Jerimaya 48:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² ihwo ri kperi usi vwi Moab gbe herọ ọfa-a. Vwi Hẹshbọn ayen da jẹ iroro umwemwu kpahọ; wa yanrhe, we ja nyavwọ kufia rọ vwọ jẹ ẹgborho ẹdia! Te owẹ rhe, E Madmẹn, ke che ru we fọtovwi; Ọlọkọ cha vwọ tua wẹ.

Jerimaya 48:2 ပူးပေါင်းရင်းမြစ်များ

Aizaya 15:1

Aroẹmrẹ ra mrẹ kpahe Moab. Kidie a guọghọ Ar tototo vwe ason ọvuọvo na, Moab wo ghwru nure; kidie a guọghọ Kir te otọ vwẹ ason ọvuọvo na, Moab wo ghwru nure.

Aizaya 15:5

Udu mẹ rọ viẹ kẹ Moab; ighuvwu rọye djẹ kpọ obi Zọar, kpo obi Eglat-shelishiyah. Kidie vwẹ asan ugbenu ri Luhit ayen viẹ bẹn ayen yere kpenu, vwe idjerhe ra wan kpọ Họrọnaim ayen teyọ unuebo rẹ ẹghwọrọ,

Aizaya 16:14

Ẹkẹvuọvo Asakiephana Ọrovwohwo tare nẹ, Vwẹ ikpe erha, kerẹ ikpe rẹ ohwo re durhieri, urinrin ri Moab ka cha vwọ jehwẹ, vwẹ obo rẹ ihwo rọye bu te na, imihwo re cha rhọ ke dia hahavwe guọguọ

Aizaya 25:10

Kidie Ọrovwohwo cha ghwobọ kpahe ugbenu nana, ke che chiyi Moab phihọ otọ vwẹ asan rọ epha, kirobo re chiyi ẹbe eyaya muotọ vwẹ erhurhu

Jerimaya 25:15

Enẹ Ọrovwohwo, Ọghẹnẹ rẹ Izrẹl, ta kẹ vwẹ: Reyọ uko ri wain re ophu na nẹ obọ mẹ, re wo ru irere ejobi ri mi ju we bru ra na re ayen da.

Jerimaya 25:17

Me da reyọ uko na nẹ obọ rẹ Ọrovwohwo mi de ru irere rẹ Ọrovwohwo ju vwe bru ra na ejobi ayen da da.

Jerimaya 31:36

Emama nana de se re otọ, eriyin Ọrovwohwo na tare, kẹsiẹye uvwie re Izrẹl ki se fue rọ de jẹ ẹgborho ẹdia vwẹ obaro mẹ bẹdẹ.

Jerimaya 33:24

Wọ nabo ni obo rẹ ihwo nana ta na mu, Ọrovwohwo siẹn erua ivẹ rọ sanọre na? Ọtiọna ayen jẹn ihwo mẹ fia rere ayen vwo jẹn ẹgborho ẹdia vwẹ obaro rayen ọfa.

Jerimaya 46:28

Wọ djẹ oshọ-ọ, E Jekọp odibo mẹ, eriyin Ọrovwohwo tare, kidie me vẹ owẹ herọ. Mi che furhie ẹgborho na ejobi re me cha djẹ ovwan ra na, ẹkẹvuọvo mi che furhie ovwa-an, ẹfa me cha fa wẹ mi che je ovwan vwo riẹrieriẹ-ẹ.

Jerimaya 48:17

We muomahọ kẹ, ovwan re yariẹrẹ phihọ, Ovwan ejobi re riẹn odẹ rọye; tanẹ, Mavọ ọkpọ ọgangan na ru vwirhi, ọkpọ rẹ urinrin na.

Jerimaya 48:42

a cha ghwọrọ Moab o gbe dia ihwo ọfa-a, fikiridie o muoma kpenu kpahe Ọrovwohwo.

Jerimaya 48:45

Vwẹ evun rẹ uhoho ri Hẹshbọn isoghoro rẹ oma rhọre ki mudia, kidie erhanre la phia nẹ Hẹshbọn rhe; ekuerhanre nẹ uwevwi ri Sihọn rhe, Ọ ghwọrọ arhare ri Moab, erhu rẹ uvie rẹ emọ rẹ edo na.

Jerimaya 49:3

Beroma, E Hẹshbọn, kidie a ghwọrọ Ai te otọ! Wa vie, E emetẹ ri Rabba! vwẹ isiso rhuo oma wẹn, viẹ, re wọ djẹrhe djẹkpo vwẹ ohri rẹ ogba na! Kidie e che mu Milkọm, kugbe irherẹn vẹ isun rọye kpo ighuvwu.

Jerimaya 49:37

Me vwẹ oshọ mu Elam vwẹ obaro rẹ ivwighrẹ rayen, vẹ obaro rẹ otu re guọnọ ayen hwe, me reyọ umiovwo mẹ vwo rhe ayen, ophu mẹ rode na, eriyin Ọrovwohwo tare, Mi ji ọlọkọ nene ayen, bẹsiẹ me vwọ ghwọrọ ayen nu,

Ukeri 32:37

Emọ ri Rubẹn da bọn Hẹshbọn, Elealeh, Kiriataim,