Jerimaya 48:29 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁹ Avwanre nyo umri rẹ eheri ri Moab– O heri gangan– Oma emuokpenu rọye, eheri rọye, vẹ osẹvwe rọye, vẹ ẹwan rẹ udu rọye.

Jerimaya 48:29 ပူးပေါင်းရင်းမြစ်များ

Une rẹ Ejiro 138:6

Dede na obo rẹ Ọrovwohwo kpenu te na, o ji se ohwo ro kpotọ gbẹ ohwo; ẹkẹvuọvo ohwo vẹ ọnko ogboko o dẹ vughe.

Isẹ 18:12

Tavwe rẹ ẹghwọrọ ke rhe yẹ udu miovwi nure, ẹkẹvuọvo omevwokpotọ re karo kẹ ọghọ.

Isẹ 21:24

Ọjihwofia ọye ọde rẹ ohwo ro herẹ, ro vwo ọnko ro yivwaro vẹ omaephuo.

Isẹ 30:13

Efa herọ mavọ ẹro rayen kpenu te, ẹro rayen nẹ ohwo sua-a

Isẹ 8:13

Omaetuo rẹ umwemwu ọye oshọ ẹdjẹ kẹ Ọrovwohwo na. Eheri vẹ eyan kugbe idjerhe rẹ umiovwo vẹ eta gẹgẹrẹ tu vwe oma.

Aizaya 13:11

Ki mi hwe akpọ na fiki rẹ umiovwo rọye, oruimwemwu fiki rẹ orukuruku rọye; ki mi ru eheri rẹ ohwo ro phuoma vwo oba, ọkon rẹ ohwo ro shuẹ akpọ ko fue.

Aizaya 16:6

Avwanre nyo eheri ri Moab, obo ro herẹ te; eyan rọye, eheri rọye, vẹ arueyivwo rọye– eyan rọye ejobi ofefe.

Daniẹl 4:37

Asakiephana Mẹvwẹ, Nebukadneza de jiri ji mu ọghọ kẹ Ovie rẹ odjuvwu kidie iruo rọye ejobi shephihọ, idjerhe rọye uyota, ihwo re yan mu oma kpenu ejobi kọ sa vwẹ ayen kpotọ.

Iyẹnrẹ Esiri ri Luk 14:11

Kidie kohwo kohwo ro mu oma kpenu ka phọphọ, ohwo ro mu ọghọ kẹ oma ka kparọ kpenu.

Jems 4:6

Ẹkẹvuọvo o siobọ nẹ ẹserọphẹ rọye na buebu, kọye ọbe ọfuanfon na vwo tanẹ, Ọgbẹnẹ hirhe opharo ku ohwo ro mu oma kpenu, ọ me rha vwẹ ẹroesiri ni otu re vwẹ oma kpotọ.