Jerimaya 44:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Dede na mi dje idibo mẹ emraro na ejejo bru ovwan rhe tanẹ, E, we ruẹ emuẹgha nana ro tu vwe oma na-a!

Jerimaya 44:4 ပူးပေါင်းရင်းမြစ်များ

2 Ikun rẹ Ivie 36:15

Ọrovwohwo na, Ọghẹnẹ rẹ esẹ rayen, de ji ikọn ejobi bru ayen, fikiridie ọ re ehrọre rẹ ihwo rọye kugbe asan rọ dia.

Nehemaya 9:30

Ikpe buebu wo chiri ako rẹ ayen, wọ da wan oma re emraro na vwe Erhi wẹn ta ota kẹ ayen; dede na ayen davwerhọ-ọn. Fiki rẹ ọtiọye na wo de phi ayen phihọ obọ re ihwo rẹ otọ na.

Nehemaya 9:34

ivie re avwanre, isun re avwanre, irherẹn re avwanre, kugbe esẹ rẹ avwanre yọnrọn urhi wẹ-ẹn eyẹ e davwerhọn rẹ irhi vẹ eta ru wọ ta kẹ aye-en.

Jerimaya 16:18

Me hwa osa rẹ orukuruku vẹ imwemwu rayen kpahe kẹ ayen, fikiridie ayen vwẹ irivwi rẹ edjọ rayen ri mioma na vwo imovwi otọ mẹ, ayen vwẹ ẹgua-egbe rayen vọn ukuẹriọ mẹ.

Jerimaya 26:5

vwọ kerhọn rẹ eta rẹ idibo mẹ emraro na ri mi ji bru ovwan cha phẹrephẹre na, dede na wa kerhọ-ọn,

Jerimaya 29:19

Fikiridie ayen davwẹ erhọn rẹ eta mẹ na-a ri mu jẹ idibo mẹ rẹ emraro na nẹ e ra ta kẹ ayen kẹsiẹ kẹsiẹ, eriyin Ọrovwohwo tare, ẹkẹvuọvo wa cha kerhọ-ọn, eriyin Ọrovwohwo tare.

Jerimaya 32:33

Ayen hirhe obuko rayen ku vwe ọ dia opharo raye-en, obo mi dje ayen eyeyono te na ayen sa kerhọn vwọ reyọ uyono-o.

Jerimaya 32:34

Ayen phi ometuo rayen phihọ uwevwi ra vwẹ odẹ mẹ se vwo miovwo.

Jerimaya 32:35

Ayen bọn asan rọ kpenu kẹ Baal vwẹ iyara rẹ ọmọ ri Hinọm, rẹ ayen da vwẹ emeshare vẹ emetẹ rayen vwọ gọ iye kẹ Mọlẹk, mi ji aye-en, ọ je hẹ iroro mẹ-ẹ, nẹ ayen ru ẹgua nana, vwọ nẹrhe Juda ru umwemwu.

Jerimaya 35:15

Mi ji idibo mẹ rẹ emraro na ejobi bru ovwan rhe, mi ji ayen ejojo, nẹ, Dohwo didjerhe umwemwu rọye rhẹriẹ ru, wa rhuẹrẹ eyere rẹ ovwan, vwo je edjọ efa ẹyan nene re we jẹn ayen egọ, re wa sa dia evun rẹ otọ re me kẹ ovwan vẹ esẹ rẹ ovwan na. Ẹkẹvuọvo wa vwẹ erhọn kpọtọ-ọ wa je kerhọn mẹ-ẹ.

Jerimaya 35:17

Vwẹ ọtiọye na, enẹ Ọrovwohwo Ọghẹnẹ rẹ otuofovwi, Ọghẹnẹ rẹ Izrẹl na tare: Nighe, me cha ghwa umiovwo rhurhu Juda vẹ ihwo ri Jerusalẹm ejobi, umiovwo re me ta kpahe ayen jovwe na, fikiridie me ta kẹ ayen yẹ ayen kerhọ-ọn mi se ayen yẹ ayen nyori-i.

Jerimaya 7:13

Fiki rẹ obo rẹ ovwan vwo ru imu nana, vwẹ asakiephana, eriyin Ọrovwohwo na tare, ọke mi vwo dje ovwan ẹtẹta kẹ wa kerhọ-ọn, mi vwo se ovwan we nyori-i,

Jerimaya 7:17

Wọ mrẹ obọ rẹ ayen ruẹ vwẹ irere ri Juda kugbe irhuvwu ri Jerusalẹm na?

Jerimaya 7:18

Emọ na re du irhe koko, esemọ na de rhe koko erhanre na phihọ, eya na de gbe eka na, re ayen kake ikara kẹ ovie rẹ aye rẹ enu, ayen de ku udi ku edjọ efa, rẹ ayen vwọ kpare ophu mẹ.

Jerimaya 7:25

Nẹ ẹdẹ rẹ esẹ rẹ ovwan vwo nẹ otọ rẹ Ijipt rhe rhi te none na, mi vwo ji idibo mẹ emraro na ejejo bru ayen, nẹ ẹdẹ ra ro ẹdẹ,

Izikiẹl 16:36

Enẹ Ọrovwohwo Ọghẹnẹ tare, Fikiridie a ban omaẹvuọ wẹn phihọ a da rha mrẹ ẹban wẹn vwẹ evun rẹ igberadja egbe wẹn vẹ esen wẹn, kugbe fiki rẹ ema wẹn ejobi, ji kugbe fiki rẹ ọbara rẹ emọ wẹn ru wọ kẹ ayen.

Izikiẹl 16:47

Yẹ o te kẹ wẹ rere wọ yan phihọ idjerhe raye-en, eyẹ wọ ru kirobo rẹ ẹgua rayen epha-a, vwẹ ọmọke krẹ na wọ rhoma rhi miovwi nẹ obo rẹ ayen epha vwẹ idjerhe rayen. Kirobo re me herọ na, eriyin Ọrovwohwo Ọghẹnẹ tare,

Izikiẹl 18:31

Siobọ nẹ ogbigbiru wẹn ejobi ru wo ru kpahe ovwẹ, wọ reyọ udu ọkpokpọ kẹ oma wẹn kugbe erhi ọkpokpọ! Die wọ di vwo ghwu, E uwevwi rẹ Izrẹl?

Izikiẹl 8:10

Ọtiọye me da ro uwevwi na, me da mrẹ vwẹ etiyin, oka rẹ eravwọ ejobi ri kpono, eranvwe ejobi ri gbo ọrhe brabra, kugbe ema ejobi rẹ uwevwi rẹ Izrẹl,

Daniẹl 9:6

Avwanre davwerhọn rẹ idibo wẹn vẹ emraro wẹ-ẹn, re vwẹ odẹ wẹn ta ota kẹ ivie rẹ avwanre, isun rẹ avwanre, kugbe esẹ rẹ avwanre te ihwo rẹ otọ rẹ avwanre na.

Zekaraya 7:7

Ọke ra vwọ dia Jerusalẹm ro vwo vwo erhuvwu, re irere rọye vwọ gba yariẹ phihọ, re vwo yere obọhwẹre ọnre vẹ igo rọye, enana dia eta rẹ Ọrovwohwo wan oma rẹ emraro rẹsosuọ ta-a?

1 Pita 4:3

Gbe jẹn ọke rọ wanre na te kẹ eruo rẹ obo ri Keferi guọnọ ruẹ, ri ruẹ fanrhiẹ fanrhiẹ, urhuru sivwe, idi-ẹda, re mrẹ ọre ghọghọ, idi-emuo, ẹdjọ ro gbegọ.