Jerimaya 48:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Kẹsiẹye oma rẹ Kẹmosh ke vo Moab, kirobo rẹ oma rẹ Bẹtẹl vo uwevwi rẹ Izrẹl rẹ ayen vwẹ ẹro so ye.

Jerimaya 48:13 ပူးပေါင်းရင်းမြစ်များ

1 Ivie 11:33

fikiridie ọ sen vwẹ, ọ da ra gọ Ashera ẹdjọ rẹ ihwo ri Sidọn, Chemosh ẹdjọ ri Moab, kugbe Milkọm ẹdjọ rẹ ihwo rẹ Ammọn, ọ gbe yan nene idjerhe mẹ-ẹ, o rhe ru obo ri yoma vwẹ obaro mẹ-ẹ ọ yọnrọn iji mẹ vẹ ẹgha mẹ-ẹ, kirobo ri Devid ọsẹ rọye ruru.

1 Ivie 11:7

Etiyin Solomọn da rẹ umukpe kẹ Chemosh ẹgua ri Moab, kugbe Molẹk ẹgua rẹ ihwo rẹ Ammọn, vwẹ obenu rẹ ugbenu vwẹ obaro ọnre vwi Jerusalẹm.

1 Ivie 18:40

Ilaija da ta kẹ ayen, We shabọ phihọ emraro ri Baal na; we jẹn ọvuọvo rẹ ayen djẹ vabọ-ọ. Ayen de shabọ phihọ ayen; Ilaija de sun ayen kpo uto ri Kishọn, o de hwe ayen vwẹ etiyin.

2 Ikun rẹ Ivie 25:15

Ọtiọye na ophu de mu Ọrovwohwo kpahe Amazaya o de ji ọmraro rọye bro ra, ọ da ta kẹ, Die wọ rha vwọ reyọ ẹdjọ rẹ ihwo efa, ri se sivwi ihwo ri vwo ayen nẹ obọ wẹ-ẹn?

Aizaya 16:12

Vwẹ ọke ri Moab da vwẹ oma rọye phia, rọ da laghoma rọye bẹn vwẹ enu rẹ asan ro kpenu, rọ da rhe ẹshẹ rọye re nẹ ẹrhovwo, ọ gbe sa kparobọ-ọ.

Aizaya 2:20

Vwẹ ẹdẹ yena ihwo ki ku ema rẹ idọnọ kugbe ema rẹ iro rayen kufia, rẹ ayen ru kẹ oma rayen nẹ ayen ga vwọ kẹ irherhe kugbe edja,

Aizaya 45:16

Oma vo ayen ejobi e phi ayen phihọ ozighi, ihwo re ma ẹdjọ ayen ejobi che zighi kugbe.

Aizaya 45:20

Ghwẹ oma wẹn koko re wọ rhe, we siọma koko, ovwan ihwo ri ghwu chekọ vwẹ ẹgborho na, Ayen vwo erianriẹ-ẹn ri mu ẹdjọ re ibrirhe ghoro na, re ra nẹ ẹrhovwo kẹ edjọ ro se sivwẹ-ẹ.

Jerimaya 48:12

Vwẹ ọtiọye na, gbe nighe, ẹdẹ cha, eriyin Ọrovwohwo tare, ri mi che vwo ji ogele rhe ro che gele, o ku obo re hẹ echẹ na fia, ghwọrọ ichago rọye ibribro.

Jerimaya 48:39

Mavọ ọ guọgherọ vwo! Mavọ ayen viẹ vwọ! Mavọ Moab vwẹ omaẹvuọ chuko ku! Eriyin na Moab vwo hirhe phihọ ehwẹjẹ vẹ emuọshọ kẹ otu re yarierẹ phihọ ejobi.

Jerimaya 48:46

Ekan kẹ wẹ, E Moab! Ihwo rẹ Kemosh ghwru nure; kidie e mu emọ wẹn ighuvwu e mu emetẹ wẹn kpo ighuvwu.

Jerimaya 48:7

Kidie, fikirobo wa vwọ vwẹ ẹro so ogba ọgangan vẹ efe rẹ ovwan na, e ji che mu ovwan rhe; Chemosh ji che kpo imu rhe, te irherẹn rọye kugbe isun rọye.

Iguẹdjọ 11:24

Ovwan gba reyọ emu ri Kemọsh ẹdjọ rẹ ovwan vwọ kẹ ovwan? Ọtiọye na kohwo kohwo rẹ Ọrovwohwo Ọghẹnẹ rẹ avwanre djẹ nẹ obaro rẹ avwanre, avwanre ke cha reyọ otọ rayen.