Jerimaya 46:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Kpahe Ijipt. Ro she kpahe unuofovwi ri Fẹro Nẹko, ovie rẹ Ijipt, rọ kẹrẹ urhie ri Yufretis vwi Kakimish ri Nebukadreza ovie ri Babilọn phi kua vwẹ ukpe rẹnẹ ri Jihoiakim ọmọ ri Josaya, ovie ri Juda;

Jerimaya 46:2 ပူးပေါင်းရင်းမြစ်များ

Ivie rẹ Ivẹ 18:21

Nighe, wọ vwẹ ẹro so Ijipt, ro vwirhẹ ro che duvwun obọ rẹ ohwo kohwo rọ vwẹ oma rẹrẹ. Eriyin Fẹro ovie rẹ Ijipt ephan vwọ kẹ ohwo kohwo rọ vwẹ ẹro suọ.

Ivie rẹ Ivẹ 23:29

Ọke rọye ọye Fero Niko ovie rẹ Ijipt vwọ kpare ofovwi bru ovie rẹ Asiria vwẹ urhie ri Yufretis. Ovie Josaya da ra vwa Fero Niko de hwe Josaya vwi Megido ọke rọ vwọ mrẹ.

Ivie rẹ Ivẹ 23:33

Fero Niko de muo gba phihọ uwodi vwi Ribla vwẹ otọ ri Hamat, rere o je suo vwi Jerusalẹm, o de bru arhọghọ kẹ otọ na nẹ ayen jẹ, talent ujori rẹ idọnọ vẹ oro.

Ivie rẹ Ivẹ 24:7

Ovie rẹ Ijipt gbe rhe nẹ otọ rọye phia ọfa-a, kidie ovie ri Babilọn reyọ ẹtẹrhe rẹ ovie rẹ Ijipt suẹn nẹ uto rẹ Ijipt re te urhie ri Yufretis.

Aizaya 10:9

O dianẹ Kalno họhọ Kikamishi-i? O dianẹ Ramat họhọ Apadi-i? Ọ dianẹ Sameria họhọ Damaskọ-ọ?

Aizaya 19:1

Ona aroẹmrẹ kpahe Ijipt. Nighe, Ọrovwohwo rọ gua vughu vughu vwẹ ikoro ọ da rhe Ijipt, ema rẹ Ijipt ki che kpogho vwẹ obaro rọye, udu rẹ ihwo rẹ Ijipt ke cha wran vwẹ oma rayen.

Aizaya 19:19

Vwẹ ẹdẹ yena ka cha so agbada kẹ Ọrovwohwo vwẹ uherevie re otọ rẹ Ijipt na, ka cha ma osusu kẹ Ọrovwohwo vwẹ ughwru rọye.

Jerimaya 25:1

Ota ro bru Jẹrimaya rhe kpahe ihwo ri Juda ejobi, vwẹ ẹgbukpe rẹne ri Jehoiakim rẹ ọmọ ri Josaya, ovie ri Juda (oyena ẹgbukpe rẹsosuo ri Nebukadreza ovie ri Babilọn),

Jerimaya 25:19

Fẹro ovie rẹ Ijipt, idibo rọye, isun rọye, ihwo rọye ejobi,

Jerimaya 25:9

gbe nighe, mi che se uvwiẹ rẹ obọhwẹre ọnre cha, eriyin Ọrovwohwo tare, kugbe Nebukadreza ovie ri Babilọn, odibo mẹ na, me ghwẹ ayen rhe vwọ họnre otọ nana vẹ ihwo re dia, je kpahe irere nana re yarierẹ na; me cha ghwọrọ ayen tọtọtọ, mi de ru ayen imuosho vẹ unuẹfiọn, kugbe ihwo ra hwe bẹdẹ.

Jerimaya 36:1

Vwẹ ukpe rẹ ẹne ri Jehoiakim ọmọ ri Josaya ovie ri Juda na, ota nana de nẹ obọ rẹ Ọrovwohwo bru Jerimaya rhe:

Jerimaya 43:11

Kọ cha rhe rhe teyọ otọ rẹ Ijipt, i re vwo ze kẹ ọtiekọ vwọ kẹ ọtiekọ, i re vwo ze kẹ imu ọ me vwe ayen kẹ imu, i re vwo ze kẹ ọlọkọ ọ me vwẹ ayen kẹ ọlọkọ.

Jerimaya 45:1

Ota ri Jerimaya rẹ ọmraro na ta kẹ Baruk ọmọ ri Neraya vwẹ ọke ro vwo si eta nana phihọ ọbe ri Jerimaya vwọ se kẹ, vwẹ ẹgbukpe rẹne ri Jehoakim ọmọ ri Josaya, ovie ri Juda:

Jerimaya 46:14

Ta phia vwẹ Ijipt, ji ghwoghwọ vwi Migdọl, ghwoghwo vwẹ Mẹmfis vẹ Tapanhes; Ta, Mudia muegbe wọ chọma, kidie ọlọkọ cha ghwọrọ yariẹ owẹ phihọ.