Jerimaya 49:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Kidiẹ me vwẹ oma mẹ duvwuiyori nure, ẹriyin Ọrovwohwo tare, nẹ Bozra che hirhe phihọ emuọshọ, ohare ofefe kugbe ekan; irere rọye ejobi ke cha dia ifefe rhiri bẹdẹ.

Jerimaya 49:13 ပူးပေါင်းရင်းမြစ်များ

Jẹnẹsis 22:16

ọ da ta, Me vwẹ oma mẹ duvwu iyori, eriyin Ọrovwohwo tare, fikiridie wo ru Ọnana, wọ sa vwẹ ọmọ wẹn, ọmọ vuọvo wẹn na vwọ djahe obuko kẹ vwẹ-ẹ,

Jẹnẹsis 36:33

Bẹla de ghwu, Jobab rẹ ọmọ ri Zerah re ohwo ri Bozrah da re vwe asan ro nuru.

1 Ikun rẹ Ivie 1:44

Bela vwo ghwu nu, Jobab ọmọ ri Zerah ri Bozrah da re uvie vwẹ ẹdia rọye.

Aizaya 34:6

Ọrovwohwo na vwo ọlọko ọvo, ọbara ghwoiri yanka, ivwri ranmuo koi, ve ọbara rẹ imigodẹ kugbe ẹvwe, vẹ ivwri re ibiehun re egbo. Kidie Ọrovwohwo vwo izobo vwi Bozra, ihwehwe rode vwe otọ re Idọm

Aizaya 45:23

Vwẹ oma mẹ ọvo mi vwo duvwu iyori, Unu Me ọye ọvwata na nurhe ota ro che se rhivwi-i: Mẹvwẹ igbo na ejobi che wurhu kẹ, ẹrenvwe ejobi che vwo duvwu iyori.

Aizaya 63:1

Ona ono ro ne Idọm cha na, rọ vẹ iwun rẹ ododo gbe nẹ Bozrah cha, ro muẹ urinrin vwe evun rẹ irhuo rọye, ro chiyẹ cha vwe evun rẹ ogangan rọye rode? Mẹvwẹ, ri ghwoghwo ase ẹriọ, kugbe ẹgba rẹ esivwo.

Jerimaya 18:16

Ayen ru otọ rayen phihọ emu rẹ oshọ emu ra fiọn unu kẹ bẹdẹ. Oshọ mu ohwo kohwo rọ wan rọ vrẹn o mi kpogho uyovwi.

Jerimaya 19:8

Ki mi ru orere nana kọ dia imuoshọ, ra fiọn unu kẹ; ohwo kohwo rọ wa rọ vrẹ ejobi oshọ ko muo kọ cha fiọn unu vwi fiki rẹ eghwọrọ rọye.

Jerimaya 44:26

Fiki rẹ ọtiọye na we gbe nyo ota rẹ Ọrovwohwo na, ovwan Juda ejobi re dia otọ rẹ Ijipt na: Nighe, Me vwẹ odẹ mẹ rode na duvwu iyori nure, eriyin Ọrovwohwo tare, nẹ unu rẹ ohwo ri Juda ọvuọvo rọ dia otọ rẹ Ijipt na gbi se odẹ mẹ ọfa-a, nẹ, Kirobo rẹ Ọrovwohwo Ọghẹnẹ na vwọ herọ na.

Jerimaya 48:24

vẹ Keriọt vẹ Bọzra, kugbe irere ejobi rẹ hẹ otọ ri Moab, i ri sheri vẹ e re kẹre.

Jerimaya 49:22

Nighe, ọvo cha kparoma rọ da rhan pherephere kerẹ ugo, ko rhie ibekpe rọye phihọ kpahe Bọzra, udu rẹ egbofovwi rẹ Idọm vwẹ ẹdẹ yena ke họhọ ọ rẹ aye rọ chuẹ uvwiẹ,

Jerimaya 51:14

Ọrovwohwo rẹ otuofovwi vwẹ oma rọye ve nure; Omuẹro me cha ghwẹ we vọn vẹ ihwo, kirobo rẹ ebaka buẹ ye, ayen che do edo rẹ ephiokparobọ vwẹ enu wẹn.

Joẹl 3:19

Ijipt kọ cha rhoma dia ofefe Edom kọ cha dia aghwa ofefe ghevweghe, fiki rẹ emu ogbarogba re ru kẹ ihwo ri Juda, kidie ayen sun ọbara rẹ ekun te otọ vwẹ otọ rayen.

Emọs 1:12

Vwẹ ọtiọye na ki mi che phi erhanre phihọ Teman, kọ cha torhẹ ogba ọgangan ri Bozra.

Emọs 6:8

Ọrovwohwo Ọghẹnẹ vwẹ oma rọye duvwu iyori (eriyin Ọrovwohwo na, Ọghẹnẹ rẹ otuofovwi na tare) Me gba omephuo ri Jekọp, oma re ogba ọgangan rọye tu vwẹ, ki mi phi orere na vẹ obo re herọ phihọ obọ rẹ ivwighre.

Ọbe rẹ Ọmraro Ọbadaya Obadaya 1:18

Uwevwi ri Jekọp kọ dia kerẹ erhanre, uwevwi ri Jọsef kẹ ọgidi erhanre, uwevwi ri Isọ kẹ ehẹbe, ke ayen torhẹ ayen ka ghwọrọ ayen, ọ gbi che vwo ohwo ovuọvo ro ghwu chekọ vwẹ uwevwi rẹ Isọ-ọ. Kidie Ọrovwohwo na ye tarọ.