Jerimaya 49:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Yan jẹ emephrorivwi wẹn vwo, me ghẹrẹ ayen rhọ kẹ wẹ, gbe jẹn eyauku wẹn vwẹ ẹro so vwẹ.

Jerimaya 49:11 ပူးပေါင်းရင်းမြစ်များ

Une rẹ Ejiro 146:9

Ọrovwohwo na rhẹrẹ eyoyan, ọ yọnrọn eyauku vẹ emephrorivwi; ẹkẹvuọvo idjerhe rẹ ohwo umwemwu ọ rharọ mu ekpẹn.

Une rẹ Ejiro 68:5

Ọsẹ rẹ ọmọphrorivwi ọchochọ rẹ eyauku ọye Ọghẹnẹ vwẹ ẹdia ọfuanfon rọye.

Une rẹ Ejiro 82:3

Brorhiẹn rẹ ọsoso kẹ ọvwiẹrẹ vẹ ọmọphrorivwi, wo shenyẹ ihwo re hẹ ukpokpogho vẹ otu rẹ ọkarovwẹ-ẹ.

Hosia 14:3

Asiria che se sivwi avwanre-e, avwanre cha gua iyesi-i, avwanre gbe cha ta kẹ iruo rẹ obọ rẹ avwanre nẹ, Ọghẹnẹ rẹ avwanre ọfa-a. Vwẹ oma wẹ ọmọphrorivwi da mrẹ arodọvwẹ.

Jona 4:11

O gbi rhe fo re me re ehrọre ri Ninivẹ, orere rode yena, rẹ ihwo rọye bunọ uriori ujosan re riẹn obọrhe eyẹ obọhwẹre raye-en, kugbe uchuru buebu na?

Zekaraya 7:10

we shenyẹ ayeuku-u, we shenyẹ ọmọphrorivwi-i we shenyẹ ọrharha-a, eyẹ ogbere-e, e jẹn ohwo ovuọvo jẹ iroro umwemwu kpahe omoni rọye vwẹ udu rẹ ovwa-an.

Malakae 3:5

Ki mi che si kẹre owẹ vwẹ orhiebro; ke me cha dia oseri rẹ okpakpa kpahe ebuepha na, kugbe igberadja na, kugbe otu ri duvwu iyori rẹ ogbarogba na, vẹ otu re ghwa otu re durhie iruo ria na, vẹ otu ri kpokpo eme-phrorivwi vẹ eyauku, otu ri gerẹ erhorha phihọ akakọ, ri jẹ oshọ mẹ ẹdjẹ na; eriyin Ọrovwohwo rẹ otuofovwi na tare.

Urhi Rivẹ 10:18

Ọ brorhiẹ rẹ ọmọphrorivwi vẹ ayeuku, rọ guọnọ erhorha rọ kẹ emuẹriọ vẹ emwa.

1 Timoti 5:5

Aye ro gbine dia ayeuku rẹ uyota, rẹ ọye ọvo da herọ, ọ vwẹ ẹro so Ọghẹnẹ ọ me rẹ nẹ ẹrhovwo te ason te uvo;

Jems 1:27

Omamọ rẹ egagọ ro jẹ ẹgua evwo vwẹ obaro rẹ Ọghẹnẹ rẹ avwanre kugbe Ọsẹ rẹ avwanre na ọ na, rere o mie te asan rẹ emephran orivwi kugbe eyauku re hẹ ukpokpogho, rere o rhe si oma rọye phrẹphrẹ nẹ etatọrọ rẹ akpọ na.