Jerimaya 46:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ọdjonẹ sa rhan kpo-o ọgbofovwi sa vabọ-ọ; vwẹ obọrhe ọnre vwẹ oma rẹ urhie ri Yufretis ayen da kprowọ she.

Jerimaya 46:6 ပူးပေါင်းရင်းမြစ်များ

Ivie rẹ Ivẹ 23:29

Ọke rọye ọye Fero Niko ovie rẹ Ijipt vwọ kpare ofovwi bru ovie rẹ Asiria vwẹ urhie ri Yufretis. Ovie Josaya da ra vwa Fero Niko de hwe Josaya vwi Megido ọke rọ vwọ mrẹ.

Ivie rẹ Ivẹ 24:7

Ovie rẹ Ijipt gbe rhe nẹ otọ rọye phia ọfa-a, kidie ovie ri Babilọn reyọ ẹtẹrhe rẹ ovie rẹ Ijipt suẹn nẹ uto rẹ Ijipt re te urhie ri Yufretis.

Une rẹ Ejiro 27:2

Ọke rẹ ihwo umwemwu da vwọ so vwẹ, ri de mu ofian bara ovwẹ, otu rẹ ukọn mẹ kugbe ivwighrẹ mẹ ayen cha yẹghrẹ ayen mi she.

Aghwoghwo 9:11

Me da rhoma mrẹ vwẹ otọ rẹ ọnre na nẹ onẹdjẹ na dia ọ rẹ otu ri bro okpakpa-a, eyẹrẹ ofovwi na dia ọ rọ ma goma-a, eyẹrẹ ikara na dia ọ rọ ọvwaghwanre-e, eyẹrẹ efe na dia ọ rẹ ohwo ro me vwo ẹruọ-ọ eyẹrẹ ọghọ dia ọ rẹ ohwo ro ruona-a; ẹkẹvuọvo ọke vẹ uphẹ di bru ayen ejobi cha.

Aizaya 8:15

Buebu ki che she teyọ, ayen che she ayen mi vwirhi, ufi che mu ayen reyọ.

Jerimaya 1:14

Ọrovwohwo da rha ta kẹ vwẹ, obọhwẹre ọnre na okpetu che nẹ brẹ ihwo rẹ otọ na cha.

Jerimaya 20:11

Ẹkẹvuọvo Ọrovwohwo vo vwẹ herọ kerẹ isodje rọ muoshọ, vwẹ ọtiọye na iri mu kpahe ovwẹ cha yẹghrẹ, ayen se phi vwe kparobọ-ọ. Oma cha vọ ayen gangan, kidie ayen cha kparobọ-ọ. Ijọghọevwo kọ dia erayen bẹdẹ, ọ cha sa chọrọ ẹro bẹdẹ-ẹ.

Jerimaya 25:9

gbe nighe, mi che se uvwiẹ rẹ obọhwẹre ọnre cha, eriyin Ọrovwohwo tare, kugbe Nebukadreza ovie ri Babilọn, odibo mẹ na, me ghwẹ ayen rhe vwọ họnre otọ nana vẹ ihwo re dia, je kpahe irere nana re yarierẹ na; me cha ghwọrọ ayen tọtọtọ, mi de ru ayen imuosho vẹ unuẹfiọn, kugbe ihwo ra hwe bẹdẹ.

Jerimaya 4:6

Kpare aphiana vwo ni Zayọn, djẹ kẹ arhọ wẹn, wo muẹdia-a kidie me ghwa umiovwo nẹ obọhwẹre ọnre cha kugbe ẹghwọrọ rọde na.

Jerimaya 46:10

Ẹdẹ yena ẹdẹ rẹ Ọrovwohwo Ọghẹnẹ rẹ otuofovwi, ẹdẹ rẹ ihriẹriọ rọ vwọ reihri rẹ ivwighrẹ rọye. Ọlọkọ cha ghwọrọ rọ da bẹn tunu, rọ da da ọbara rayen vọn evun. Kidie Ọrovwohwo Ọghẹnẹ rẹ otuofovwi ze izobo vwẹ orere rẹ obọrhe ọnre rọ kẹrẹ urhie ri Yufretis.

Jerimaya 46:12

Ẹgborho nyo umri rẹ omẹvuọ wẹn, oviẹ wẹn vọn akpọ na ejobi re; kidie ọgbofovwi yẹnghrẹ she teye ọgbofovwi; ayen ivẹ na de she ugbada.

Jerimaya 46:16

Urogho wẹn yẹnghrẹn she, ayen da ta kẹ ohwohwo, E vrẹn, e je rhivwi bru ihwo rẹ avwanre kpo otọ re de vwiẹ avwanre, fiki rẹ ọlọkọ rẹ oshenyẹ na.

Jerimaya 50:32

Ọ ro herẹ na cha yẹghrẹ ro de she, ọ rọ kparọ vrẹn rha dia-a, ki mi che koko erhanre phihọ irere rọye, kọ cha guọghọ otu re yareriẹ phihọ ejobi.

Jerimaya 6:1

Djẹ kẹ arhọ wẹn, E ovwan ihwo ri Bẹnjamin, nẹ uherevie ri Jerusalẹm! Hworo ọgban vwi Tekoa, dje oka phia vwi Betakcherem; kidie umiovwo re ghwie nẹ obohwẹre ọnre cha, kugbe eghwọrọ rode.

Daniẹl 11:19

Etiyin ko che hirhe epharo rọye ku ogba rẹ otọ rọye; ẹkẹvuọvo ọ cha kprowọ o mi she, a gbe cha mrẹ-ẹ.

Daniẹl 11:22

Otuofovwi na ejobi ke che hwerhe ayen yanran a me guọghọ ayen nu vwẹ irharo rọye, ji te osun rẹ ọphọ na rhe.