Jerimaya 48:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Kidie, fikirobo wa vwọ vwẹ ẹro so ogba ọgangan vẹ efe rẹ ovwan na, e ji che mu ovwan rhe; Chemosh ji che kpo imu rhe, te irherẹn rọye kugbe isun rọye.

Jerimaya 48:7 ပူးပေါင်းရင်းမြစ်များ

2 Samuẹl 5:21

Filistia da yan jẹn ema rayen vwo etiyin, Devid vẹ ihwo rọye de mu ayen yanran.

1 Ivie 11:33

fikiridie ọ sen vwẹ, ọ da ra gọ Ashera ẹdjọ rẹ ihwo ri Sidọn, Chemosh ẹdjọ ri Moab, kugbe Milkọm ẹdjọ rẹ ihwo rẹ Ammọn, ọ gbe yan nene idjerhe mẹ-ẹ, o rhe ru obo ri yoma vwẹ obaro mẹ-ẹ ọ yọnrọn iji mẹ vẹ ẹgha mẹ-ẹ, kirobo ri Devid ọsẹ rọye ruru.

1 Ivie 11:7

Etiyin Solomọn da rẹ umukpe kẹ Chemosh ẹgua ri Moab, kugbe Molẹk ẹgua rẹ ihwo rẹ Ammọn, vwẹ obenu rẹ ugbenu vwẹ obaro ọnre vwi Jerusalẹm.

Une rẹ Ejiro 40:4

Ebruphihọ kẹ ohwo rọ vwẹ ẹro so Ọrovwohwo, rọ rhẹriẹ oma bru ohwo ro herẹ-ẹ, ro bru ihwo ri ghwru nene eghẹnẹ rẹ efia-an!

Une rẹ Ejiro 52:7

Nighe ohwo rọ vwẹ Ọghẹnẹ ru odjahọ rọye-e, ẹkẹvuọvo ọ de vwe ẹro so efe buebu rọye, o de re si oma nu vwẹ evun re efe rọye.

Jerimaya 13:25

Ọnana kọye ẹkẹn wẹn ẹkẹn re me vwavwe kẹ wẹ, eriyin Ọrovwohwo tare, kidie me chọrọ owẹ ẹro, wọ da vwẹ ẹro so efian.

Jerimaya 43:12

Ko che koko erhanre phihọ uwevwi rẹ edjọ rẹ Ijipt, kọ torhẹ ayen o mi mu ayen ighuvwu yanran, ọ cha hworhe otọ rẹ Ijipt, kirobo rẹ osuigegede hworhẹ ewun rọye ro vwo ishu; ufuoma kọye o vwo nẹ etiyin kpo.

Jerimaya 48:13

Kẹsiẹye oma rẹ Kẹmosh ke vo Moab, kirobo rẹ oma rẹ Bẹtẹl vo uwevwi rẹ Izrẹl rẹ ayen vwẹ ẹro so ye.

Jerimaya 48:46

Ekan kẹ wẹ, E Moab! Ihwo rẹ Kemosh ghwru nure; kidie e mu emọ wẹn ighuvwu e mu emetẹ wẹn kpo ighuvwu.

Jerimaya 49:3

Beroma, E Hẹshbọn, kidie a ghwọrọ Ai te otọ! Wa vie, E emetẹ ri Rabba! vwẹ isiso rhuo oma wẹn, viẹ, re wọ djẹrhe djẹkpo vwẹ ohri rẹ ogba na! Kidie e che mu Milkọm, kugbe irherẹn vẹ isun rọye kpo ighuvwu.

Jerimaya 49:4

Die wọ vwọ vwẹ iyara wẹn vwọ yoma, E ọmọtẹ ro gbe igberadja na, rọ vwẹ ẹro so efe rọye, tanẹ, Ono sa rhe rhi mukpahe ovwẹ?

Jerimaya 9:23

Enẹ Ọrovwohwo tare: E jẹn ọvwaghwanre yoma rẹ aghwanre rọye-e, e jẹn ọgba vwẹ ẹgba rọye yoma-a, e jẹn ọdafe vwẹ efe rọye yoma-a,

Hosia 10:13

Wọ kọn orukuruku, wọ de rhe vun oshenyẹ wọ re emamọ rẹ efian. Fikiridie wọ vwẹ ẹro so ekpẹrẹ rẹ ofovwi wẹn, kugbe ebuo rẹ ẹgba rẹ ofovwi wẹn.

Ukeri 21:29

Ekan kọ wẹ E Moab! Wo ghwruru, E ihwo ri Chemosh! O ru emọ rọye phihọ isoghoro O de rhe ru emetẹ rọye phihọ ighuvwu, vwọ kẹ Sihọn ovie rẹ Amọr.

1 Timoti 6:17

Nabo yono ayen otu ri feri vwẹ akpọ na nẹ, ayen bru ọrho-o, eyẹ ayen vwẹ ẹro so efe rọ muẹro-o ẹkẹvnọvo ayen vwẹ ẹro so Ọghẹnẹ rọ kẹ avwanre efe ro muẹ avwanre geie na.

Ẹvwọphia 18:7

Kirobo ro heri te ro fanrhiẹ te, ọtiọye wọ je vwẹ odjadja vẹ omaemuohọ kẹ te. Rọ vwọ ta vwẹ udu rọye nẹ, Mi tidia kerẹ aye rẹ ovie, Me dia ayeuku-u, Me cha mrẹ omaemuohọ bẹdẹ-ẹ,

Iguẹdjọ 11:24

Ovwan gba reyọ emu ri Kemọsh ẹdjọ rẹ ovwan vwọ kẹ ovwan? Ọtiọye na kohwo kohwo rẹ Ọrovwohwo Ọghẹnẹ rẹ avwanre djẹ nẹ obaro rẹ avwanre, avwanre ke cha reyọ otọ rayen.