Jerimaya 44:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Vwẹ asakiephana enẹ Ọrovwohwo Ọghẹnẹ rẹ otuofovwi, Ọghẹnẹ rẹ Izrẹl tare: Die sorọ ru we vwo ru umwemwu kpahe ekpuyovwi rẹ ovwan, re wa vwọ nyavwẹ ọshare vẹ aye, omotete vẹ ọmọfofa nẹ uherevie ri Juda, rẹ ohwo ọvuọvo vwo je chekọ kẹ ovwan?

Jerimaya 44:7 ပူးပေါင်းရင်းမြစ်များ

Isẹ 1:18

ẹkẹvuọvo ihwo nana fiọnko hẹrhẹ ọbara rẹ obọ rayen, ayen hwa hẹrhẹ arhọ rẹ obọ rayen.

Isẹ 15:32

Ohwo rọ siẹn uyono phiẹn oma obọ roye, ẹkẹvuọvo ohwo rọ kerhọn rẹ uchebro o vwo ẹruọ buebu.

Isẹ 5:22

Orukuruku rẹ orumwemwu na gbarọ riariẹ, ufi rẹ oma ẹlaghọ rẹ umwemwu rọye muro.

Isẹ 8:36

Ẹkẹvuọvo ohwo re me vabọ yọ wa omobọ rọye oma; ihwo ri tuoma mẹ ejobi ye ughwu eguọnọ.

Jerimaya 25:6

ovwan yan nene eghẹnẹ efa re wa ga ayen, shiguẹ kẹ aye-en, eyẹ wa vwẹ iruo rẹ abo rẹ ovwan kpare ovwẹ ophu-u. Me gbe wan ovwan oma-a.

Jerimaya 25:7

Dede na wa kerhọn mẹ-ẹ, eriyin Ọrovwohwo tare, nẹ wa vwẹ iruo rẹ abọ rẹ ovwan kpare ovwẹ ophu vwọ kẹ umiovwo rẹ obọ rẹ ovwan.

Jerimaya 26:19

Ke Hezikaya ovie ri Juda vi Juda ejobi hwere? Oshọ rẹ Ọrovwohwo gbi muo ro da nọ ekpẹn rẹ erhuvwu vwẹ obọ rẹ Ọrovwohwo? Ẹkẹvuọvo obo rẹ Ọrovwohwo tare nẹ ọye ru ayen jovwo na, o de jovwo? Avwanre ke guọnọ suọ okpetu rode vwọ kẹ omobọ rẹ avwanre na.

Jerimaya 3:24

Nẹ ọke emọ rẹ avwanre rhe, ọye emu rẹ omẹvuọ nana vwọ ghwọrọ obo rẹ esẹ rẹ avwanre wian kẹ igegede vẹ uchuru rayen, emeshare vẹ emetẹ rayen.

Jerimaya 38:17

Etiyin ọ da ta kẹ Zedikaya, Enẹ Ọrovwọhwo Ọghẹnẹ rẹ otuofovwi, Ọghẹnẹ rẹ Izrẹl tare, Wọ da vwẹ oma wẹn kẹ isun rẹ ovie ri Babilọn, ke sivwi arhọ wẹn, a rha vwẹ erhanre torhẹ orere na-a, wọ vẹ uwevwi wẹn ke rhọ.

Jerimaya 42:20

nẹ wa da yan ghwru arhọ rẹ ovwan ko nene. Kidie we ju vwe bru Ọrovwohwo Ọghẹnẹ rẹ ovwan, nẹ, Nẹ ẹrhovwo kẹ Ọrovwohwo Ọghẹnẹ rẹ avwanre na kẹ avwanre, re wo ghwoghwo kẹ avwanre emu kemu rẹ Ọrovwohwo Ọghẹnẹ rẹ avwanre djeri avwanre ruo.

Jerimaya 44:14

Vwe etiyin na ọvuọvo re umuku ri chekọ vwi Juda na re rhe dia otọ rẹ Ijipt na rọ sa vabọ eyẹ kọ rhọ eyẹ ki rhivwi kpo otọ ri Juda herọ-ọ, re ayen guọnọ rhivwi ra dia na, kidie ayen che se rhivwi-i, jokpa rẹ isoghoro evo.

Jerimaya 44:8

Die sorọ re wọ vwọ reyọ iruo rẹ abọ rẹ ovwan vwọ nẹrhẹ ovwe phihọ ophu, rọ vwọ torhẹ ugboduma kẹ edjọ efa vwẹ otọ ri Ijipt re wa rhere rhe dia na, rere e vwo bru ovwan kufia re we rhi hirhe phihọ ekan vẹ ehwẹje kẹ uvwiẹ rẹ akpọ na?

