Jerimaya 47:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Akpan bru Gaza rhire, Ashkẹlọn ghwọrọ nure. E umuku ri chekọ vwẹ ihwo rẹ Anak, Mavọ we bru omobọ rẹ ovwan krite?

Jerimaya 47:5 ပူးပေါင်းရင်းမြစ်များ

1 Ivie 18:28

A da van gangan, ayen da vwẹ erakivẹ bru oma kirobo rẹ uruemu rayen epha, bẹsiẹ rẹ ọbara ki rhi hwẹ ku ayen oma.

Aizaya 15:2

Ọmọtẹ ri Dibọn yanran kpo obenu ọ yanran kpo enu rẹ igbenu ra viẹ; vwẹ enu ri Nebo vẹ enu ri Medeba Moab re beroma. Kuyovwi kuyovwi gba akpan re, a wanre kẹtuegba kẹtuegba,

Jerimaya 16:1

Ota rẹ Ọrovwohwo de bru vwe rhe:

Jerimaya 16:6

Ihwo ride vẹ ihwo itete che ghwẹ vwẹ otọ nana, e che shi aye-en, ọ rọ viẹ ayen gbe dia-a eyẹ kẹ ọ ro bru ẹto eyẹ ọ rọ wanrẹ uyovwi kẹ aye-en.

Jerimaya 25:20

kugbe erhorha re hẹ ohri rayen, ivie rẹ otọ rẹ Uz ejobi, vẹ ivie rẹ otọ ri Filistia ejobi (Ashakẹlọn, Gaza, Ekrọn, vẹ umuku rẹ Ashdọd),

Jerimaya 41:5

eshare ujọne de nẹ Shikẹm vẹ Shilo kugbe Samaria rhe, vẹ etuegba ra wanre kugbe emwa rẹ hẹre, vẹ oma rayen ri bru era, re ghwa izobo rẹ eka vẹ adjija cha rẹ ayen cha vwọ kẹ okẹ vwẹ obi uwevwi rẹ Ọrovwohwo na.

Jerimaya 47:1

Ota rẹ Ọrovwohwo ro bru Jerimaya rẹ ọmraro na rhe kpahe ihwo ri Filistia, tavwe ri Fero ki hwe Gaza.

Jerimaya 47:4

fiki rẹ ẹdẹ rọ cha guọghọ ihwo rẹ Filistia ejobi, rọ che bru kufia ni Taya vi Saidọn kọchuko kọchuko ro che chekọ. Kidie Ọrovwohwo herọ ghwọrọ ihwo ri Filistia, umuku ri chekọ vwẹ erhuru ri Kaftọ.

Jerimaya 48:37

Kidie kuyovwi kuyovwi a wanherọ, kẹtuegba kẹtuegba e bruro kufia, enu rẹ abo na ejobi erera, vwẹ ehun ejobi kẹ isisọn.

Izikiẹl 25:16

fiki rẹ ọtiọye na e nẹ Ọrovwohwo Ọghẹnẹ tare, Nighe, ke me riẹn obọ mẹ vwọ kpahe ihwo ri Filistia, ke me fian ihwo ri Kẹrẹt kufia, ka guọghọ erhuru rayen ri chekọ.

Izikiẹl 7:18

Ayen vwẹ esiso rhuo oma rayen, uguegue de rhurhu ayen; omavovwẹ vọn opharo rọye, uyovwi rayen gbe akpan.

Livitikọs 19:28

Ovwan bru ibrebru ọvuọvo phihọ oma rẹ ovwa-an, fiki rẹ ohwo ro ghwruru-u eyẹ we si iwu phihọ oma rẹ ovwa-an: Mẹvwẹ Ọrovwohwo na.

Livitikọs 21:5

E jẹn ayen bru ẹto nẹ uherevie raye-en, ayen ji bru asan ọvuọvo vwẹ oma raye-en.

Maika 1:16

Gbe oma wẹn akpan re wo bru ẹton wẹn nu, fiki rẹ emọ re vwerhe owẹ oma; gbe gbe oma wẹn akpan kerẹ ugo, kidie ayen che vrẹn nẹ uwe oma kpo ighuvwu.

Iyẹnrẹ Esiri ri Mak 5:5

Kọke kọke, te ason te uvo, ọ vwọ dia enu rẹ igbenu ride, kugbe evun rẹ ishi, o mi kperi, ọ mẹ vwẹ ẹlalọ bru oma.

Urhi Rivẹ 14:1

Ovwan emọ rẹ Ọrovwohwo Ọghẹnẹ rẹ ovwan. we bru oma rẹ ovwa-an, wa je wanre uyovwi phihọ orivwi-i.

Iguẹdjọ 1:18

Juda da je reyọ Gaza kugbe otọ rọye ejobi, kugbe Ashkẹlọn kugbe otọ rọye, kugbe Ekrọn vẹ otọ rọye.