Jerimaya 48:37 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁷ Kidie kuyovwi kuyovwi a wanherọ, kẹtuegba kẹtuegba e bruro kufia, enu rẹ abo na ejobi erera, vwẹ ehun ejobi kẹ isisọn.

Jerimaya 48:37 ပူးပေါင်းရင်းမြစ်များ

Jẹnẹsis 37:29

Ọke ri Rubẹn vwo rhivwi rhe asan ọgọdọ na rọ rha mrẹ Josẹf vwẹ etiyi-in, ọ da bẹre emwa rọye

Jẹnẹsis 37:34

Jekọp da bẹrẹ iwun rọye, ọ da vwẹ emwa rẹ uvweri rhuo, o de muomahọ kẹ ọmọ rọye ẹdẹ buebu.

1 Ivie 18:28

A da van gangan, ayen da vwẹ erakivẹ bru oma kirobo rẹ uruemu rayen epha, bẹsiẹ rẹ ọbara ki rhi hwẹ ku ayen oma.

1 Ivie 21:27

Ọke rẹ Ehab vwo nyo eta nana ọ da bẹrẹ emwa rọye, ọ da vwẹ erharhimi rhuo chiri ewẹvwe ọ da vwẹ erharhimi phopho, kọ yan bubu.

Ivie rẹ Ivẹ 6:30

Ọke rẹ ovie na vwo nyo eta rẹ aye na ọ da bẹrẹ emwa rọye dje oma asakiephana jẹ ọ yan wan enu rẹ igbẹhẹ na vrẹn ihwo ki no, nughe, ọ vwẹ erharhemwa phopho oma rọye–

1 Ikun rẹ Ivie 19:4

Etiyin Hanun da reyọ idibo ri Devid ọ da wanrọ ayen ẹtuegba, o de bru Iwun rayen vwẹ uherevie, vwẹ asan ehun rayen, o de si obọ nẹ ayen; ayen da yanran kpo.

Aizaya 20:2

vwẹ ọke yena Ọrovwohwo da wan unu rẹ Aizaya ọmọ rẹ Amoz ta ota, tanẹ, Yanran, ra rhan esiso na nẹ ehun wẹn re wo ku isabato wẹn nẹ awọ wẹn, o de ru ọtiọye, kọ yan ebẹba vẹ awọ ofefe.

Aizaya 3:24

Kpe rẹ ishani ọnrhe kọye che gbo phia; vwe asan rẹ umuehu, ke ufi; kpe re ẹton ra riẹn me kẹ akpan, kpe rẹ omamọ rẹ adagba, kẹ erharhimi; kpe rẹ erhuvwu, kẹ omaẹvuọ.

Aizaya 37:1

Rẹ Ovie Hẹzikaya vwo nyo, ọ da bẹre emwa rọye, ọ da vwẹ esiso rhuo, ọ da yanran kpo uwevwi rẹ Ọrovwohwo na.

Jerimaya 16:6

Ihwo ride vẹ ihwo itete che ghwẹ vwẹ otọ nana, e che shi aye-en, ọ rọ viẹ ayen gbe dia-a eyẹ kẹ ọ ro bru ẹto eyẹ ọ rọ wanrẹ uyovwi kẹ aye-en.

Jerimaya 41:5

eshare ujọne de nẹ Shikẹm vẹ Shilo kugbe Samaria rhe, vẹ etuegba ra wanre kugbe emwa rẹ hẹre, vẹ oma rayen ri bru era, re ghwa izobo rẹ eka vẹ adjija cha rẹ ayen cha vwọ kẹ okẹ vwẹ obi uwevwi rẹ Ọrovwohwo na.

Jerimaya 47:5

Akpan bru Gaza rhire, Ashkẹlọn ghwọrọ nure. E umuku ri chekọ vwẹ ihwo rẹ Anak, Mavọ we bru omobọ rẹ ovwan krite?

Jerimaya 49:3

Beroma, E Hẹshbọn, kidie a ghwọrọ Ai te otọ! Wa vie, E emetẹ ri Rabba! vwẹ isiso rhuo oma wẹn, viẹ, re wọ djẹrhe djẹkpo vwẹ ohri rẹ ogba na! Kidie e che mu Milkọm, kugbe irherẹn vẹ isun rọye kpo ighuvwu.

Izikiẹl 27:31

Ayen de gbe oma rayen akpan fiki wẹ, ayen de rhuo emwa rẹ uvweri, ayen da viẹ kẹ wẹ oviẹ rọ yara korokoro, vẹ oma emuophihọ rode.

Izikiẹl 29:18

Ọmọ rẹ ohwo, Nebukadreza ovie rẹ Babilọn da nẹrhẹ unuofovwi rọye wian owian gangan kpahe Taya, kuyovwi kuyovwi ejobi de gbe akpan kigabọ kigabọ ejobi da kpen bobobo, yẹ ekpuyovwi rọye eyẹ unuofovwi rọye mrẹ emu ọvuọvo mie Taya ro te vwọ hwa osa rẹ owian rẹ ayen wianre fiki rọye-e.

Izikiẹl 7:18

Ayen vwẹ esiso rhuo oma rayen, uguegue de rhurhu ayen; omavovwẹ vọn opharo rọye, uyovwi rayen gbe akpan.

Livitikọs 19:28

Ovwan bru ibrebru ọvuọvo phihọ oma rẹ ovwa-an, fiki rẹ ohwo ro ghwruru-u eyẹ we si iwu phihọ oma rẹ ovwa-an: Mẹvwẹ Ọrovwohwo na.

Emọs 8:10

Ki mi che hirhe orẹ wẹn phihọ omaemuohọ, ine ẹsuọ wẹn ejobi phihọ omaevwerhe ke Me vwẹ emwa rẹ uvweri rhuo ayen ejobi, uyovwi rẹ ohwo kohwo ko gbe akpan; kọ họhọ ohwo ro muomaphihọ fiki ọmọ ọvuọvo ro vwiẹri oba rọye kẹ ẹdẹ rọ yara korokoro.

Maika 1:16

Gbe oma wẹn akpan re wo bru ẹton wẹn nu, fiki rẹ emọ re vwerhe owẹ oma; gbe gbe oma wẹn akpan kerẹ ugo, kidie ayen che vrẹn nẹ uwe oma kpo ighuvwu.

Iyẹnrẹ Esiri ri Mak 5:5

Kọke kọke, te ason te uvo, ọ vwọ dia enu rẹ igbenu ride, kugbe evun rẹ ishi, o mi kperi, ọ mẹ vwẹ ẹlalọ bru oma.

Ẹvwọphia 11:3

Ke me vwẹ ogangan kẹ iseri mẹ ivẹ rere e mraro ẹdẹ uriori kugbe uri gbẹ ujorha, ye vwẹ emwa rẹ uvweri rhuo.