Jerimaya 51:22

wẹ me vwọ guọghọ ọshare vẹ aye ibribro; wẹ me vwọ guọghọ ọmare ọshare vẹ eghene ibribro; wẹ me vwọ guọghọ eghene ọshare vẹ ọmọte ukoni Ibriobro,

Jerimaya 7:19

Mẹvwẹ kọye ayen kpare ophu na? eriyin Ọrovwohwo na tare. Ọ dia omobọ rayen, ayen vwo gbe ozighi na?

Jerimaya 9:21

Kidie ughwu te evakpo rẹ avwanre re, ọ rọ ighẹn rẹ avwanre re, o re bru emọ na nẹ irhuvwu rẹ avwanre, imighene na nẹ ọguan na.

Uvwerhe 2:11

Ibiẹrọ mẹ sunka vẹ oviẹ; erhi mẹ re kpọghọ; udu mẹ vọnre vẹ uvweri fiki rẹ ẹghwọrọ rẹ ọmọtẹ rẹ ihwo mẹ, fikiridie imitete vẹ emọboba hiro sherua vwẹ evun rẹ irhuvwu rẹ orere na.

Uvwerhe 2:22

Wọwẹ ri se avwanre kpo ẹdorẹ re bruru uguegue vwi kabọ kabọ; vwẹ ẹdẹ rẹ ophu rẹ Ọrovwohwo ohwo ọvuọvo sa vabọ-ọ eyẹ ke sa rhọ-ọ, Ayen otu re me fẹnre re me ghẹre ivwighrẹ mẹ mie vwe ghwọrọ.

Izikiẹl 33:11

Ta kẹ ayen, kirobo re me herọ na, eriyin Ọrovwohwo Ọghẹnẹ tare, mi vwo omavwerhovwẹ vwẹ ughwu rẹ ohwumwemwu-u, ẹkẹvuọvo rẹ ohwu-mwemwu rhẹriẹ oma nẹ idjerhe rọye re ọ rhọ, rhẹriẹ oma, rhẹriẹ oma nẹ idjerhe ọbrabra wẹn, kidie wo di vwo ghwu, E uwevwi rẹ Izrẹl?

Izikiẹl 9:6

hwe emare na ejobi ghwu, emeshare vẹ emetẹ, imitete vẹ eya, ẹkẹvuọvo wọ vwẹ obọ te ohwo ra ka oka phihọ na-a. Gba dia asan ẹshẹ na de muophihọ. Ọtiọye ayen da vwẹ ekpakọ re uwevwi na muophihọ.

Habakọk 2:10

Wọwẹ ọvo rhe vwẹ omaẹvuọ kẹ uwevwi wẹn ru wọ vwọ nyavwẹ ihwo buebu kufia, wọ reyọ arhọ wẹn vwọ hwa osa.

Ukeri 16:38

ephẹnre rẹ ihwo re vwẹ arhọ rayen hwa osa rẹ umwemwu rayen, ọtiọye na e gbe jẹ duvwu ayen phihọ ọsete re vwo rhurhu agbada na, kidie ayen vwẹ ayen ze izobo kẹ Ọrovwohwo, fiki rẹ ọtiọye na kẹ efuanfon. Ọnana kọ cha dia oka kẹ ihwo rẹ Izrẹl na.

Urhi Rivẹ 32:25

Vwẹ uphephẹ kẹ ọlọkọ nyavwe ayen oshọẹdjẹ kọ dia ivun na, rọ guọghọ imighele rẹ eshare vẹ ọmọtobẹ, te ọmọ ri viẹ evie kugbe ọmare.

Joshua 6:21

Ayen da vwẹ obọ te otọ vwẹ ọlọkọ guọghọ obo re hẹ orere na ejobi, te eshare te eya, te ighele te ekpako, irhuẹn, igodẹ, kugbe ekẹtẹkẹtẹ.

Iguẹdjọ 21:11

Ọnana ọyen obo ru we che ru; wan mi hwe ọshare kọshare kugbe aye kaye rọ vẹ ọshare gba mrẹ oma re kufia kakare.”.

1 Samuẹl 15:3

Asakiephana gba ra ghwọrọ Amalẹk, re wọ guọghọ obo rẹ ayen vwori ejobi; wo jẹ ayen vwo-o, ẹkẹvuọvo hwe ọshare te aye, emeboba ri vievie kugbe imitete, erhuẹn ọshare vẹ igodẹ, kamẹl kugbe ekẹtẹkẹtẹ.

1 Samuẹl 22:19

Nọb, rẹ orere rẹ irherẹn na, o de hwere; te eshare te eya, imitete vẹ emeboba ri vie evie, te irhuẹn, te ekẹtẹkẹtẹ, te igegede, ọ da vwẹ ọlọkọ hwe ayen.