Jerimaya 46:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Die jabọ me vwọ mrẹ? ofu dje ayen ayen de rhivwi kpuko. E hwe egbofovwi rayen totọ, ayen da djẹ okpokpakpa, ayen gbi ni uko-o. Oshọ vwẹ asan ejobi: eriyin Ọrovwohwo na tare.

Jerimaya 46:5 ပူးပေါင်းရင်းမြစ်များ

Jẹnẹsis 19:17

Ọke rẹ ayen vwọ reyọ ayen phihọ uphephẹ nu, ayen da ta, Djẹ kẹ arhọ wẹn, we nẹ obuko-o eyẹ we mudia vwẹ ukpotọ na-a, djẹ kpo obo ugbenu na, wa da ghwọrọ.

Aizaya 13:8

ofu ko dje ayen. Obi vẹ odjadja ko fru ayen, ke mrẹ odjadja kerẹ aye rọ chuẹ uvwiẹ. Kẹ ayen rhienu phihọ ni ohwohwo, opharo rayen ki mu la.

Aizaya 19:16

Vwẹ ẹdẹ yena, ihwo rẹ Ijipt na ke cha họhọ eya, ke cha phariẹ vẹ oshọ vwọ kẹ obọ na rẹ Ọrovwohwo rẹ otuofovwi che kpogho phihọ ayen na.

Aizaya 42:17

Ka djẹ ayen rhivwi oma kọ vo ayen, re vwẹ ẹro so oma ra mare, re ta ota kẹ oma ra wanre nẹ, Wẹ ẹdjọ rẹ avwanre.

Aizaya 5:25

Kọye ophu rẹ Ọrovwohwo vwọ tua kpahe ihwo rọye, ọ da riẹn obọ kpahe ayen ọ da ghwiẹ ayen, igbenu na de kpogho irivwi rayen kerẹ ikueku vwẹ uherevie rẹ urhuvwu Vwẹ enana ejobi na ophu rọye ji fue-e, yẹn obọ rọye je riẹn phia rhe.

Jerimaya 20:10

Kidie mi nyo ophiọrọ buebu. Imuọshọ ọ hẹ asan ejobi! phọphọ! Jẹn avwanre phọphọ! emamọ rẹ igbeyan mẹ ejobi tarọ rẹ ayen vwọ rhẹrẹ eshe mẹ. Ọkeọvo ya cha phiẹ, avwanre ki che phiọ kparobọ rẹ avwanre de ruo keri.

Jerimaya 46:15

Die Apis rha vwọ djẹ? Die sorọ irhuẹn wẹn rhe mudia-a? Fikiridie Ọrovwohwo geire ghwiotọ.

Jerimaya 46:21

Ihwo rẹ ofovwi rọye re durhieri vwẹ uherevie rọye re họhọ emọ rẹ erhuẹn sọkọ sọkọ, uyota, ayen kuoma rhẹriẹ ayen de koko djẹ, ayen se mudia-a, kidie ẹdẹ rẹ okpetu rayen gbare, ọke re ehwe rayen tere.

Jerimaya 49:29

Itughẹ rayen vẹ ekru rẹ igegede rayen na, emwa rẹ anurhoro vẹ ekuakua rayen ejobi kamel rayen ejobi e che mu ayen jẹn ayen vwo, ihwo ki che kperi kẹ ayen: Oshẹọdjẹ kọ dia vwẹ asan ejobi!

Jerimaya 49:5

Nighe, me cha vwẹ oshọ ẹdjẹ vwo rhe we, eriyin Ọrovwohwo Ọghẹnẹ rẹ otuofovwi na tare, nẹ obọ rẹ otu re yariẹ owẹ phihọ ejobi, ka cha djẹ wẹ phia, dohwo dasa ro vwo gbe, o gbi vwo ohwo ro se koko isoghoro na-a.

Jerimaya 6:25

Wa yan kpo evun rẹ aghwa na rẹ, wa je yan vwẹ idjerhe na-a, kidie ọvweghrẹ na yọnrọn ọlọkọ vwẹ obọ oshọ herọ vwi kabọ kabọ.

Izikiẹl 32:10

Ki mi ru re ofu wẹn dje ihwo buebu, ivie rayen ki guoma fiki wẹ, ri mi de che kpogho ọlọkọ mẹ phihọ ayen ẹro, kẹ ayen che muẹ phariẹ kọke kọke, ayen ọvuọvo fiki rẹ arhọ rọye, vwẹ ẹdẹ rẹ eshe wẹn.

Izikiẹl 39:18

Wọ cha re uvwo rẹ egba na, wọ me rha da ọbara rẹ isun rẹ akpọ na–ọ rẹ egbo, ọ rẹ imigodẹ, ọ rẹ ẹvwe, ọ rẹ erhuẹn, ayen ejobi omamọ rẹ uchuru rẹ Bashan.

Nahum 2:8

Ninivẹ da họhọ oku rẹ amẹ rọye djẹ yanran. Daji! Daji!, ayen de kperi; ẹkẹvuọvo ọvuọvo rhivwi rhe-e.

Nahum 2:9

Gborho idọnọ ẹfuanfon na, gborho iro na! o vwo efe ro vwo oba-a yẹrẹ efe rẹ emu ọghaghare ro vwo oba-a.

Zẹfanaya 1:14

Ẹdẹ rode rẹ Ọrovwohwo na si kẹri re ọ kẹrire ọ cha vẹ ọkpakpa; edọ rẹ ẹdẹ rẹ Ọrovwohwo o muenu korokoro, ọgba rode na kperẹ phia vwẹ etiyin.