi-i? Obọ wẹn ọye ogangan vẹ ẹgba epha, ọtiọye na ohwo gbe sa hẹrhẹ owẹ-ẹ.

ỌBE RẸ JOB 41:10

O vwo ohwo rọ djoma ro se yivwi vwẹ obọ kpogho-o, Kọye ono ri se mudia hirhe aro ku vwe?

ỌBE RẸ JOB 9:19

Ọ da dianẹ kẹ aphro rẹ ogangan, gbe no! Ọ da dianẹ kẹ ota rẹ orhiebro, kono se tuo?

ỌBE RẸ JOB 9:21

Me re abe-e, mi se oma mẹ gbemu-u, arhọ mẹ fi emuọvo-o.

Une rẹ Ejiro 143:2

Wọ vwẹ odibo wẹn guẹdjọ-ọ, kidie o vwo ohwo ọkpokpọ rọ sa dia ọvwata vwẹ obaro wẹ-ẹn.

Une rẹ Ejiro 76:7

Ẹkẹvuọvo wẹ, wo mu oshọ gangan! Ono se mudia vwẹ obaro wẹn siẹ rẹ ophu wẹn da kpare rhe?

Une rẹ Ejiro 76:8

Nẹ obo odjuvwu rhe wo de brorhiẹ, akpọ na djẹ oshọ ọ da fọ ghiei,

Une rẹ Ejiro 89:6

Kidie kono obenu na re vwo dje we Ọrovwohwo? Ono vwe ohri re ihwo re obo odjuvwu na re họhọ Ọrovwohwo,

Une rẹ Ejiro 89:8

E Ọrovwohwo Ọghẹnẹ re otuofovwi, Ono re goma kere owẹ, E Ọrovwohwo, vẹ esegbuyota wẹn rọ riariẹ owẹ wan?

Ẹyano 15:11

Ono re họhọ owẹ, E Ọrovwohwo, vwẹ ohri rẹ eghẹnẹ na ejobi? Ono re họhọ owẹ, vwẹ ọrho vẹ ẹfuọn, ro muoshọ vwẹ iruo rẹ urinrin, ro ruẹ emu rẹ igbunu?

Aizaya 40:25

Kono wo vwo dje vwe, re me họhọ? eriyin Ọfuanfon Ọvuọvo na tare.

Aizaya 46:9

Karophihọ imu rẹ awanre, kidie Mẹvwẹ Ọghẹnẹ, o gbi vwo ọfa-a, Mẹvwẹ Ọghẹnẹ, ọfa rọ họhọ ovwẹ gbe herọ-ọ,

Jerimaya 12:5

“Ọ da dianẹ wọ vẹ ihwo vwẹ awọ djẹ onẹ oma da rhọ wẹ, komavọ wọ ru nene iyesi vwavwẹ oma Wọ da he otọ ofuefu wo de she teye otọ komavọ wo ru vwẹ oghwaghwo ri Jọdan?

Jerimaya 25:9

gbe nighe, mi che se uvwiẹ rẹ obọhwẹre ọnre cha, eriyin Ọrovwohwo tare, kugbe Nebukadreza ovie ri Babilọn, odibo mẹ na, me ghwẹ ayen rhe vwọ họnre otọ nana vẹ ihwo re dia, je kpahe irere nana re yarierẹ na; me cha ghwọrọ ayen tọtọtọ, mi de ru ayen imuosho vẹ unuẹfiọn, kugbe ihwo ra hwe bẹdẹ.

Jerimaya 30:21

Ovie rayen kọ dia ohwo ro nẹ ohri rayen rhe, uherevie rayen osun rayen nurhe. Mi sio kẹro oma, ko si kẹrẹ ovwẹ, kidie ono sa vwẹ ọhọrobọ rọye si kẹrẹ ovwẹ? eriyin Ọrovwohwo tare.

Jerimaya 4:7

Okpohrokpo nẹ evun rẹ etu rọye rhe, ọghwọrọ rẹ ẹgborho na yan phiare; ọ yan nẹ asan rọye re rere ọ ru otọ rẹ ovwan phihọ ofefe irere rẹ ovwan ke cha dia erhurhu ohwo gbe dia aye-en.

Daniẹl 7:4

Ọ rẹsosuọ da họhọ okpohrokpo vẹ ibekpe rẹ ugo. Ọke mi vwo no re a da sanvwẹ ibekpe rọye nu, a da kparọ nẹ otọ e de vwo mudia vwẹ awọ rọye ivẹ kerẹ ohwo; iroro rẹ ohwo kọye a vwọ kẹ.

Nahum 1:6

Ono ri se mudia hẹrhẹ ophu rọye? Ono se chirako rẹ ọrhorho rẹ ivuemiovwo rọye? Ọ kpare ophu rọye ku kerẹ erhanre, o de hwe eragha na ibribro.

Zekaraya 11:3

Kerhọn, re ọmaebere rẹ isuigegede na, kidie a ghwọrọ urinrin rayen re! Kerhọn, rẹ ekpere rẹ ikpohrokpo na, kidie oghwaghwo ri Jọdan ghwọrọ totọ re!

Ukeri 16:5

etiyin ọ da ta kẹ Korah vẹ ukoko rọye ejobi, Vwẹ irhiọke Ọrovwohwo na che dje ohwo rọ dia ọrọye kugbe ohwo rọ fonro, ko che si ohwo yena kẹrẹ oma; ohwo rọ jẹreyọ, kọye o si kẹrẹ oma.

Joshua 3:15

ọke rẹ ihwo re ghwa ekpeti na rhi vwo te Jọdan, rẹ awọ rẹ irherẹn re ghwa ekpeti na ghwa vwọ ro ame na (kidie Jọdan ku reghe erhọn rọye ejobi vwẹ ọke orhọ na),

Ẹvwọphia 6:17

kidie ẹdẹ rode rẹ ophu rayen na tere, kono ri se mudia hẹrhẹ?