Jerimaya 44:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Die sorọ re wọ vwọ reyọ iruo rẹ abọ rẹ ovwan vwọ nẹrhẹ ovwe phihọ ophu, rọ vwọ torhẹ ugboduma kẹ edjọ efa vwẹ otọ ri Ijipt re wa rhere rhe dia na, rere e vwo bru ovwan kufia re we rhi hirhe phihọ ekan vẹ ehwẹje kẹ uvwiẹ rẹ akpọ na?

Jerimaya 44:8 ပူးပေါင်းရင်းမြစ်များ

2 Ikun rẹ Ivie 7:20

etiyin ke me cha kọrọ owẹ nẹ otọ na re me vwọ kẹ wẹ na; uwevwi nana, ri mi ru fon vwọ kẹ odẹ mẹ na, ke me kparọ kufia nẹ obaro mẹ, ke che vwo brisẹ, ke vwo bru ohare vwẹ ohri rẹ ihwo na.

Aizaya 19:1

Ona aroẹmrẹ kpahe Ijipt. Nighe, Ọrovwohwo rọ gua vughu vughu vwẹ ikoro ọ da rhe Ijipt, ema rẹ Ijipt ki che kpogho vwẹ obaro rọye, udu rẹ ihwo rẹ Ijipt ke cha wran vwẹ oma rayen.

Aizaya 3:8

Kidie Jerusalẹm rọ yẹghrẹ, Juda she nure; fikiridie ota rayen kugbe uruemu rayen vwọ so Ọrovwohwo ayen da phọphọ asan urinrin rọye.

Aizaya 65:15

Wọ cha yan jẹ odẹ wẹn vwo kẹ ọ re Me jẹreyọ na vwọ harhe ekan, Ọrovwohwo rẹ Ọghẹnẹ ko ghwie we hwe, ẹkẹvuọvo idibo rọye ko mu odẹ ọfa kẹ ayen.

Jerimaya 11:12

Kẹsiẹye irere ri Juda vẹ ihwo re dia Jerusalẹm ejobi ke yanran re kperi se edjọ rẹ ayen torhẹ insẹns kẹ na, yẹ ayen se sivwi ayen vwẹ ọke rẹ ukpokpogho raye-en.

Jerimaya 11:17

Ọrovwohwo rẹ otuofovwi na, rọ kọn we na, ghwoghwo umiovwo kpahe owẹ, fiki rẹ umwemwu rẹ uwevwi rẹ Izrẹl vẹ uwevwi ri Juda ruru, vwọ nẹrhẹ ovwẹ phihọ ophu rẹ ayen vwo torhẹ incẹns kẹ Baal.

Jerimaya 18:16

Ayen ru otọ rayen phihọ emu rẹ oshọ emu ra fiọn unu kẹ bẹdẹ. Oshọ mu ohwo kohwo rọ wan rọ vrẹn o mi kpogho uyovwi.

Jerimaya 24:9

Mi che ru ayen vwọ dia ometuo rode kẹ ivie re akpọ na, ayen ke dia ehwẹjẹ, ayen ke dia ọhare, ra mienuhọ vẹ ekan vwẹ asan kasan me cha djẹ ayen ra ejobi.

Jerimaya 26:6

ki mi che ru uwevwi nana kerẹ Shilo ki mi ji ru orere nana ekan vwọ ke irere re akpọ na ejobi.

Jerimaya 29:18

Ọlọkọ vẹ owẹvwe, kugbe ọtiekọ mi che vwo nene ayen, mi mi rhi ru ayen phiyọ imuoshọ kẹ ivie rẹ akpo na ejobi, re ayen vwọ dia ekan, osho, unuefiọn, vẹ ehwẹjẹ vwẹ uherevie rẹ irere ejobi re me djẹ ayen na.

Jerimaya 32:30

Kidie emọ rẹ Izrẹl vẹ emọ ri Juda rhe ji ru emuọvo-o jokpa rẹ umiovwo ọvo vwẹ obaro mẹ nẹ ọke emọ rhe, rẹ Izrẹl ji ru emu ọvo-o jokpa rẹ ophu mẹ rẹ ayen kpare ọvo, eriyin Orovwohwo tare.

