Jerimaya 48:32 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³² Me viẹ kẹ Jaza nọ wẹ E vain ri Sibma! Eghọn wẹn shariẹ abadi vrẹn rhiri re te obi Jaza; vwẹ enu rẹ emamọ rẹ ọkeuvo wẹn kugbe vain. Oghwọrọ na de she teyọ.

Jerimaya 48:32 ပူးပေါင်းရင်းမြစ်များ

Jerimaya 40:10

Vwọ kẹ vwẹ, Mizpa me cha dia, re mi mudia kẹ ovwan vwẹ obaro rẹ ihwo ri Kaldia na ri che bru avwanre rhe; ẹkẹvuọvo vwọ kẹ ovwan, we koko wain vẹ emamọ rẹ ọkeuvo kugbe evwri, wa sẹro rayen vwẹ evun rẹ ekuakua rẹ ovwan, re wa dia irere rẹ ovwan re wa reyọre nure na.

Jerimaya 48:15

Ọghwọrọ ri Moab vẹ irere rọye rhe nure, imighene esiri rọye na ayen yanran kpo ehwe, eriyin Ovie na tare, ọ rẹ odẹ rọye Ọrovwohwo rẹ otuofovwi na.

Jerimaya 48:18

Wotọ rhe nẹ urinrin wẹn, wọ tidia vwẹ otọ ọyaya, E ihwo ri Dibọn! Kidie ọghwọrọ ri Moab rhi bru vwa wẹ re; ọ guọghọ ogba ọgangan wẹn nure.

Jerimaya 48:8

Ọghwọrọ na cha ro orere korere, o gbi vwo orere ọvuọvo rọ cha vabọ-ọ, iyara na cha guọghọ, asan ophephẹ na ka cha ghwọrọ kirobo rẹ Ọrovwohwo tarọ na.

Ukeri 21:32

Mosis ji ihwo re dọrhẹ ri Jazer; ayen da reyọ ẹko rọye, ayen da ghwẹ ekuakua rẹ ihwo rẹ Amọr re dia etiyin reyọ.

Ukeri 32:1

Asakiephana emọ ri Rubẹn kugbe emọ ri Gad de vwo uchuru buebu gbidi; ayen da mrẹ otọ ri Jazer kugbe otọ ri Giliad, nighe, asan na da dia asan rẹ uchuru.

Ukeri 32:3

Atarọt, Dibon, Jazer, Nimrah, Hẹshbọn, Elealeh, Sebam, Nebo, kugbe Beọn,

Ukeri 32:35

Atrot-Shofan, Jazer, Jogbehah,

Ukeri 32:38

Nebo, kugbe Baalmeọn (odẹ rayen e che wene), kugbe Sibmah; ayen de mu edẹ efa kẹ irere rẹ ayen bọnre na.

Joshua 13:19

vẹ Kiriataim, vẹ Sibmah, vẹ Zeretshahar vwẹ enu rẹ ugbenu vwẹ obo iyara,

Joshua 13:25

Ubrotọ rayen ki Jaza, kugbe irere ri Gilead ejobi, kugbe ubro rẹ otọ rẹ ihwo rẹ Ammọn, re te Aroer, rọ obaro ọnre vwi Rabbah,

Joshua 21:39

Heshbọn vẹ etọ rẹ egbri rọye, Jaza vẹ etọ rẹ egbri rọye–ayen ejobi irere ẹne.