Jerimaya 44:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ẹkẹvuọvo ayen kerhọ-ọn, ayen vwẹ erhọn kpotọ-ọ, vwo kurhẹriẹ nẹ umwemwu rayen vwo je ugboduma ẹtorhẹ kẹ edjọ efa-a.

Jerimaya 44:5 ပူးပေါင်းရင်းမြစ်များ

2 Ikun rẹ Ivie 36:16

ẹkẹvuọvo kẹ ayen vwẹ ikọn rẹ Ọghẹnẹ na vwo jehwẹ, ayen mi ni ota rọye saka, ayen mi mienu phihọ emmro rọye, bẹsiẹ rẹ ophu rẹ Ọrovwohwo rhe vwọ tua kpahe ihwo rọye, bẹsiẹ ra gbe mrẹ obo re sa hẹrhẹ ophu rọye-e.

Nehemaya 9:30

Ikpe buebu wo chiri ako rẹ ayen, wọ da wan oma re emraro na vwe Erhi wẹn ta ota kẹ ayen; dede na ayen davwerhọ-ọn. Fiki rẹ ọtiọye na wo de phi ayen phihọ obọ re ihwo rẹ otọ na.

Aizaya 48:18

E ọ dianẹ ke wọ kerhọn rẹ irhi Mẹ! Mane ufuoma wẹn ka dia kerẹ urhie, ọvwata wẹn ka dia kerẹ omimi rẹ urhie,

Aizaya 48:4

Fikiridie Me rlenre nẹ wo vwo udu, ohọre wẹn irien rẹ utehru arhanre wẹn kẹ ẹronvwo,

Jerimaya 11:10

Ayen rhivwi kpo umiovwo rẹ esẹ rayen ride, ihwo re rhọvwe nyo eta mẹ-ẹ ayen yan nene edjọ efa vwo ga ayen, uwevwi rẹ Izrẹl vẹ uwevwi ri Juda miovwo ọphọ ri mi nene esẹ rayen re na.

Jerimaya 11:13

Kidie obo rẹ irere rẹ ovwan bute eriyin edjọ rẹ ovwan ji bute, E Juda, kirobo rẹ irhuvwu wẹn bute etiọye egbada re vwo vi kẹ omaẹvuọ rẹ ovwan ji bute vwi Jerusalẹm, egbada ra da torhẹ insẹns kẹ Baal.

Jerimaya 11:17

Ọrovwohwo rẹ otuofovwi na, rọ kọn we na, ghwoghwo umiovwo kpahe owẹ, fiki rẹ umwemwu rẹ uwevwi rẹ Izrẹl vẹ uwevwi ri Juda ruru, vwọ nẹrhẹ ovwẹ phihọ ophu rẹ ayen vwo torhẹ incẹns kẹ Baal.

Jerimaya 11:8

Dede na ayen nyori-i eyẹ ayen je kerhọ-ọn; ẹkẹvuọvo dohwo dudu ọgangan rẹ umwemwu rọye je yan phihọ. Ọtiọye re me da ghwa eta rẹ ọphọ nana kpahe ayen, ri mi jiji kẹ ayen nẹ ayen ru, ẹkẹvuọvo ayen ruro-o.

Jerimaya 13:10

Ihwo umwemwu nana, re senre nẹ ayen nyo eta mẹ-ẹ na, re vwẹ udu ọgangan nene udu rẹ obọ rayen vwọ yan nene edjọ efa vwọ gan ayen je vwẹ uyovwi te otọ kẹ ayen na, ayen cha dia kerẹ otehun nana, ro fi emuọvo-o na.

Jerimaya 19:13

Iwevwi ri Jerusalẹm kugbe iwevwi rẹ ivie ri Juda–iwevwi ra dia enu rayen da torhẹ izobo kẹ otu rẹ obenu ejobi, ra da vwẹ idi gọ iye kẹ eghẹnẹ efa, e che gbe ayen ẹgua vwi Tọfẹt.

Jerimaya 43:4

Eriyin na Johanan ọmọ ri Karia vẹ isun rẹ ofovwi na ejobi kugbe ihwo na ejobi rhe nyo urhuru rẹ Ọrovwohwo-o, vwọ dia otọ ri Juda na-a.

Jerimaya 7:24

Ẹkẹvuọvo ayen nyori-i, ayen kerhọ-ọn, ẹkẹvuọvo ayen da yan nene iroro rẹ obo rayen vẹ udu ọgangan rẹ udu umwemwu rayen, ayen da ya kpuko o gbe dia obaro-o.

Daniẹl 9:6

Avwanre davwerhọn rẹ idibo wẹn vẹ emraro wẹ-ẹn, re vwẹ odẹ wẹn ta ota kẹ ivie rẹ avwanre, isun rẹ avwanre, kugbe esẹ rẹ avwanre te ihwo rẹ otọ rẹ avwanre na.

Hosia 11:2

Tiobo mi se ayen na, ọtiọye ayen je ghwa mrẹ vwẹ djẹ te; ayen ji ze izobo kẹ Baal, jẹn ayen ghwa torhẹ insens kẹ ema.