Jerimaya 42:18

Kidie enẹ Ọrovwohwo rẹ otuofovwi Ọghẹnẹ rẹ Izrẹl tare, Ọtiobo rẹ ophu vẹ ivuemiovwo mẹ hwẹ ku ihwo ri Jerusalẹm na, ọtioye ivuemiovwo mẹ ji hwẹ ku ovwan vwẹ ọke ru we de kpo Ijipt. Wa cha dia isọn, emuroshọ, ekan, vẹ ehwẹjẹ rode. Wa gbe mrẹ etinẹ na ọfa-a.

Jerimaya 44:12

Me cha reyọ umuku ri chekọ vwi Juda re ga ro vi re cha otọ rẹ Ijipt cha dia, ayen ejobi cha ghwọrọ; ayen che she vwẹ otọ rẹ Ijipt na; ọlọkọ vẹ owẹvwe che hwe ayen, ayen che hirhe phihọ isọn, vẹ oshẹdjẹ, ve ekan, kugbe ehwẹjẹ

Jerimaya 44:3

fiki rẹ umwemwu rẹ ayen ruru rẹ ayen vwọ kpare ophu mẹ, kidie ayen ra torhẹ izobo kẹ edjọ efa ayen da gọ ayen, e rẹ ayen, eyẹ ovwan, eyẹ esẹ rẹ ovwan riẹnre-e.

Jerimaya 44:7

Vwẹ asakiephana enẹ Ọrovwohwo Ọghẹnẹ rẹ otuofovwi, Ọghẹnẹ rẹ Izrẹl tare: Die sorọ ru we vwo ru umwemwu kpahe ekpuyovwi rẹ ovwan, re wa vwọ nyavwẹ ọshare vẹ aye, omotete vẹ ọmọfofa nẹ uherevie ri Juda, rẹ ohwo ọvuọvo vwo je chekọ kẹ ovwan?

Jerimaya 7:9

Kẹ we cho uji, dia ozighẹ, we gbe igberadja, duvwu iyori rẹ eku, torhẹ incens ki Baal, we nene eghẹnẹ efa re ovwan riẹnre-e,

Izikiẹl 33:11

Ta kẹ ayen, kirobo re me herọ na, eriyin Ọrovwohwo Ọghẹnẹ tare, mi vwo omavwerhovwẹ vwẹ ughwu rẹ ohwumwemwu-u, ẹkẹvuọvo rẹ ohwu-mwemwu rhẹriẹ oma nẹ idjerhe rọye re ọ rhọ, rhẹriẹ oma, rhẹriẹ oma nẹ idjerhe ọbrabra wẹn, kidie wo di vwo ghwu, E uwevwi rẹ Izrẹl?

Izikiẹl 9:6

hwe emare na ejobi ghwu, emeshare vẹ emetẹ, imitete vẹ eya, ẹkẹvuọvo wọ vwẹ obọ te ohwo ra ka oka phihọ na-a. Gba dia asan ẹshẹ na de muophihọ. Ọtiọye ayen da vwẹ ekpakọ re uwevwi na muophihọ.

Hosia 4:13

Ayen ze izobo vwẹ enu rẹ igbenu na, ayen da ghwẹ Izobo kpahe enu rẹ igbenu itete, vwẹ esiri rẹ ohahe, esiri rẹ afon vẹ esiri rẹ oghriki, kidie ophie rayen yovwiri. Fiki rẹ ọtiọye na emetẹ wẹn vwo gbe igberadja, rẹ epha rẹ ovwan vwo gbe ọfarhie.

Habakọk 1:16

Fiki rẹ ọtiọye na ko ze izobo kẹ ariri rọye kọ tọrhẹ insẹns kẹ ugodo rẹ ariri rọye, kidie ayen ọ vwọ re akpọ, emu rọ ria pha tẹgbẹ yoyovwi.

Urhi Rivẹ 32:25

Vwẹ uphephẹ kẹ ọlọkọ nyavwe ayen oshọẹdjẹ kọ dia ivun na, rọ guọghọ imighele rẹ eshare vẹ ọmọtobẹ, te ọmọ ri viẹ evie kugbe ọmare.

Hibru 3:16

Kẹ amono ri nyo nu, rẹ ayen de rhe mukpahọ? Ọ dia ayen ihwo ri nẹ Ijipt rhe vwẹ otọ rẹ isuesun ri Mosis?