Jerimaya 48:27 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁷ Izrẹl rha dia ehwẹjẹ kẹ wẹ jovwo? A mrẹrẹ vwẹ ohri rẹ iji dẹvure, vwẹ ọke kọke wọ da ta ota rọye wo mie kpogho uyovwi?

Jerimaya 48:27 ပူးပေါင်းရင်းမြစ်များ

ỌBE RẸ JOB 16:4

Me je sa ta ota kirobo rẹ ovwan ta na, ovwan da je hẹ asan re me epha na; Me je sa ta eta etiọye vwọ kpahe ovwan, ji kpogho uyovwi kẹ ovwan.

Une rẹ Ejiro 44:13

We ri ru avwanre ehwẹjẹ, vwọ kẹ irivẹ re avwanre, ejẹfia vẹ oma ẹphọphọ kẹ otu re riariẹ avwanre.

Une rẹ Ejiro 64:8

Fiki re ẹrẹnvwe rayen ko che sun ayen kpo ughwru, ayen ihwo re mrẹ ayen ejobi ki kpogho uyovwi.

Une rẹ Ejiro 79:4

Avwanre rhe rhoma hirhe phihọ ehwẹjẹ kẹ irivẹ rẹ avwanre, ophọphọvwe vẹ ohare kẹ otu re riariẹ avwanre phihọ.

Jerimaya 18:16

Ayen ru otọ rayen phihọ emu rẹ oshọ emu ra fiọn unu kẹ bẹdẹ. Oshọ mu ohwo kohwo rọ wan rọ vrẹn o mi kpogho uyovwi.

Jerimaya 2:26

Ọtiobo rẹ oma vo oji siẹ re de muo eriyin oma cha vo uwevwi rẹ Izrẹl; te ayen, te ivie rayen, isun rayẹn, irherẹn rayẹn, kugbe emraro rayen.

Uvwerhe 1:12

O fiẹ emuọvo kẹ ovwan ovwan ejobi re wan vrẹn na? Ni rẹ wo mrẹ sa sa mrẹ oja rọ họhọ ọmẹ ro she nyẹ vwẹ na, rẹ Ọrovwohwo ru vwe na vwẹ ẹdẹ rẹ ophu ọgagan rọye na.

Uvwerhe 1:7

Jerusalẹm rhe karophihọ ọke rẹ oma ẹlaghọ vẹ oja rọye kugbe erhuvwu ejobi ro vwori nẹ awanre rhe. Vwẹ ọke rẹ ihwo rọye vwo she phihọ abọ rẹ ivwighrẹ na ro gbi vwo ohwo rọ cha uko-o, ivwighrẹ na vwọ ghọghọ vwẹ enu rayen, re a vwọ jehwe vwẹ eshe rọye.

Izikiẹl 25:8

E nẹ Ọrovwohwo Ọghẹnẹ tare: Fikiridie Moab tare, Nighe, uwevwi ri Juda je họhọ ẹgborho ri chekọ na ejobi,

Izikiẹl 35:15

Kirobo wọ ghọghọ kpahe uku rẹ uwevwi rẹ Izrẹl na, fikiridie a kuarọ fiotọ, ke otiọye mi che nene uwe ru, ka kua wẹ fiotọ, Ugbenu ri Siar, vẹ Idọm ejobi, ayen ejobi kpae. Etiyin ayen ke riẹn nẹ mẹvwẹ ọye Ọrovwohwo na.

Izikiẹl 36:2

E nẹ Ọrovwohwo Ọghẹnẹ tare: Fikiridie ọvweghrẹ na ta kpahe owẹ, Ẹhẹ, Igbenu rẹ awanre na rhi hirhe phihọ ughwẹ rẹ avwanre,

Izikiẹl 36:4

Fiki rẹ ọtiọye na E igbenu rẹ Izrẹl, nyo ota rẹ Ọrovwohwo Ọghẹnẹ: E nẹ Ọrovwohwo Ọghẹnẹ ta kẹ igbenu ride vẹ e rẹ itete, ito vẹ iyara na, asan ra kua nu kakare kugbe irere ra kua jovwo na, ri rhi hirhe phihọ eranvwe re hweria vẹ ehwẹjẹ vwọ kẹ ẹgborho ri chekọ re riariẹ owẹ phihọ na;

Zẹfanaya 2:10

Ọna kọye cha dia obọ ri te ayen fiki rẹ eheri rayen, fikiridie ayen mienu ayen yeyan kpahe ihwo rẹ Ọrovwohwo rẹ otuofovwi na.

Zẹfanaya 2:8

Mi nyọ ehwẹjẹ ri Moab kugbe ẹghwọ rẹ ihwo rẹ Ammon, obo rẹ ayen vwẹ ihwo mẹ jehwẹ rẹ ayen da yeyan kpahe ubrotọ rayen.

Matiu 26:55

Vwẹ ọke yena, Jesu da ta kẹ ihwo na nẹ, Wa vwẹ elọkọ vẹ egbẹ bru vwe rhe kerẹ ohwo ro mu oji? Kẹdẹ kẹdẹ mi vwo yono vwẹ evun rẹ uwevwi rẹ ẹga na, ovwan se mu vwe-e.

Matiu 27:38

A da kare iji ivẹ kugbe, ọvo hẹ obọrhe ọrivẹ hẹ obọhwẹre.

Matiu 7:2

Kidie oghẹre rẹ orhiẹn ru we bru kẹ ihwo, ọye e ji bru kẹ ovwan. Uchunu wọ vwọ vwavwe kẹ ihwo, ọye a je vwọ vwavwe kẹ ovwan.