Jerimaya 45:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Wọ guọnọ imu ride kẹ oma wẹn? Wọ guọnọ aye-en, kidie, gbe nighe, me herọ ghwa umiovwo rhe ihwo ejobi eriyin Ọrovwohwo tare, ẹkẹvuọvo me cha vwẹ arhọ wẹn kẹ wẹ kere osa rẹ ofovwi vwẹ asan kasan wọ cha ra ejobi.

Jerimaya 45:5 ပူးပေါင်းရင်းမြစ်များ

Jẹnẹsis 6:12

Ọghẹnẹ da mrẹ akpọ na, nighe, o de gbeku; fikiridie uvwo ejobi gbeku tughu vwẹ enu rẹ akpọ na.

1 Ivie 3:11

Ọghẹnẹ da ta kẹ, Fikiridie wọ nọ ọnana, wọ rha nọ kẹ oma wẹn otọnvwe vẹ efe eyẹ arhọ rẹ ivwighrẹ wẹ-ẹn, ẹkẹvuọvo ẹruọ wọ nọ kẹ oma re wo vwo vughe obo ri shephihọ,

1 Ivie 3:9

Fiki ọtiọye na gba vwẹ erhi rẹ ẹruọ vwọ kẹ odibo wẹn ro vwo sun ihwo wẹn, rere mi se vwo vughe emu esiri vẹ emu umwemwu; kono se sun ihwo ibuebu wẹn nana?

Ivie rẹ Ivẹ 5:26

Ẹkẹvuọvo ọ da kpahe kẹ, Wọ riẹnre nẹ erhi mẹ nene uwe ọke re ọshare na vwo wotọ nẹ akpẹrẹ rhe rhe vwa wẹ? Ọna ọke ra vwọ reyẹ igho vẹ iwun, ọgbọ rẹ oliv kugbe vain, igegede vẹ irhuẹn, idibo rẹ eshare vẹ e rẹ eya?

Une rẹ Ejiro 131:1

E Ọrovwohwo, me kpare udu mẹ kpenu rẹ, ẹro mẹ kpare kpenu nọ-ọ; Me vwe udu mẹ kpahe obo re rhonọ kugbe obo ro gbunu nọ kẹ vwẹ-ẹ.

Aizaya 66:16

Kidie erhanre Ọrovwohwo che vwo brorhiẹn, ọlọkọ rọye, ko muo kpahe ihwo ejobi, ihwo rẹ Ọrovwohwo che hwe ki buebu.

Jerimaya 21:9

Ohwo rọ da oma ji orere nana che ghwu ughwu rẹ ọlọkọ vẹ ọ rẹ owẹvwe, kugbe ọ rẹ emiavwe; ẹkẹvuọvo ohwo rọ yan nọ rọ da vwẹ oma rọye kẹ ihwo ri Kaldia re yariẹ ovwan phihọ na cha rhọ ye arhọ rọye kọ cha dia osa re ofovwi.

Jerimaya 25:15

Enẹ Ọrovwohwo, Ọghẹnẹ rẹ Izrẹl, ta kẹ vwẹ: Reyọ uko ri wain re ophu na nẹ obọ mẹ, re wo ru irere ejobi ri mi ju we bru ra na re ayen da.

Jerimaya 25:16

Ayen cha da ayen ki yeghrẹ ayen ke mua orhuẹ vwi fiki rẹ ọlọkọ ri mi che ji phihọ ọhri rayen na.

Jerimaya 25:26

Ivie rẹ obọhwẹre ọnre ejobi, te iri sheri vẹ ere kẹre, ohwo kpahe ohwo, vẹ uvie rẹ akpọ na ejobi re hẹ enu rẹ otọ na. Ayen da da nu ovie ri Babilọn kọ da.

Jerimaya 25:31

Edo na rhoma do te oba rẹ akpọ na re, kidie Ọrovwohwo vwo ẹdjọ kpahe irere na, ọ vẹ ihwo na ejobi che guẹdjọ, iruimwemwu ọ cha vwẹ ọlọkọ hwe ayen, eriyin Ọrovwohwo tare.

Jerimaya 38:2

nẹ, Enẹ Orovwonwo tare, Ohwo ro chekọ ọrho nana ọlọkọ vẹ owẹvwe kugbe emiavwe che hwe; ẹkẹvuọvo ohwo rọ yan bru ihwo ri Kaldia cha rhọ, arhọ rọye cha dia kerẹ osa rẹ ofovwi, ọ me rhọ.

Jerimaya 39:18

Kidie mi ghine che sivwi uwe rhọ, wo se she ro ọlọkọ-ọ, ẹkẹvuọvo wo che vwo urhuarho wẹn kerẹ osa rẹ ofovwi, fikiridie wọ vwẹ ẹro so vwẹ, eriyin Ọrovwohwo tare.

Zẹfanaya 3:8

Fiki rẹ ọtiọye na gba hẹrhẹ ovwẹ, eriyin Ọrovwohwo na tare, vwẹ ẹdẹ ri mi de che vrẹn rhe kerẹ oseri. Kidie orhiẹbro mẹ na mi se ẹgborho na koko, me me ghwẹ uvie na koko, ki mi che ku ivuemiovwo mẹ ku ayen, ọrhorho rẹ ophu mẹ na, kidie vwẹ evun rẹ erhanre rẹ omeriọ rẹ ophu mẹ na akpọ na ejobi kọ cha tọrhe re.

Ọbe ri Pọl si rhe Ihwo ri Rom 12:16

Ovwan riẹn yenri kugbe; we phuoma-a, ẹkẹvuọvo kuoma gbe otu ri kpotọ; wọ ghwanra vwẹ evun wẹn ọvo-o.

Hibru 13:5

Si oma wẹn nẹ urhuru si vwe rẹ igho, jẹn obo ru wo vwori da wẹ ẹro; kidie ọ tarọ nure nẹ, Me sa phiẹn wẹ-ẹ eyẹ me sa sen wẹ-ẹ.