Jerimaya 48:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ekan kẹ ohwo ro ru iruo rẹ Ọrovwohwo na yoyodo; ekan kẹ ohwo rọ vwẹ ọlọkọ rọyẹ sun ọbara-a.

Jerimaya 48:10 ပူးပေါင်းရင်းမြစ်များ

1 Ivie 20:39

Rẹ ovie na vwọ wanvrẹn, o de kperi se ovie na ọ da ta, odibo wẹn yanran kpo uherevie rẹ ofovwi na; nighere, ohwo rẹ ofovwi ọvo de kuoma rhẹriẹ ọ da vwẹ ohwo ọvo rhe vwe, ọ da ta, Yọnrọn ohwo nana; ọ da dianẹ o ghwruru, ke hwe wẹ sohọ, ọ rha dia ọtiọye ku wọ hwa talẹnt rẹ idọnọ ọfuanfon.

1 Ivie 20:40

Rẹ odibo wẹn vwo ruẹ hwrahwrahwra vwẹ etinẹ ọ da djẹ. Ovie rẹ Izrẹl da ta kẹ, Kẹ ọtiọye ọye orhiẹn wẹn dia; wẹ ọvo ri brorhiẹ na.

1 Ivie 20:42

Ọ da ta kẹ, E nẹ Ọrovwohwo tare, Fikiridie wo siobọ nẹ ohwo ri mi vwo ze kẹ ughwu na, ọtiọye na ke ji hwe we sohọ; ke ji hwe ihwo we sohọ ihwo rọye.

Ivie rẹ Ivẹ 13:19

Etiyin ophu rọye de mu ohwo rẹ Ọghẹnẹ na, ọ da ta, Mane abọ iyori eyẹ esan ọye wa vwẹ ayen fa otọ; kẹ ọtiọye wa vwẹ Siria fa otọ bẹsiẹ ro vwo te oba, ẹkẹvuọvo asakiephana abọ erha kọye wọ cha vwẹ Siria fa otọ.

Jerimaya 11:3

Ku wo ta kẹ ayen nẹ, Enẹ Ọrovwohwo na tare, Ọghẹnẹ rẹ Izrẹl. Ekan kẹ ohwo kohwo rọ kerhọn rẹ eta rẹ ọphọ nana-a,

Jerimaya 47:6

E, ọlọkọ rẹ Ọrovwohwo na! Mavọ okrite wo ki hwe oma mu? phi omobọ wẹn phihọ akọ wẹn, rovwoma, fọ gbiei!

Jerimaya 47:7

Mavọ o ru fọ gbiei, vwẹ ọke rẹ Ọrovwohwo jiji kẹ! Kpahe Ashkẹlọn kugbe erhuru rẹ abadi na o bru ẹdẹ na nure.

Jerimaya 50:25

Ọrovwohwo rhie uwevwi rẹ ekuakua re ofovwi rọye re, ọ da ghwẹ ekuakua rẹ ophu rọye phihọ otafe, kidie Ọrovwohwo Ọghẹnẹ rẹ otuofovwi na vwẹ iruo ro ruẹ vwẹ otọ rẹ ihwo ri Kaldia na.

Jerimaya 50:27

Hwe irhuẹn rọye ejobi, jẹn ayen yanran bru ọrohwe. Ekan kẹ ayen, kidie ẹdẹ rayen rhire, ọke rẹ ehwe rayen.

Joshua 10:19

ẹkẹvuọvo ovwan ọvo dia etiyi-in, wa vwọ tua ivwighrẹn rẹ ovwan, we re bruro ayen vwẹ obuko, wo jẹn ayen vwẹriẹ irere raye-en; kidie Ọrovwohwo Ọghẹnẹ phi ayen phihọ obọ rẹ ovwan nure.

Iguẹdjọ 5:23

Harhọn Merọz, Ọtiọye amakashe rẹ Ọrovwohwo tare, harhọn ihwo rọye ejobi gangan, fikiridie ayen rhe chọ Ọrovwohwo na uko-o, ayen rhe chọ Ọrovwohwo na uko vwọ họnre egba na-a.

1 Samuẹl 15:3

Asakiephana gba ra ghwọrọ Amalẹk, re wọ guọghọ obo rẹ ayen vwori ejobi; wo jẹ ayen vwo-o, ẹkẹvuọvo hwe ọshare te aye, emeboba ri vievie kugbe imitete, erhuẹn ọshare vẹ igodẹ, kamẹl kugbe ekẹtẹkẹtẹ.

1 Samuẹl 15:9

Ẹkẹvuọvo Sọl vẹ ihwo na de ji Agag vwo, kugbe igodẹ ri me yovwi kugbe irhuẹn eshare kugbe eranvwe vẹ ivwri, kugbe emọ rẹ igegede kugbe obo ri me yovwi ejobi, o rhe hwe ayen ejobi tototo-o; obo ri tuoma ri fi emuọvo-o ejobi ayen de hwe eyena.